Иҳаҩсыз аҧсшьарамшқәа рзы иҟаз амшцәгьақәа рыхҟьа- ҧҟьақәа аҧырхуеит анхамҩа ҷыдақәа русзуҩцәа.

05.12.2016
716

Иҳаҩсыз аҧсшьарамшқәа  рзы    ареспубликаҿы    аҳауа   акыр    аҽеиҭанакит.   Иасуан    аҧша,   илеиуан   ақәабаа-  сабаа.   Урҭ ирыхҟьаны    машәыр ҳәа  акагьы  ҟамлеит.  Аха,    аҧхасҭа рыҭоуп    афымцанхамҩеи,    аӡы  канали. Уажәы    аиҭашьақәргыларатә  усурақәа    рымҩаҧгара   иаҿуп.

Аҟәатәи афымцаеихшарҭатә усбарҭа аҷаҧшьарҭатә ҟәшаҿы аҭел ҿааихак амам. Лашарада иҟоу аҳҭнықалақь ауааҧсыра аҭел иасуеит адырра ҟарҵоит афымцалашара шрымам азы. Арҭ амшқәа рзы араҟа аус руеит аусбарҭа афымцаусзуҩцәа зегьы, амшцәгьаан  ақалақьтә  афымцатә нхамҩа аҧхасҭа ҕәҕәа аиуит, ашьаҟақәа каҳаит, ацәаҳәақәа ахьыҧҵәаз аҭыҧқәагь маҷым.  Аҟәатәи афымцаеихшарҭатә усбарҭа аиҳабы Ҭемыр Џьынџьал иажәақәа рыла, атрансформаторқәагьы аҧхасҭа рыҭан, афымца усзуҩцәа раҧхьа иргылан урҭ реиҭашьақәыргыларазы аусурақәа нап ддыркит, иахьазы ихадоу зегьы ҟаҵоуп, иаанхаз аҩнаҭақәа рахь афымца неиртә еиҧш ацәаҳәақәа рыҟаҵара ауп. Ҭемыр Џьынџьал иазгәеиҭоит, иахьагьы аремонтә усурақәа зегьы хдыркәшартә еиҧш аҭагылазаашьа шрымам. Ҩнаҭақәак  фымцада иаанхар алшоит.

Ауааҧсыра ирзацлаз ауадаҩрақәа иреиуоуп аӡы аҟамзаара. Ақалақь аҿы аӡы рымам, Аҳабла ҿыци, Ажәытә ҳаблеи, Кьалашәыри, Турбазеи  уҳәа рынхацәа.   Аӡыканал аусбарҭа анџьныр хада Мираб Анқәаб иажәақәа рыла, анасостә станциақәа русура афымцалашара аҟамзаара  иахьадҳәалоу аҟнытә,  ауааҧсыра ӡыла ирзеиқәыршәом. Иахьазы русура аанкылоуп ахҧатәии аҧшьбатәии анасостә станциақәа.

Амшцәгьа иара убас аҧхасҭа анаҭеит аҩнеихагылақәа рхыбқәагьы. Аҭагылазаашьа ҷыдақәа рзы аминистр Лев Кәыҵниа иажәақәа рыла, ауааҧсыра заанаҵы амшцәгьы шыҟалоз азы адырра рырҭеит, ргәырҽанызарц, амҩа хара иқәымларц. Асабшаҽны иҟаз амшцәгьаан ацхыраара иаҳәеит жәаҩаҩык, урҭ зегь рахь идәықәҵан амашьынақәа, иҟоуп аҩнқәа аӡы ахьыҩналаз, амашьынақәа аҵлақәа рымахәқәа ахьрықәҳаз.

Аҭагылазаашьа ҷыдақәа рзы аминистрра аусзуҩцәа адырра ҟарҵоит иааиуа амшақәа рзгьы аҵаа ҕәҕәақәа ишырзыҧшу, амашьынарныҟәцаҩцәа рахь аҳәара ҟарҵоит, ргәырҽанызаарц.

Альбина Жьиҧҳа, Алықьса Агәхаа ,АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
163
Аҭыжьымҭаҿы:Данҭаха ашьҭахь ҩажәи хәба шықәса рнаҩс. Ахьӡ-аҧша апарк аҿы анышә дамардеит Аҧсны Афырхаҵа Ирина Гоцериӡе.
165
Аҟәа араион Иашҭхәа ақыҭан инхо ауааҧсыра хымыз инареиҳаны ӡыда иҟан, аӡынашьҭыгақәа ахьыблыз иахҟьаны.
53
Аусурақәа мҩаҧнагон аҳәынҭқарратә еилахәыра «Аҧснымашьынамҩа».
Алаҳәарақәеи адныҳәаларақәеи
АГТРК