«Кавказ ҳзеиҧш ҩны» апроект аҳәаақәа ирҭагӡаны Аҧснытәи аделегациа аҭааит Ҟарачы -Черкессктәи ареспублика.

05.12.2016
564

Арҭ амшқәа рзы «Кавказ   ҳзеиҧш  ҩны»   апроект    аҳәаақәа ирҭагӡаны  Аҧснытәи аделегациа аҭааит Ҟарачы -Черкессктәи ареспублика.  

Аҵарауаҩ Давид Дасаниа напхгара зиҭо апроект «Кавказ ҳзеиҧш ҩны» аҳәаақәа ирҭагӡаны, ноиабр мза 26 инаркны декабр 2 –нӡа Аҧснынтәи аделегациа ааҧхьара рыман ҳаиашьаратә республика Ҟарачы-Черкесск. Мчыбжьык иалагӡаны аҧсуаа аҭааны ирбеит абаза қыҭақәа, ирыҿцәажәеит аҭыҧантәи ауааҧсыра. Еилыркаауан абазеи аҧсуааи рҵасқәа рқьабзқәа еиҧшымзаарас ирымоу. Анаҩс, Аҧснынтәи аделегациа идикылеит Абаза араион администрациа аиҳабы Мухаджир Ниров. Уаҟа имҩаҧысыз  “астол гежь” аҿы аделегациа аиҳабы Давид Дасаниа инарҭбаан дазааҭгылеит ҳаиашьаратә республикақәеи ҳареи ҳаимадара арҕәҕәаразы ишеиҿкаалатәу еиуеиҧшым апроектқәа.

Иҳәатәуп, Абаза араион администрациа аиҳабы Мухаджир Нирови аҵарауаҩ Давид Дасаниеи  ишалацәажәаз абазеи аҧсуааи рхылҵшьҭрақәа ак шакәу, уи аҭҵаараҿы иҳалшо зегь шыҟаҵатәу, еиҵагыло аҿар ирдырырц шрыхәҭоу рҭоурых, аҿар агәыбылра рыбжьаҵараҿы ишаҭаху аибабареи аиҭанеиааиреи. Иахьа аҳәынҭқарра анҳаргыло, иаҳхамышҭыроуп аҧсуа абаза жәлар рдацқәа шеилаҵәоу, иҳәеит Абаза қыҭа администрациа аиҳабы Мухаджир Ниров.

Ақалақь Черкесскнтәи нхара ҳәа Аҧсныҟа иааз абаза рҧыс Аҳмед Ашкацао иахьа Пицунда иааиртит ихатә бизнес, иара иҳәоит аҧсуааи абазеи реизааигəатәразы илшо зегь шыҟаиҵо.

Аҵыхәтәаны, Аҧсны аҳәынҭқарра ахада идҵаҟаҵарала, Абаза араион администрациа аиҳабы изынаишьҭит араӡынтә ҧсарқәа, иара убас Атәыла ахада ихаҭыҧуаҩ Витали Габниа аҳамҭақәа.
Иазгәаҭатәуп, Аҧснынтәи аделегациа мчыбжьык ҳаиашьаратә республика рыҟазаара афинанстә цхараара рхахьы ишыргаз Аҧсны аҳәынҭқарра Ахада Рауль Ҳаџьымбеи уи ихаҭыҧуаҩ Витали Габниеи, иара убас Аҧсны акурорти атуризми рминистр Автандил Гарцкиеи.




Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ианвар 2018
75
17 Ианвар 2018
77
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
71
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
67
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
57
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
82
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
106
Загрузка плеера
Алаҳәарақәеи адныҳәаларақәеи
АГТРК