Иаҧҵахоит «Анра Ахьӡ-аҧша» аорден.

23.12.2016
694

«Анра Ахьӡ-аҧша» аорден, иааиуа ашықәс азы атәыла анапхгара ишаҧырҵо атәы иҳәеит Аҧсны Ахада Рауль Ҳаџьымба Ауаажәларратә еиҿкаара « Аҭынчреи асоциалтә иашареи рзы Аҧсны анацәа реидгыла» аҧҵоижьҭеи ҩажәи хҧа шықәса аҵра иазкны имҩаҧгаз аиҧылараҿы.

Рауль Ҳаџьымба иқәгылараҿы иазгәеиҭеит, зыхшара зцәыӡыз анацәа агәырҩа бааҧс шырхыргаз. Уи маҷк ихызҽуа акыакәны ишыҟалаз Аҧсны иаиуз ахақәиҭра.

Ауаажәларратә еиҿкаара « Аҭынчреи асоциалтә иашареи рзы Аҧсны анацәа реидгыла» Аҧсны аџьынџьтәылатә еибашьра  иалиааз еиҿкаароуп.

«Ан дызмам Анцәа димам»  рҳәоит аҧсуаа. Ииашаҵәҟьан , иҳаҩсыз аибашьраҿы анацәа ирылшаз рацәоуп, урҭ рыҷқәынцәа ргәы дырҕәҕәон, ирцәырҵәахуан рылаҕырӡ. Ҳажәлар иргаз аиааираҟны анацәа рлагала маҷым. Зыҷқәынцәа зыцәҭахаз  Аҧсны анацәа аибашьра ашьҭахьгьы,  рхьаақәа ҵәахны, ажәлари аҳәынҭқарреи рзы  акрызҵазкуа аусура мҩаҧыргоит. Урҭ рыҽрыладырхәуеит Аҧсны  аполитиакатәи,   акультуратәи,  асоциалтәи  зҵаарақәа. Аҧсны анацәа реидгыла егьырҭ ахеидкылақәеи апартиақеи реимакқәа рҭышәныртәалразы  иҟарҵо маҷым,  урҭ еснагь иашьҭоуп аҭынчреи аилибакаареи ҟаларц.

Аиҧылараҿы анацәа рҿаҧхьа дықәгылеит Аҧсны Ахада Рауль Ҳаџьымба. Имҩаҧырго аусуразы иҭабуп ҳәа раҳәо иазгәеиҭеит, атәыла анапхгара гәҭакыс ишрымоу ан илызку аорден аҧҵара иааиуа ашықәс азы.
Аиҧылара иалахәыз рзы ашәақәа нарыгӡон Аҧсны зҽаҧсазтәыз артистцәа, игон  аибашьраан  иҭахаз арҧарцәа  ирызкыз аҧсуа шәақәа.
  
Аизараҿы дықәгылеит «Аҭынчреи асоциалтә иашареи рзы Аҧсны анацәа реидгыла» ахантәаҩы Гәыли Кьычба. Лара  Аҧсны ахада иҭабуп ҳәа иалҳәеит, ан илызку аорден аҧҵара ахьаҧшьыргаз.
Еизаз рҿаҧхьа иқәгылон зыхшара ҭахаз анацәа. Ҩажәи хҧа шықәса шыҵхьогьы, урҭ рхьаақәа хымҽӡац. Урҭ еснагь ирҳәоит , рыҷкәынцәа зызҭахаз, иззықәҧоз Аҧсны ахьыҧшымра шаиуз.  

«Аҭынчреи асоциалтә иашареи рзы Аҧсны анацәа реидгыла» ҩажәи хҧа шықәса ахыҵра рыдырныҳәалеит аибашьра аветеранцәа, ауаажәларратә еиҿкаарақәеи аполитикатә партиақәеи рхаҭарнакцәа.  

Н.Ақаҩба Б.Џьынџьал,АТ.



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
22 Февраль 2018
44
22 Февраль 2018
24
«Ишьхатәылоу Аҧсны» афонди, аурыс-географиатә еилазаареи Москватәи рштаб квартираҿы аусеицуразы аиқәшаҳаҭра рнапы аҵарҩит, жəабран 21 рзы.
22 Февраль 2018
111
Ари арыцхә аҳаҭыр азы аусмҩаҧгатә еиҿкаан Аҟәатәи ацәыргақәҵатә зал хадаҿы .
21 Февраль 2018
134
Аҭыжьымҭаҿы:Харада иҭархаз ргәаларшәаразы. Гәдоуҭатәи апарк аҿы аныҳәарҭа аргылара иацхраарц зҭаху рзы ахыҧхьаӡаларҭа аартуп.
21 Февраль 2018
104
Раҧхьаӡа акәны,  уи аҳәаақәа ирҭагӡаны далкаахоит ашықәс зегь аҩнуҵҟа Аҟәафон хаҿыс иаиуа аҭыҧҳа.
Загрузка плеера
Алаҳәарақәеи адныҳәаларақәеи
АГТРК