Ҭырқәтәыла иҟаз Урыстәыла ацҳаражәҳәаҩ Андреи Карлов иҭархара инамаданы, Аҧсны иҟоу Урыстәыла ацҳаражәҳәарҭаҿы иаартын адышшыларатә шәҟәы.

21.12.2016
1016

Ҭырқәтәыла иҟаз Урыстәыла ацҳаражәҳәаҩ Андреи Карлов иҭархара  инамаданы, Аҧсны иҟоу  Урыстәыла  ацҳаражәҳәарҭаҿы   иаартын   адышшыларатә    шәҟәы.  Шьыжьы инаркны    Аҧсны  ахада ихаҭыҧуаҩ    Витали Габниа,   Аҧыза- министр  Беслан Барцыц, атәыла ауааҧсыра  уахь инеины  адипломат  гәалсрыла    дыргәаладыршәеит.

Урыстәылатәи адипломат Ҭырқәтәыла иҭархара гәалсрыла ирыдыркылеит ҳтәыла ауааҧсыра . Аҟәа иҟоу Урыстәыла ацҳаражәҳәарҭахь иааиуан  хыҧхьаӡара рацәала   ауаа.   Урҭ    рхыҧхьаӡараҿы    Аҧсны  анапхгара рхаҭарнакцәа,  аполитикатәи   ауаажәларратәи  еиҿкаарақәа  рнапхгаҩцәа.    Дара    адышшыларатә    шәҟәы ианырҵон    Андреи Карлов   иҭархара  ргәы ишалсыз   атәы.
Андреи Карлов хаҭала дыздыруаз  иазгәарҭон,  згәы ҭбааз, ауаҩ изааигәаз иакәны дшҟаз. Ирҳәон ҕәҕәала ишақәыӡбо атеррористтә акт, уи иаҿагланы ишықәҧатәу.

Аҧсны иҟоу Урыстәыла ацҳаражәҳәаҩ Семион Григориев иҳәеит,  адипломат иҭархара  ухахьы иузаамго хҭысны ишыҟоу,   иара   адипломатиа  аус  аҿы  илагала  шмаҷмыз.     Ианаамҭаз аџьабаа ибахьан ҳтәыла ауааҧсыра атәылауашәыҟәқәа рыла реиқәыршәаразы, иара убас Сириантә ҳџьынџьуаа Аҧсныҟа рырхынҳәразы.Ҭырқәтәыла иҟоу Аҧсны ахаҭаранаки иареи аимадара рыбжьан.

Семион Григориев иҭабуп ҳәа реиҳәеит ацҳаражәҳәарҭахь иааины  Андреи Карлов  гәалсрыла дызгәалазыршәаз  зегьы.

Альбина Жьиҧҳа, Беслан Џьнџьал ,АТ.  


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
34
Уи хықəкыс иаман аҧсуа жәлар рмилаҭтә культура, рҟазара, раалыҵ аӡыргара .
19
Аҟаза имшира идырныҳәалеит акыр шықәса аус ицзухьаз иҩызцәа.
Алаҳәарақәеи адныҳәаларақәеи
АГТРК