Аҟәа имҩаҧысит апартиа «Амцахара» аизара ду.

30.11.2016
700

Аҟәа имҩаҧысит аполитикатә партиа «Амцахара» аизара ду. Аамҭак азы аҳҭнықалақь аҿы, Аҧсны жәлар рџьынџьтәылатә еибашьра аветеранцәа руаажәларратә хеилак «Аруааи» «Жәлар ракзаара афоруми» атәыла ауаажәларра злахәыз аизара мҩаҧыргеит.

Аполитикатә партиа «Амцахара» изаамҭанытәиу абыжьбатәи аизара ду ахь ааҧхьара рыман Аҧсны иҟоу апартиақәеи ауаажәларратә еиҿкаарақәеи рхаҭарнакцәа. Аизара иалахәын фышәҩык аделегатцәа. Рықәгыларақәа рҟны иалацәажәон ареспублика асоциал економикатәи аполитикатәи ҭагылазаашьа. Иара убасгьы, Аҳәынҭқарра ахада Рауль Ҳаџьымба ихатәгәаҧхарала ҧхьатәара ицара азҵаара шьҭыхын. Аполитикатә партиа «Амцахара» аизара ду ааиртит уи ахантәаҩы Алхас Кәыҵниа. Иара иқәгылараҿы иҳәеит, Аҳәынҭқарра ахада Рауль Ҳаџьымба имҩаҧиго аполитика ишаҿагылоу. Ҩышықәса иалагӡаны Аҧсны анапхгара азҭо ауаажәларра ирыхәаша акгьы ҟарҵом , ҳәа агәаанагара имоуп Алхас Кәыҵниа.

Аизара ду аҿы иқәгылоз зегьы иазгәарҭон, ҳҳәынҭқарра зну амҩа шиашам, ауаа рыҧсҭазаара уадаҩхеит ҳәа. Ауаажәларратә еиҿкаара «Аҧҳәыс аполитикаҿы» анапхгаҩы Ирина Агрба лықәгылараҿы илҳәеит, Аҧсны анапхгара русура ҧсыҽуп ҳәа ишылыҧхьаӡо. Афонд «Аҧра» ахантәаҩы Аслан Бжьаниа иқәгылараҿы хәҭа хәҭала дазааҭгылеит иахьатәи Аҧсны анапхгара ирзыҟамҵаз ҳәа ииҧхьаӡо. Аизара ду аҿы иқәгылеит Аҧсны араионқәеи ақалақьқәеи рҟынтә апартиа «Амцахара» ахаҭарнакцәа. Атәыла анапхгаҩы ҧхьатәара дцароуп, ҳәа азгәаҭоуп аизараҿы ирыдыркылаз арезолиуциа. Аизара ду аделегатцәа ари арезолиуциа еицҿакны ирыдыркылеит .

 Фатима Гьергьиа, Алықьса Агәхаа, Беслан Џьынџьал, АТ .

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
17 Ианвар 2018
32
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
21
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
24
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
18
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
36
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
71
16 Ианвар 2018
56
Уи иахҟьаны иҧсҭазаара далҵит Узбекистан атәылауаҩ.
Загрузка плеера
Алаҳәарақәеи адныҳәаларақәеи
АГТРК