Аҧсны Ашәҟәыҩҩцәа Реидгыла ажәахатәи аизара ду мҩаҧысит.

07.12.2016
943

Аҧсны Ашәҟәыҩҩцәа Реидгыла  ажәахатәи аизара ду  мҩаҧысит. Зҵаара хаданаы иқәгылан ахантәаҩы иалхра. Маӡалатәи абжьыҭарахь инашьҭын Гәында Сақаниеи, Вахтанг Абҳазоуи ркандидатурақәа. Урҭ рахьтә ашәҟәыҩҩцәа аҧыжәара ирҭеит Вахтанг Абҳазоу. Ашәҟыҩҩцәа Реидгыла амаӡаныҟәгаҩыс дҟаҵоуп Даур Наҷҟьебиа. Ажурнал «Алашара» редактор хадас деиҭалхуп Анатоли Лагәлаа, ахәыҷтәы журнал «Амцабз» аредактор хадас -   Инна Ҳашҧҳа.

Амилаҭтә  литература аихаҳара знапы алаку Аҧсны ашәҟыҩҩцәа реизара ду хацыркын Дырмит  Гәлиа ибаҟа амҵан ашәҭқәа рышьҭаҵарала, анаҩс, Аҧсны   Жәлар рпоет Баграт   Шьынқәба анышә дахьамадоу абаҟа амҵан   ихырхәеит. Ашәҟәыҩҩцәа  убасгьы   иргәаладыршәеит Аџьынџьтәылатә еибашьраан иҭахаз зегьы.

Аҧсны ашәҟәыҩҩцәа Реидгыла иалоуп ҩынҩажәи жәаҩык. Аизара ду  иалагаанӡа,   уи иалахәыз  минуҭктәи   аҿымҭрала иргәаладыршәеит сынтәа зыҧсҭаазара иалҵыз  рҩызцәа.

Аизараҿы  аҳасабырбатә    ажәахә  ҟаиҵеит   ашәҟыҩҩцәа Реидгыла   ахантәаҩы Анзор Мықәба. Иара иазгәеиҭеит,  аҩымҭа бзиақәа аҧсуа литература ишаланагалаз, иҭыжьын алитературатә ҭҵаамаҭақәа жәпакы, иахьагьы иҭыҵуеит зыҧсҭазаара иалҵхьоу ашәҟәыҩҩцәа раҧҵамҭақәа. Аха имаҷуп аурысшәахь  еиҭагоу   аҧсуа   авторцәа  рҩымҭақәа.

Анзор Мықәба далацәажәеит   аҭыжьра ишазырхиоу   аҧсуа шәҟыҩҩцәа рбиблиографиатә  шәҟәгьы. Ашықәс иалагӡаны иазгәаҭан Дырмит  Гәлиеи  Баграт   Шьынқәбеи, иара убас егьырҭ ашәҟәыҩҩцәеи риубилеиқәеи,  ргәалашәаратә мшқәеи рымҩаҧгара. Хылаҧшра рыгӡам аҿаргьы.  Дара  аихьӡара бзиақәагьы аадырҧшуеит. Урҭ рылахәуп Урыстәыла имҩаҧысуа еиуеиҧшым асеминарқәа, акьыҧхь рбоит рҩымҭақәа.  Ҳтәылаҿы иҭыҵуеит ажурналқәа хҧа. Урҭ рхыҧхьаӡараҿы иҟоуп ахәыҷтәы журнал “Амцабз”. Иахьатәи аамҭазы ахәыҷтәы литература  ҕаруп, лҳәеит  ажурнал “Амцабз” аредактор Инна Ҳашба
Ажурнал “Амцабз”  атираж ҧшь-нызқь  ыҟоуп, иара аларҵәаразы ауадаҩрақәа жәпакы шцәырҵуагьы,   қыҭацыҧхьаӡа ироуртә иҟаҳҵоит, -   ҳәа азгәалҭеит Инна Ҳашба.

Аҳәынҭқарратә наплакы  акьыҧхь    аҩны     аиҳабы Даур Наҷҟьебиа иҳәеит,  ашәҟəыҩҩцәа иҟоу  ауадаҩрақәа, ицәырҵуа  азҵаарақәа  ианрыламцәажәа алитература аҿиара  аиуам  ҳәа.

Аҩымҭа бзиақәа рыҧҵараҿы, урҭ рҭыжьраҿы, уҳәа иагьа ауадаҩра  ыҟазаргьы, аҧсуа проза, апоезиа ҿиоит, иамоуп аҧеиҧш бзиа. Уи аус адырулоит иазааҧсахьоу зыхьыӡ еицырдыруа реиҧш ҿыц еиҵагылоу,  абаҩхатәра злоу аҿаргьы.

Альбина Жьиҧҳа, Роберт Ломиа ,АТ




Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
Алаҳәарақәеи адныҳәаларақәеи
АГТРК