Гагратəи ареабилитациатə центр иаҭааит Аҧсны Атәылахьчара аминистрреи, арратә комиссариатқәеи рхаҭарнакцәа.

21.12.2016
783

Аҧсны атәылахьчара аминистрреи, арратә комиссариатқәеи рхаҭарнакцәа ирҭааны ирбеит Гагратәи ареабилитациатә центр аҟны згәабзиара шьақәзыргыло Аҧсны жәлар Рџьынџьтәылатә еибашьра аветеранцәа. Ирзааргеит ашықәсҿыцазтәи аҳамҭақәа.

 Гагратәи ареабилитациатә центр аҟны аиааира ду агара ашьҭахь ргәабзиара шьақәдыргылоит ааха змоу аветеранцәа. Араҟа дара амедицинатә цхыраара рзыҟарҵоит. Уажәазы ахәышәтәырҭаҿы иҟоуп ҩажәи- жәаҩык инареиҳаны. Ашықәс ҿыц аламҭалазы аветеранцәа ирҭааит Аҧсны арратә комиссариатқәа рхаҭарнакцәа.

Ахәышәтәыраҭаҿы имаҷым дара ирывагыланы ирыцеибашьуаз рҩызцәа. Аруаа иааргеит аветеранцәа рзы аҳамҭақәа. Дара уи гәахәарыла ирыдыркылеит. Ныгәзар Ҭыжәба убасгьы даҧхьеит Аҧсны атәылахьчара аминистр Мираб Кьышьмариа ахәышәтәырҭаҿы згәабзиара шьақәзыргыло аибашьра ааха ззыннажьыз рыхьӡала иҟаиҵаз адныҳәалара. Аветеранцәа аруаа рганахь ала ирзыҟаҵаз азҿлымҳара иҭабуп ҳәа ахырҳәааит.

Аҽыхәшәтәра иахысуа Аҧсны жәлар зегьы ирыдырныҳәалеит иааиуа Ашықәс ҿыц. Аҧсны атәылахьчара аминистрреи, арратә комиссариатқәеи рхаҭарнакцәа ирҳәеит, есышықәса изларылшо ала ацхыраара шырзыҟарҵо аибашьра ахәра ҕәҕәақәа ззыннажьыз аветеранцәа.

 Асмаҭ Шьакаиа, Саид Агәхаа, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15 Август 2018
49
15 Август 2018
45
Араҟа еизгаз аҧара афонд« Ашана »иахыҧхьаӡалахоит .
15 Август 2018
49
Уи иазыҧҵәоу аамҭа иалагӡаны апаспорт аиуразы ашәҟәқәа алазымҵаз ирымоу рдокументқәа амч рцәыӡуеит.
15 Август 2018
45
Аҧсны ахадареи аибашьра аветеранцəеи ашәҭқәа шьҭарҵеит хатәгәаҧхарала иҳацхраауаз иҭахаз рбаҟа амҵан.
14 Август 2018
41
Загрузка плеера
Алаҳәарақәеи адныҳәаларақәеи
АГТРК