Мыркəыла ақыҭан иаартуп Аҧсны Аџьынџьтəылатə еибашьра аан иҭахаз аказакцəа рбаҟа.

30.11.2016
762

Очамчыра араион Мыркəла ақыҭан иаадыртит Аҧсны Жәлар Рџьынџьтәылатә еибашьраан мрагыларахьтәи афронт аҟны иҭахаз гәыҧҩык аказакцәа рбаҟа. Уи иалахәын аибашьра аветеранцәа, ауаажәларра, ашколхәыҷқәа.

Аҧсны Аџьынџьтәылатә еибашьра ианалага раҧхьатәи амшқәа инадыркны абџьар иаҵагылеит аҧсадгьыл ахьчаҩцәа. Бџьарлеи џьаҧҳанылеи аҧсуа еибашьцәа раасҭа акыр аҧыжәара змаз, аҕа ирылшоз ала ааха ирҭон апартизантә гәыҧқәа еиҿкааны. Аамҭа цацыҧхьаӡа абџьар зкыз аҧсадгьыл ахьчаҩцәа рхыҧхьаӡара еизҳауан. Еиҿкаахеит аротақәа, абаталионқәа, аполкқәа. Имаҷҩымызт Аҧсныҟа хатәгәаҧхарала иааны еибашьуаз рхыҧхьаӡарагьы. Дара ҳаибашьцәа ирывагыланы агәымшәареи афырхаҵареи аадырҧшуан еиуеиҧшым ахырҕәҕәарҭақәа рҿы. 1993 шықәса ноиабр 29 рзы Мыркәыла ақыҭан ақырҭцәа имҩаҧыргоз ажәыларақәа руак аҿы фырхаҵарыла иҭахеит хәҩык аказакцәеи , Ҟабарда- Балкариатәи иааны хатәгәаҧхарала Аҧсны еибашьуаз гәыҧҩык аибашьцәеи. 

Афырхацәа рыхьӡ анаунагӡатәразы Аҧсны иҟоу аказакцәа ирыӡбеит рҩызцәа ахьҭахаз аҭыҧ аҿы абаҟа аартра. Аусмҩаҧгатә иалахәыз ашәҭқәа шьҭарҵеит абаҟа амҵан, иааҭгылеит иҭахаз аибашьцәа ргәалшәара аҳаҭыр азы. Араҟа имҩаҧгаз амитинг аҿы иқәгылаз иазгәарҭон, иага аамҭа царгьы, Аҧсны ахьыҧшымреи аиааиреи зхы ақәызҵаз афырхацәа рыхьӡ хашҭра ақәымкәа ишаанхо.

 А.Корсаиа, А. Маланиа,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
11
Урҭ еиқәыршәаны иаарҭиит амаҭәа ҭзыжьуаҬырқәтәылатәи анаплакқәа ааба.
5
Ари арыцхә инамаданы, Аҧсны Аҧыза- министр Валери Бганба идикылеит Ареспублика Аҳәынҭстатитсика аусбарҭа аусзуҩцәа.
31
Аклассикатә музыка аконцерт аҟны еизгаз 117 нызқь мааҭ агәыҳалалратә фонд «Ашана» иахыҧхьаӡалахоит.
35
Уи абзоуроуп аилахәыра «Аҟәафон » иҟанаҵаз афинанстә цхыраара .
Алаҳәарақәеи адныҳәаларақәеи
АГТРК