Имҩаҧысит Аҧсны Абыргцәа рхеидкыла инарҭбааз аилатәара.

07.12.2016
1090

Имҩаҧысит Аҧсны Абыргцәа рхеидкыла инарҭбааз аилатәара. Уи иалахәын Аҳәынҭқарра Ахада Рауль Ҳаџьымба, Жәлар Реизара аиҳабы Валери Бганба, Аҧыза- министр Беслан Барцыц, Ашәарҭадаратә хеилак амаӡаныҟәгаҩ Муҳамад Кьылба. 

Ареспублика ақалақьқәеи араионқәеи рҟынтә абыргцәа злахәыз ахеидкыла аилатәараҿы зҵаара хаданы иалацәажәон Аҧсны аҩныҵҟатәи аполитикатә ҭагылазаашьа арҧсыҽра азҵаарақәа .

Ицәажәоз ирҳәон, ари апроблема аҭыҧ ақәҵаразы иҟоу мҩазаҵәык шакəу - уи атәыла анапхгараеи аоппозициатә блок аҧхьагылаҩцәеи реицәажәара. Аҧсуаа жәытә-натә аахыс амилаҭ ироуаз аимак рыӡбон еицәажәарала. Ари аус аҿы ихадаз аҭыҧ аанакылон абырг иажәа. Аҧсны араионқәа рҟынтә абыргцәа рхеидкылақәа рхаҭарнакцәа рықәгыларақәа рҿы иазгәарҭон, рыхшыҩ еилаҵаны зегьы иаку ииашоу мҩакы иазнеирц шахәҭоу. Аиҿагылара алмыршакəа. Ицәажәоз ирҳәон, аоппозициахь иҟоугьы анапхгараҿ иҟоугьы жәларык ишырхаҭарнакцәоу 

Убри аҟнытә ишаҭаху,  еидтәаланы аицәажәара . Абыргцәа ргәаанагара анырҳәа анаҩс, аизара иалахәыз рҿаҧхьа дықәгылеит Аҧсны Ахада Рауль Ҳаџьымба. Иазгәеиҭеит, абыргцәа иаартны ирҳәарц шахәҭоу аҳәынқарра анапхгарра русушьа ргәамҧхозар, ишыргәамҧхо. Аоппозициа ахаҭарнакцәа рхымҩаҧгашьазгьы ргәаанагара рымӡароуп. Аҧсны Абыргцәа реизараҿы излацәажәоз азҵаарақәа рзы ақәҵара рыдрымкылаӡеит. Ирыӡбеит ари азҵаара еиҭазыхынҳәырц.  

Фатима Гьергьиаҧҳа, Беслан Џьынџьал , Саид Агәхаа, АТ .

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
Аҭыжьымҭаҿы:Ианҭаха ашьҭахь 143 медаль «Аиааиразы». Аҧсны Ахада аҳамҭақәа рнапаҿы ириҭеит иҭахаз афырхацәа рҭаацәа.
4
Ари ацәыргакәҵа еизнагеит жәлар рҟазара знапы алаку аҧышәа змоу рыдагьы, иахьа уажәраанӡа зхы ӡырзымгац, аха зус бзиабарала иазнеиуа аҿар.
4
Арҭ ашықәсқәа рыҩныҵҟа, ишҧаҿиоз аекономика аминистрра , иарбан проектқәоу зеиҿкаара алыршахаз? 
4
Ҧхынҷқәын мза 13,1988 ш.рзы Аҧсуа ҳәынҭқаррратә филармониҿы имҩаҧысит «Аидгылара» раҧхьаӡатәи аҧҵаратә еизара ду.
Аҧсны Ахада аҳамҭақәа рнапаҿы ириҭеит иҭахаз афырхацәа рҭаацәа.
Алаҳәарақәеи адныҳәаларақәеи
АГТРК