Аурыс драматә театр аҿы имҩаҧысит апроект «Ашәа еицаҳҳәап» ахҧатәи асезон аартра.

06.12.2016
725

Аурыс драматә театр  аҿы имҩаҧысит апроект «Ашәа Еицаҳҳәап» ахҧатәи асезон аартра.   Уи  хықәкы хадас иамоуп аҧсуа шәақәа рӡыргара. Апроект ахы аныҵнахыз нахыс адгылара анаҭоит амобилтә еилазаара «А-Мобаил». Излареиҧшымзеи “Ашәа Еицаҳҳәап” ахҧатәи асезон раҧхьатәиқәа ҩба?  

Есымша  еиҧш, апроект «Ашәа Еицаҳҳәап» уажәгьы еизнагеит  хыҧхьаӡара рацәала ауаа. Араҟа амузыка бзиеи , аҧсуа шәақәеи, аҧсуа естрада ашәаҳәаҩцәеи  рыбзиабаҩцәа рнаҩсгьы,   иубар улшон ирацәаҩны згәы хыҭхыҭуаз аҭаацәагьы. Избан акәзар, апроект раҧхьатәи аҩ-сезонк иреиҧшымкәа аҧҟарақәа ҧсахын. Ари ақәгылараҿы рҟазара аадырҧшуан зегь еицырдыруа ашәаҳәаҩцәа, урҭ ашәа рыцырҳәон апроект раҧхьаӡа акәны иалахәыз ахәыҷқәагьы.

Апроект автор Хьыбла Мықәба илҳәеит, уи  хықәкы хадас ишамоу аҧсуа бызшәеи аҧсуа шәақәеи рӡыргара , аҿар рхатәы бызшәа агәыбылра дыркра. Уи анаҩсгьы  апроект автор иаҳзаалыртит ахҧатәи асезон  амаӡақәа.    

Аконцерттә программа даараӡа илахҿыхын.  Зегь бзиа еицырбо аестрадатә шәаҳәаҩцәеи, еиуеиҧшым амузыкатә студиақәа рааӡамҭацәеи аҧсуа шәақәа еицынарыгӡон. Еизаз зегьы уи  агәахәара ду рнаҭеит. «Ашәа Еицаҳҳәап» адгылара анаҭеит амобилтә еилазаара А-Мобаил.  А-Мобаил аусура ахықәкы хадақәа иреиуоуп  ас еиҧш иҟоу абызшәа аҿиара иазку апроектқәа ацхыраара рыҭара.
  
Апроект «Ашәа Еицаҳҳәап» иалахәу  -  Аҧсны зегь еицырдыруа артистцәа рзы  ари раҧхьатәи ҧышәам, егьырҭ асезонқәа раан урҭ аус рыдырулон  ашәаҳәара иазҟазам алахәцәа. Апроект иалахәу Саида Габниа-ҧҳа лажәақәа рыла,  ахәыҷқәа аус рыдулара еиҳа иуадаҩуп , аҭакҧхықәра ацуп.

Аха зегь реиҳа ари амш аҽны зыгәқәа хыҭхыҭуаз апроект  иалахәыз ахәыҷқәа ракәын. Урҭ ашәа рыцызҳәоз артистцәа ирҿыҧшны , ирылшоз зегь ҟарҵон асценаҿы қәҿиарала ақәгыларазы.

Апроект «Ашәа еицаҳҳәап» аихшьааларатә қәгыларақәа мҩаҧыслоит мызки-бжаки рахьтә знык. Ари апроект абзиабаҩцәеи  агәалаҟазаара бзиа заурц зҭаху зегьи шәымҩахыҵларц шәылшоит апроект аконцертқәа ахьымҩаҧысло аурыс драматә театр ашҟа.

Н.Ақаҩҧҳа, Е.Дамиров ,АТ  



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Ианвар 2018
44
16 Ианвар 2018
29
Уи иахҟьаны иҧсҭазаара далҵит Узбекистан атәылауаҩ.
16 Ианвар 2018
29
Аиубилиар имшира идиныҳəалеит Аҳәынқарра ахада Рауль Ҳаџьымба.
16 Ианвар 2018
30
Аизараҿ дықәгылеит Аҧсны Ахада Рауль Ҳаџьымба.
12 Ианвар 2018
41
12 Ианвар 2018
70
Урҭ раҧырҟəҟəааразы Гудоуҭа араион аҟны арахə агəыр рыларҵоит.
12 Ианвар 2018
31
Аҧсны анаукақәа р-Академиаҿы аҵарауаҩ ииубилеи идырныҳәаларц еизеит иколлегацәа.
Загрузка плеера
Алаҳәарақәеи адныҳәаларақәеи
АГТРК