Аҧсны жәлар рџьынџьтәылатә еибашьра аветеранцәа руаажәларратә хеилак «Аруааи» «Жәлар ракзаара афоруми» атәыла ауаажәларреи Аҟәа аизара мҩаҧыргеит.

30.11.2016
864

Аҧсны  жәлар рџьынџьтәылатә еибашьра  аветеранцәа руаажәларратә хеилак    «Аруааи»  «Жәлар ракзаара афоруми» атәыла ауаажәларреи  Аҟәа аизара мҩаҧыргеит. Уи иалахәын зықьҩык рҟынӡа ауааҧсыра. Дара рықәгыларақәа рҿы ирҳәон, атәыла  ахада    имҩаҧиго  аполитика   адгылара    шарҭо  атәы. Аизара иалахәыз рҿаҧхьа дықәгылеит    Аҧсны Ахада   Рауль Ҳаџьымба.  

Аизара иалахәыз  декабр акы- ҩба  рзы   Москва   имҩаҧысран иҟоу Урыстәыла Ахада Владимир Путини  Рауль Ҳаџьымбеи    реиҧылараҿы  Аҧсны Ахада ақәҿиарақәа изеиҕьаршьеит. Ирҳәеит, атәыла  анапхгара имҩаҧырго аполитика     адгылара шазыҟарҵо. Иара убас иазгәарҭон, Аҧсны иҟоу аҭагылазаашьа аҭышәныртәаларазы аицәажәара, аизыӡырҩрра  шаҭаху.
Аамҭакала АҞәа имҩаҧысуаз    аполитикатә партиа  «Амцахара»  аизара  ду аҟны излацәажәоз азҵаара дазааҭгыло, аҳәынҭқарра Ахада   Рауль Ҳаџьымба иазгәеиҭеит, аимак – аиҿак ҳаҟәыҵны, аҳәынҭқарра аргылара аус аҿы Аҧсны жәлар аӡәк иеиҧш еидгылар шакəу.

Аизара иалахәыз иазгәарҭон, Урыстәыла Аҧсны иазыҟанаҵо ацхыраара ҳара ҳҳәынҭқарра азы аҵак ду шамоу , уи пату ақәымҵара шыгха дуу. Декабр акы-ҩба рзы Москва имҩаҧысраны иҟоу Урыстәыла Ахада Владимир Путини Аҧсны Ахада Рауль Ҳаџьымбеи реиҧылара аан ирылацәажәараны иҟоуп ҩ-ҳәынҭқаррак рзы хра злоу азҵаарақәа.  

Аҧсны  анапхгара имҩаҧырго аполитика иадгыло реизараҿы  иқәгылоз зегьы  иазгәарҭон, аҵыхәтәантәи ашықәсқәа рзы ҳтәыла аҿиара амҩа ишану. Уи рныҧшуеит аекономикеи  атуризми, аҵарадырреи уҳәа  еиуеиҧшым ахырхарҭақәа.    




Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
1
Уи иалахәын аҭҵаарадырратәи арҿиаратәи интеллигенциа рхаҭарнакцәа,аполитикцәа,жәлар реизара адепутатцәа.
3
Иҟалаз ахҭыс инамаданы, араион анапхгара ауснагӡатәқәа реиҿкаара азгәаҭаны ирымоуп.
1
Аҭыжьымҭаҿы:Аҧсныи Шьамтәылеи ирыбжьарҵаз аиқәшаҳаҭрақәа шьақәдырҕәҕәеит, аҳәынҭбиуџьет актәи аҧхьараҿы ирыдыркылеит. Жәлар реизара аилатәара аҟынтәи анҵамҭа.
1
Урҭ ирылахәыз Абызшәатә политиказы аҳәынҭқарратә еилак аҟны иранашьан асертификатқәа.
6
Уи авторс дамоуп Аҧсны аҭҵаарадыррақәа ракадемиа академик, апрофессор Ҭеимураз Ачыгәба.
1
Амшхәаҧштә аҟны иқәгылан жә-зҵаарак.
Алаҳәарақәеи адныҳәаларақәеи
АГТРК