Ацәыргақәҵа «Иқьырсиантәу Аҧсны»

23.12.2016
563

«Иқьырсиантәу Аҧсны» захьӡу ацәыргақәҵа аатит Аҟәатәи акафедралтә уахәама иаҵанакуа Адоуҳатә ҵараиурҭаҿы. Ацәыргақәҵа еиднакылеит хынҩажәи жәаба фотоҭыхымҭа аҧсуа доуҳатә ҧсҭазаара аибашьра ашьҭахьтәи аамҭа иаҵанакуа. Ацәыргақәҵа даҭаан ибеит Аҧсны Ахада Рауль Ҳаџьымба.

Ацәыргақәҵа аҟны иӡыргоу афотоҭыхымҭақәа рҿы иаарҧшуп Аҧсуа иашахаҵаратә уахәама аҧсҭазаара еиуеиҧшым ахырхарҭақәа рҿы . Аибашьра ашьҭахьтәи аамҭа иалагӡаны аҧсуа доуҳатә культура аизырҳараҿы  иҟаҵоу маҷым. Раҧхьа инаргылан иҟоуп алшара, ҳтәыла ауахәамақәа зегьы рҿы аҧсышәала Анцәа имҵаныҳәарақәа рымҩаҧгара.

Аҧсуа иашахаҵаратә уахәама алахәуп ауаажәларраҿы имҩаҧысуа ахҭысқәа зегьы, уи шаҳаҭра руеит ицәыргақәҵоу аҭыхымҭақәагьы. Иӡыргоу афотоҭыхымҭақәа рҟнытә ирацәоуп Аҧсны аиашахаҵаратә уахәама еиуеиҧшым аамҭақәа рзы Аҧсны ахадацәа Владислав Арӡынбеи, Сергеи Багаҧшьи злахәны имаҧнагоза аиҧыларақәа  зныҧшуа. Ацәыргақәҵа иаҭааит Аҧсны Ахада Рауль Ҳаџьымба, уи ихаҭыҧуаҩ Витали Габниа, Аҧсны иҟоу Урыстәыла ацҳаражәҳәаҩ Семион Григориев. .  Аб Басараин  аҭааҩцәа ирзеиҭаиҳәеит афотоҭыхымҭақәа рҭоурых.

Камантәи ауахәама ахылаҧшҩы Аб Игнатии иҳәеит, Аҧсуа Иашахаҵаратә уахәама алагала шырацәоу ауаатәыҩса рыҧсҭаазараҿы, ауахәама аҭааҩцәа  зыргәамҵуа азҵаарақәа, ирымоу ауадаҩрақәа рҿы Анцәа иажәала ацхыраара шрырҭо.

Аб Басараин иҳәеит, абзиабара  ауаҩытәыҩса иахь ихадоу  ҟазшьаны ишыҟоу, убри абзиабара ҳауаажәларра еиднакылароуп, ҳәа  азгәеиҭеит иара.   Аҧсны ахада ҳамҭас иҭан аҧшьаҩыра.
Альбина Жьиҧҳа, Саид Агәхаа ,АТ    




Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21 Февраль 2018
58
Аҭыжьымҭаҿы:Харада иҭархаз ргәаларшәаразы. Гәдоуҭатәи апарк аҿы аныҳәарҭа аргылара иацхраарц зҭаху рзы ахыҧхьаӡаларҭа аартуп.
21 Февраль 2018
55
Раҧхьаӡа акәны,  уи аҳәаақәа ирҭагӡаны далкаахоит ашықәс зегь аҩнуҵҟа Аҟәафон хаҿыс иаиуа аҭыҧҳа.
21 Февраль 2018
43
144 ш. ҵит апоет диижьҭеи, уи иадҳәаланы Аҟәа имҩаҧысит агәаларшәаратә уснагӡатәқәа.
20 Февраль 2018
105
19 Февраль 2018
129
Аҭыжьымҭаҿы:Имҩаҧысит Жәлар реизара асессиа изаамҭанытәым аилатәара.
Загрузка плеера
Алаҳәарақәеи адныҳәаларақәеи
АГТРК