Еицырдыруа аурыс композитор Сергеи Прокофиев диижьҭеи 125 шықәса аҵра иазкыз Санкт-Петербургтәи афорум иалахәын Аҧснытәи аделегациа.

05.12.2016
684

Еицырдыруа  аурыс  композитор  Сергеи  Прокофиев  диижьҭеи 125 шықәса аҵра иазкыз  Санкт-Петербургтәи  афорум  иалахәын   Аҧснытәи аделегациа. Уи напхгара азылуан акультуреи, аҭоурых-культуратә ҭынхеи рыхьчаразы аминистр Ельвира Арсалыиа.

Аминистри  аделегациа   иалахәызи   ажурналистцәа   рызҵаарақәа  рҭакқәа ҟарҵеит.
Апресс-конференциа аартуа, акультуреи-аҭоурыхтә культуратә ҭынха ахьчареи рзы аминистр Ельвира Арсалыиа илҳәеит,  Санкт-Петербург лыҟазаара иалагӡаны, ишымҩаҧгаз аиҧыларақәа жәпакы. Урҭ зегьы цхыраагӡа дууп ҳтәыла акультуратә ҧсҭазаара ашьҭыхреи, уи  амҽхак арҭбаареи рҿы. Аиҧыларақәеи аиҿцәажәарақәеи рнаҩсгьы, анапы аҵаҩын ҩ-ганктәи аусеицура ҳәаақәызҵо ашәҟәы. Аҧсни Урыстәылеи ркультурақәа рминистрцәа Ельвира Арсалыеи, Владимир Мединскии Урыстәылатәи Афедерациа акультура аминитсрреи, Аҧсны акультуреи аҭоурыхтә культуратә ҭынха ахьчаразы аминистрреи рыбжьара ҩнызқьи жәибжь шықәс рзтәи аусеицура аплан рнапы аҵарҩит.

Иара убасгьы, анапы аҵаҩын ҩ-ганк рыбжьара ҩнызқьи жәибжь-ҩнызықьи зеижә шықәс рзтәи аусеицуразы иазгәаҭоу аусмҩаҧгатәқәа рсиа. Арҭ аиқәшаҳаҭрақәа рҳәаақәа ирҭагӡаны, анапы аҵазҩыз рхахьы аҭакҧхықәра ргеит ,Аҧсни Урыстәылеи рыбжьара еиуеиҧшым амузыкатәи атеатртәи проектқәа рырҿиареи, рымҩаҧгареи ацыхраара шарҭало азы. Аҧснытәи аурыс драматә театр аиҳабы Иракли Хынҭәба иажәақәа рыла, ари афорум аҩныҵҟа имҩаҧгаз аиҧыларақәа руак аҿы лымкаала ирзааҭгылан атеатрқәа рызҵаара. Иалацәажәан, актиорцәа разыҟаҵаратә ҩаӡара ашьҭыхргьы.

Иазгәаҭатәуп, ахәбатәи Санкт-Петербургтәи акультуратә форум шазкыз еицырдыруа аурыс композитор Сергеи Прокофиев шәи ҩажәи хәба шықәса ихыҵра. Иара иалахәын Урыстәыла еиҧш аҳәанырцәтәи аҳәынҭқаррақәа жәпакы рҟынтә еицырдыруа акультура аусзуҩцәа. Апленартә еилатәара аҟны ирзааҭгылан акультуратә ҭынхақәа рыхьчара азҵаара азнеишьақәеи анагӡашьеи.

Ажурналистцәа ирҭииз азҵаара аҭак ҟаҵо, Ельвира Арсалыиа дрылацәажәеит ҧхьаҟатәи рыгәҭакқәа. Урҭ иреиуоуп аҧсуа сахьаҭыхыҩ Александр Шервашиӡе- Чачба ииубилеи азгәаҭара. Убри инамаданы, иҟалап иусумҭақәа ахьыҵәаху Санкт-Петербургтәи амузеиқәа руак аҿы имҩаҧгахар иара иҭыхымҭақәа рцәыргақәҵа аартра. Иара убасгьы  иазгәаҭоуп, аҧсуа кино арҿиаразы арежиссиорцәа қәыҧшцәа русумҭақәа рфестиваль аиҿкаара.

Убри аан, акультуреи аҭоурыхтә культуратә ҭынхақәеи рыхьчаразы аминистр иазгәалҭеит, ауадаҩрақәа шцәырырго Аҧсны ҳаамҭа иақәшәоу акинотеатрқәа ахьыҟам. Уи иахҟьаны Фазиль Искандер иҩымҭала иҭыху афильм «Софичка» макьана араҟа арбара ауӡом. Убри аан Ельвира Арсалыиа илҳәеит, ишауа абжьы цқьа азыӡырыҩрра алзыршо  ҷыдалатәи атехника аҳәаанырцәынтәи қьырала аагара, аха уи нас игатәуп иргьежьны, иара имаҷымкәа ахарџь ацуп. Апресс-конференциа хырқәшо, иазгәаҭан излацәажәаз азҵаарақәа зегьы ҳкультура ашьҭыхраҿы ихымҧадатәқәоу ишреиоу, убри аҟынтә урҭ рыӡбара амҩақәа рыҧшаара лассы напы шдыркәтәу.

Елана Лашәриа, Ҭемыр Гогохьиа, АТ.



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21 Ииун 2018
67
Аҭыжьымҭаҿы:Избан амшын аҭалара зрыцҳарахаз?. Актулара злоу анҵамҭа.
21 Ииун 2018
33
Аҟәа иазгәарҭеит  Урыстәыла  Абжьаҟазаратә Мчқәа ҳтәыла  ралагалара амш.  
20 Ииун 2018
95
Аҭыжьымҭаҿы:Аиубилеитә рыцхәқәа рымҩаҧгара аҽазыҟаҵара иазкны Аҧсны Ахада аилацәажәара мҩаҧигеит.
20 Ииун 2018
100
Убри азы аӡбамҭа идикылеит Аҧсны аҵареи аҭҵаарадырреи рминистр Адгәыр Какоба.
Загрузка плеера
Алаҳәарақәеи адныҳәаларақәеи
АГТРК