Имҩаҧысит Аҧсны Аминистрцәа Реилазаара изаамҭанытәиу реилатәара.

23.11.2016
550

Имҩаҧысит Аҧсны Аминистрцәа Аеилазаара изаамҭанытәиу реилатәара. Уи аҟны изхәаҧшыз азҵаарақәа рыбжьара иҟан аҳәынҭқарратә еилакқәеи аусбарҭақәеи рнапхгаҩцәа рхаҭыҧуаа рышьақәырҕәҕәара.

Аминистрцәа убасгьы  иалацәажәаны ирыдыркылеит «Атәанчахәытә фонд  ҩнызқьи жәафтәи ашықәс  азтәи абиуџьет аҧсахрақәа ралагаларазы азакуан апроект.
  
Аминистрцәа Реилазаара аилатәара иалагеит акадртә зҵаарақәа рыхәаҧшрала. Убас абҩарҵәыреи аспорти рзы аҳәынҭқарратә еилакы ахантәаҩы ихаҭыҧуаҩыс  иӡбахә ҳәан аибашьра аветеран, Леон иорден занашьоу, аҿар реиҵааӡареи аспорт аӡыргареи рҿы зџьабаа рацәоу Рафаель Амҧар.

Аминистрцәа  Рафаель Амҧар икандидатура еиҧш убасгьы ишьақәдырӷәӷәеит атранспорт азы аҳәынҭқарратә усбарҭа аиҳабы ихаҭыҧуаас  Рауль Бебиеи, Ҭамаз Ҳашбеи.

Иацҵан акадртә зҵаарақәа рыӡбара. Аҧсны агәабзиарахьчара аминистр ихаҭыҧуаас ишьақәырҕәҕәан   Ҭамаз Ҵахнакьиеи Баҭал Кациеи. Анаҩс изхәаҧшуаз азҵаара азкын Аҧсны аҳәынҭқарратә амҩатә фонд ҩнызқьи жәаф шықәсазтәи абиуџьет аҧсахрақәа алагалара. Афонд аиҳабы Заур Хәарцкьиа иҳәеит,  афонд абиуџьет аҟынтә аҧарақәа шырзоужьыз аханатә иазҧхьагәаҭамыз аусурақәа. Урҭ иреиуоуп Конифа ачемпионат аҽазыҟаҵараан имҩаҧгаз амҩатә усурақәа. Убасгьы ахарџь ҟаҵан амшцәгьақәа рышьҭахь иҧхасҭахаз амҩадуқәа реиҭашьақәыргыларазгьы.

Аминистрцәа адгылара арҭеит атәанчаратә фонд абиуџьет аҧсахрақәа ралагаларазы азакуан апроет. Уи рызкуп аҳәаанырцәтәи атәанчахәы змауа,  хазы игоу акатегориақәа ирыҵыркуа атәанчаҩцәа ироуа  есымзатәи ацхыраара  иахьацҵаз инамаданы, ахарџьқәа рышьҭыҵра.

Аминистрцәа  иалацәажәаны ирыдыркылеит аҧсабаратә мазара ахархәара ахылаҧшра аҭаразы ақәҵара аиҭакрақәа ралагалара. Иара убасгьы иазааҭгыланы иалацәажәеит атәылауаҩшәҟәы атәы.

Акультура аминистр Ельвира Арсалиа илҳәеит, ишышьақәыргылоу амунаменталтә ҟазара азы акомиссиа иалоу ауаа рхыҧхьаӡара. Дара жәибыжьҩык ыҟоуп.  Акомиссиа хантәаҩра аиҭоит аҧыза-министр Беслан Барцыц. Аминистрцәа убасгьы ирыдыркылеит август жәиҧшь зқьи жәшәи ҧшьынҩажәи жәаҩа шықәсанӡа аҵәахырҭатә банк зҧара алазгалаз ацымхәра рызшәаразы акомиссиа иалоу ауаа рсиа. Аминистрцәа еиҭахәаҧшит Аҧсны атәылауаа аҳәаа иахырго ақыҭанхамҩатә аалыҵқәа ирықәҵаз аҧса азы ақәҵара. Уи инақәыршәаны, иара ларҟәуп.

Аминистрцәа реилатәараҿы ирыхәаҧшын егьырҭ азҵаарақәагьы. Урҭ рызкын ахархәараҿы иҟоу аҳәынқарратә еиҭамҵуа амазара ахатәрахьы аиагаразы ахә рықәҵара.

Елана Лашәриа, Ельдар Дамиров, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
22 Маи 2018
70
Астудиа «Ама Рекордс» амузыкантцәа ҿыц аус рыдырулеит ижәытәӡатәиу аҧсуа жәлар рашәақәа.
22 Маи 2018
71
Уи авторс дамоуп, апрофессор, ажурналист, афилологиатә наукақәа рдоктор Екатерина Бебиаҧҳа.
22 Маи 2018
52
Ашкол анапхгара ауадақәа руак аҿы еиҿыркааит Кьыршьал Чачхалиа ифотоцәыргақәҵа.
22 Маи 2018
61
Урҭ аҕба маҷқәеи анышьқәеи зырныҟәо азин рымоу ирымаму еилыркаауеит.
21 Маи 2018
19
Аҭыжьымҭаҿы:Аибашьра аасҭа еицәахаз. Аҧсны иазгәарҭоит Кавказтәи аибашьра иалаӡыз ргәаларшәара амш.
Загрузка плеера
Алаҳәарақәеи адныҳәаларақәеи
АГТРК