Очамчыратәи аҩбатәи абжьаратә школ аҟны еиҿкаан аныҳәа «Ҭагалан абзиараз».

29.11.2016
861

Очамчыратәи аҩбатәи абжьаратә школ аҟны еиҿкаан аныҳәа «Ҭагалан абзиараз». Ҭагалан анаскьагара иазкыз аныҳәа иалахәын араион ашколқәа зегьы рҟынтәи арҵаҩцәеи аҵаҩцәеи.

Ишдыру еиҧш, ари ашықәс аамҭа ибеиоу аамҭоуп. Анхацәа аурақәа ҭаргалоит, аӡын рҽазыҟарҵоит Хкы рацәала еиныргалоит ашәыри ауҭраҭыхи. Аҩбатәи ашкол ахь ааҧхьара змаз асасцәагьы нап ҭацәыла имҩахымҵит. Дара арахь иааргеит хкы рацәала аҧсуа чыс. Арҵаҩцәеи аҵаҩцәеи ҭагалан анаскьагара иазкыз амш ныҳәа рыдиныҳәалеит Очамчыра араион ахада актәи ихаҭыҧуаҩ Славик Қәычбериа.

Ашколхәыҷқәа инарыгӡон аҧсуа кәашарақәа, ашәақәа, ирыҧхьон рхатәы жәеинраалақәа. Ашкол иаҭааз асасцәа ргьама рбеит араҟа ицәыргаз ачыс хкқәа. Араион аҵара аҟәша аиҳабы Феликс Џьынџьиа иазгәеиҭеит, аныҳәа аҩаӡара ҳаракны ишеиҿкааз. Абасала, ҭагалан абзиараз ҳәа аҳәаны Очамчыра араион ашколқәа рҵаҩцәеи, арҵаҩцәеи агәалаҟазаара бзиа рыманы еиҧырҵит.

 А. Корсаиа, А. Маланиа,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
163
Аҭыжьымҭаҿы:Данҭаха ашьҭахь ҩажәи хәба шықәса рнаҩс. Ахьӡ-аҧша апарк аҿы анышә дамардеит Аҧсны Афырхаҵа Ирина Гоцериӡе.
165
Аҟәа араион Иашҭхәа ақыҭан инхо ауааҧсыра хымыз инареиҳаны ӡыда иҟан, аӡынашьҭыгақәа ахьыблыз иахҟьаны.
53
Аусурақәа мҩаҧнагон аҳәынҭқарратә еилахәыра «Аҧснымашьынамҩа».
Алаҳәарақәеи адныҳәаларақәеи
АГТРК