Декабр акы Адунеи аҿы иазгәарҭоит а-СПИД чымазара иаҿагылан ақәҧара амш.

01.12.2016
1023

Декабр акы Адунеи аҿы иазгәарҭоит аСПИД чымазара иаҿагылан ақәҧара амш. Иахьа еиуеиҧшым аҿкы чымазарақәа, аспидгьы уахь иналаҵан раанкыларазы,  Аҧсны аус зуа ацентр еиҿнакааит акциа. Уи хықәкы хадас иаман ауаажәларра аспид чымазаразы аинформациа рызнагара.  Ари аус ихы алаирхәт Аҟәа ақалақь ахада Адгәыр Ҳаразиа.

Изакəызеи  АСПИД , иҟаҵатәузеи уи  аҽацәыхьчаразы   Агәабзиарахьчаразы жәларбжьаратәи аиҿкаара  зқьи жәшәи ҧшьынҩажәи ааба шықәса раахыс имҩаҧнагоит аспид иаҿагылоу  акциақәа, еиуеиҧшым адивизқәа рыла. Ари амш аҽны аҳҭнықалақь ахадара азааигәара еиҿкаан акциа. Араҟа игылаз иҷыдоу  амашьынаҿы агәаҳәара змаз ирыман  алшара рыхьӡ мҳәаӡакәа, хәыда-ҧсада аспиди агепатити чымазарақәа рзы рхы гәарҭарц. Акциа ихы алаирхәит Аҟәа ақалақь ахада Адгәыр Ҳаразиа.

Амашьына аҩныҵҟа ауаҩы ида аҿынтә ашьа ргон, анаҩс  ҩажәа минуҭ рыла  атест цәаҳәақәа ирыбзоураны  ачымазара ауаҩы ишьа иалоу иаламу еилкаахон.  Сааҭк аҩныҵҟа акциа рхы аладырхәит жәаҩык инарзынаҧшуа ауаа.

Аспиди аҿкчымазарақәеи ирҿагылан ақәҧаразы ацентр аус ауеит ҩнызқьи акы шықәса инаркны. Ари аамҭа иалагӡаны  зхала инеиз рҿынтә ачымазара рцәа иалоуп  ҳәа ишьақәыргылоуп зықьҩык инарзынаҧшуа ауаа. Урҭ рахьынтә ҧшьышәҩык атерапиа иахысуеит, урҭ рхыҧхьаӡараҿы иҟоуп быжьҩык ахәыҷқәа. Ацентр аҿы иҟоу аинформациала есышықәса ҳтәылаҿы аспид чымазара иахҟьаны рыҧсҭазаара иалҵуеит жәохәҩык рҟынӡа ауааҧсыра. Иазгәаҭатәуп, зыӡбахә ҳамоу ачымазара  шамахамзар аӡә иҟынтә даҽаӡә иахь ишмиасуа,  ииасыр ауеит ашьала, хаҵеи ҧҳәыси реиниамҩала,  иара убас ан лҟынтә ахәыҷ иахь. Зцәа зтәым аҳәса рҟны аҿкы шьақәыргылазар, ахәыҷы диаанӡа ан илыҭахо ахәшәқәа ирыбзоураны ачымазара амаалықь имыхьыр алшоит, убри аҟнытә ихадароуп ахәыҷы иира иазыҧшуа аҳәса ргәаҭара.

Альбина Жьиҧҳа, Ельдар Дамиров ,АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
Аҭыжьымҭаҿы:Ианҭаха ашьҭахь 143 медаль «Аиааиразы». Аҧсны Ахада аҳамҭақәа рнапаҿы ириҭеит иҭахаз афырхацәа рҭаацәа.
4
Ари ацәыргакәҵа еизнагеит жәлар рҟазара знапы алаку аҧышәа змоу рыдагьы, иахьа уажәраанӡа зхы ӡырзымгац, аха зус бзиабарала иазнеиуа аҿар.
4
Арҭ ашықәсқәа рыҩныҵҟа, ишҧаҿиоз аекономика аминистрра , иарбан проектқәоу зеиҿкаара алыршахаз? 
4
Ҧхынҷқәын мза 13,1988 ш.рзы Аҧсуа ҳәынҭқаррратә филармониҿы имҩаҧысит «Аидгылара» раҧхьаӡатәи аҧҵаратә еизара ду.
Аҧсны Ахада аҳамҭақәа рнапаҿы ириҭеит иҭахаз афырхацәа рҭаацәа.
Алаҳәарақәеи адныҳәаларақәеи
АГТРК