Апоет, аҵарауаҩ Омар Беигәаа ишықәсны ирылаҳәоуп ҳтәылаҿы.

30.11.2016
988

Сынтәатәи ашықәс, зыҧсҭазаара иалҵхьоу     ҳџьынџьуаҩ, апоет, аҵарауаҩ  Омар Беигәаа  ишықәсны ирылаҳәоуп ҳтәылаҿы.  Аҧсны азышәаҳәаҩ Омар Беигәаа  диижьҭеи сынтәа иҵит шәи жәохә шықәса. Аҧснытәи аҳәынҭқарратә университет афилологиатә факультет аҿы имҩаҧысит аҵарауаҩ ипоезиа ахәылҧаз. Уи иалахәын Ҭырқәтәылантәи иааз ҳџьынџьуаа.  

«Аҧсуа Анцәа дшаны адәы дзықәыиҵаз, дҧишәаларц азоуп,» - ҳәа иҩуан Омар Беигәаа. Иара убасгьы «хшыҩла шәықәҧала, шәарҧшӡоит, схы иҭоу Аҧсны» ҳәа ҧсра зқәым уи иажәақәа ашықәсқәа цацыҧхьаӡа еиҳагьы аамҭа иашьашәалахоит. Омар Беигәаа дреиуоуп зегь реиҳа ицәгьаз аамҭа хьанҭақәа раан «Сара сыҧсыуоуп»ҳәа зыбжьы ҭыганы изҳәоз.

Имырӡӡакәа, ацқьара иацклаҧшны, аҧсшәа иахӡыӡаауа иалацәажәоз иҭаацәара ирыбзоураны, Омар Беигәаа дшыхәыҷӡаз абызшәа агәыбылра икуеит. Уи абзиабара анаҩстәи иҧсҭазаара зегьы ҵакыс иаиуеит. Омар Беигəаа дыхьыҟазаалакгьы илшоз зегьы ҟаиҵон аҧсуа бызшәа аӡыргаразы, аусурақәа мҩаҧигон Ҭырқәтәыла инхо аҧсуаа аҧсшәа шьҭырхырц, рҭоурыхтә ҧсадгьыл иазхьаҧшырц азы.
Зқьи аашәи хынҩажәи жәибжь - хынҩажәи жәаа шықәсқәа рзы Аҧснынтәи Ҭырқәтәылаҟа ахҵәара зықәшәаз Омар Беигәаа иабшьҭра Абжьаҟәа иқәҵыз иреиуоуп. Иара диит зқьи жәшәи акы шықәса рзы. Дышқәыҧшӡаз Омар Беигәуаа ҧсабарала илаз абаҩхатәреи, агәырҵҟәыл бзиеи ааирҧшуа далагеит.
Омар Беигәааи аҧсуа ҵарауааи аимадара рыбжьан. Урҭ асалам шәҟәқәа еимырдон, аҵарауаҩ ихаҭа иакәзар Аҧсныҟа знызаҵәык акәын данаахьаз. Уи ахҭыс ҟалеит зқьи жәшәи ханҩажәи жәохә шықәса рзы. Аиҧыларақәа раан аҵарауаа рылацәажәон Аҧсны аҭоурых инаркны, ҳаамҭазтәи уи асоциал-економикатә ҿиара азҵаарақәа рҟынӡа. Еимырдоз асалам шәҟәқәа зегьы рҿы иара шамахамзар аҳәара ҟаиҵон аҧсуаа рбызшәа дмырӡырц, ҩнаҭацыҧхьаӡа аҧсшәа ҩныҩуа иҟаларц азы. Арҭ хәы змам асалам шәҟәқәа рҿы хырхарҭа рацәала излацәажәоу азҵаарақәа даҽазныкгьы ишьақәдырҕәҕәоит аҵарауаҩ Аҧсны аҧеиҧш дшазхьаауаз. Ҳџьынџьуаҩ Еқрем Хышба Омар Беигәаа иқыҭа далҵит. Еқрем Омар дихаануп, иара дхәыҷын аха уи ибизаны дигәалашәоит.

Омар Беигәаа ҩнызқьи акы шықәса рзы иҧсҭазаара далҵит, иара даныҧсы ашьҭахь, Аҧсны раҧхьатәи Ахада Владислав Арӡынба Иусҧҟала ианашьан Ахьӡ-аҧша аорден актәи аҩаӡара. Аҧсни аҧсуааи рзышәаҳәаҩ Омар Беигәаа иҭынха гәыблыла иахылаҧшуеит иара имузеи аҿы. Ҧхьаҟа хықәкыс иҟоуп еилшәарада иусумҭақәа зегьы араҟа реизакра.Иазгәаҭатәуп, иаарласны аҳәынҭқарратә университет ахыбраҿы иаатраны ишыҟоу Омар Беигәаа иҭынха аҭҵаара иазку аҭҵаарадырратә конференциа. Уи мчыбжьык имҩаҧыслоит.

Елана Лашәриа, Асҭамыр Гәажәба,  АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
11
Урҭ еиқәыршәаны иаарҭиит амаҭәа ҭзыжьуаҬырқәтәылатәи анаплакқәа ааба.
5
Ари арыцхә инамаданы, Аҧсны Аҧыза- министр Валери Бганба идикылеит Ареспублика Аҳәынҭстатитсика аусбарҭа аусзуҩцәа.
31
Аклассикатә музыка аконцерт аҟны еизгаз 117 нызқь мааҭ агәыҳалалратә фонд «Ашана» иахыҧхьаӡалахоит.
35
Уи абзоуроуп аилахәыра «Аҟәафон » иҟанаҵаз афинанстә цхыраара .
Алаҳәарақәеи адныҳәаларақәеи
АГТРК