Аҳамҭақəа ахəыҷқəа рзы.

21.12.2016
722

Ашықәс  ҿыц  аламҭалазы  ахәыҷқәа  бзиа ирбо    аҳамҭақәа   рзыҟарҵоит. Убас,  ареспублика    асоциалтә    ҧгаҧсеи   аџьа  ахьчареи рзы  аҳәынҭқарратә  фонди,    акоммерциатә  еилазаара  «Магнати»   ахәыҷқәа    ирзыршац ахаа-мыхаақәа зҭаз аҳамҭақәа еиқәдыршәеит.

Асоциалтә ҧгаҧсеи аџьа ахьчареи рзы аҳәынҭқарратә  фонд  ҩнызқьи жәаф шықәсазтәи абиуџьет аҿы иарбоуп Аҧсны ибиуџьеттәуи ибиуџьеттәыми   аиҿкаарақәа рҿы аус  зуа  зегьы рхәыҷқәа  рыцыҧхьаӡа ашықәсҿыцазтәи аҳамҭақәа рыҭара. Ари аус аиҿкаараҿы афонд иацхраауеит зҭакҧхықәра ҳәаақәҵоу аилазаара  « Магнат».  Иааизакны сынтәа ирхиоуп жәохә нызқь ҳамҭа. Урҭ ирықәхарџьуп ҧшь-миллионк мааҭ аҧара.

Сынтәа ари акциа аҿыцрақәа алагалоуп. Уажәраанӡа арҭ аҳамҭақәа зауаз азанааҭтә  хеилак  ахьыҟоу анаплакқәа рҿы акәызҭгьы,сынтәа инаркны аҳамҭақәа роуеит Аҧсны ибиуџьеттәуи ибиуџьеттәыми   аусҳәарҭақәа зегьы. Ҩ-нызқьи жәибжь шықәсазы  иазгәаҭоуп  Аҧсны иқәынхо ахәыҷқәа зегьы рсиа аҟаҵара. Нас убри асиа инақәыршәаны аҳамҭақәа разырхиара.

Ари аҳамҭа ахәҧса ҧшьышә мааҭ артәоит.  Акциа аиҿкааҩцәа ражәақәа рыла, дара ирылшоз зегь ҟарҵеит  уи ахаҭабзиареи ахәҧсеи еиқәшәо  ахәыҷқәа ргәы иахәо аиҿкааразы.

Хымҧада, даараӡа угәы иахәартә иҟоуп ашықәс ҿыц аламҭалаз аҳәынҭқарра иалшо ахьыҟанаҵо ахәыҷқәа агәахәара рызҭо аусқәа ахьеиҿнакаауа.



  

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
14 Август 2018
24
14 Август 2018
3
Урҭ ргәалашәара амш аҽны уахь инеит араион ахадара, ауаажəларра.
14 Август 2018
5
Аҳҭнықалақь аҿы урҭ алагеит асааҭ жәеиза рзы, Ахьӡ-Аҧша апарк аҿы ашәҭқәа рышьҭаҵара ала.
14 Август 2018
11
26 шықәса раҧхьа , нанҳәамза 14 рзы Қырҭтәыла архәҭақәа Аҧсны иақәлеит ампыҵахаларазы.
13 Август 2018
69
Загрузка плеера
Алаҳәарақәеи адныҳәаларақәеи
АГТРК