Атəыла аҽазыҟанаҵоит ашықəс ҿыц аныҳəа.

19.12.2016
949

Ашықәс ҿыцынӡа макьана жәамш инареиҳаны ишыбжьоугьы, АҞәа ақалақь аҿы   иумбарц   залшом ауаа ргәы ацҧыҳәан аныҳәа рҽазыҟаҵара ишаҿу. Ихиоуп Аҧсны аҧсаӡ хада, ана – ара адәқьанқәа рҟны иуҧылоит ахәҳаахәҭра иаҿу,  агәалаҟазаара бзиа змоу ауаа.  

Иаҳзаанагозеи иааиуа ҩ-нызқьи жәибжьтәи арбаҕь ҟаҧшь ашықәс? Ари азҵаара ықәзмыргыло маҷҩуп. Зегь гәыҕуеит иманшәалахап ҳәа.  Иааиуа ашықәс ҿыц асимвол хада лассы-лассы иуҧылоит адәқьанқәеи аџьармыкьақәеи рҿы. Ауааҧсырагьы ари асимвол зныҧшуа ахәмарга  цырак иадамхаргьы рыҧсаӡ архиаразы иаархәоит. Китаитәи амзар агәра угозар ,иааиуа ашықәс иҭышәынтәалоу , аизҳазыҕьареи аманшәалареи зцу шықәсхоит. Адунеи зегь азы  акультуратәи политикатәи хҭысла ибеиахо аамҭахоит.    Аҧсаӡқәа ракәзар, аҳҭнықалақь агәҭа игылоуп, Аҧсны аҧсаӡ хада хәмарга хкыла ирхианы , ирацәаҩуп  хәыҷи-дуи уи иадгыланы зфотосахьақәа ҭызхуа.  Аҧсаӡқәа хкырацәала , дарбанзаалак игәы иақәшәо, аахәаҩцәа рзы иаагоуп аџьармыкьеи адәқьанқәеи рҿгьы.Сынтәагьы, ҵыҧх еиҧш,  азин ыҟам зыҧсы ҭоу аҧсаӡ аҧҟара, аҭира. Убас шакəугьы ирацәоуп убла хызкуа аҧсаӡқәа. Ауааҧсырагьы уажәнатә иаахәаны иргоит заа ирхианы рыҩнқәа рҿы идыргыларц.

Уахьынаҧшлак адәқьанқәеи анаплакқәеи рвитринақәа дырҧшӡоит, ашықәс ҿыц аныҳәа дуу шааигәахо узырдыруа ахәмаргақәеи , егьырҭ аныҳәа асимволқәеи. Ауаа ргәалаҟазаара  бзиоуп , иалырхуеит ашықәс ҿыц азыҳәан аҳамҭақәа,  рыгәқәа хыҭ-хыҭуа зегь ирхадароу ашықәс ҿыц аныҳәа иазыҧшуп. Игәыҕуеит ашықәс ҿыц ауха ргәы иҭаркуа ргәазыҳәарақәа зегь нагӡахоит ҳәа.  

Н.Ақаҩба, Б.Чхьынџьериа, АТ  






Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
7
Аҭыжьымҭаҿы: Акурорттә сезон  аихшьаалақәа рзы. Аҧсны  Ахада  дидикылеит акурортқәеи атуризми рзы    аминистр.
9
Борис  Гәыргәылиа ишәҟәы ахҧатәи атоми , иара иҷкәын изку  ашҟәы  «Абзагәи ».
12
Ҟрымтәи асасцәа рныҟәара хацдыркит  Аҟәатәи  ахшаалыҵ зауад ала.  
10
Иара Ахада изеиҭеиҳәеит, ҳазну ашықәс ноиабр акынӡа ареспублика ишаҭааз миллионҩык рҟынӡа аҧсшьаҩцәеи атуристцәеи.
43
Аҭыжьымҭаҿы:Ахырхарҭақәа жәпакы рҟны аусеицуразы еиқәышаҳаҭхеит. Аҧсныи Ҟрыми реиҳабырабжьаратә комиссиақәа актәи реилатәара.
50
Иара Аҧсны амилаҭтә олимпиатә еилакы аҿы  адныҳәаларақәа идикылон
Алаҳәарақәеи адныҳәаларақәеи
АГТРК