Аҧсны аҳəынҭқарра Ахада Рауль Ҳаџьымба идикылеит аспортсменцәеи азыҟаҵаҩцәеи.

26.12.2016
632

Ҩнызқьи жәафтәи ашықәс Аҧсны аспорттә хҭысқәа рыла акыр ибеиан, - иҳәеит атәыла Ахада Рауль Ҳаџьымба гәыҧҩык аспортсменцәеи, разыҟаҵаҩцәеи анидикылоз. Иазгәеиҭеит, ҳҳәынҭқарра ахьӡ ҭызго аспортсменцәа ҳаҧхьаҟагьы атәыла анапхгара аҟнытә ацхыраара шроуа.

Аиҧыларахь ааҧхьара рыҭан ҩнызқьи жәаф шықәса рыҩныҵҟа еиуеиҧшым жәларбжьаратәи атурнирқәа рҿы ахраҿақәа згаз, аихьӡарақәа аазырҧшыз аспорт знапы алаку аҿар гәыҧҩыки урҭ разыҟаҵаҩцәеи. Дара рыбжьара абокс азы аҟазацәа, зхы иақәиҭу ақәҧараҿы аиааира згақәаз, напышьашәалатәи ақәҧареи, карате-доИ рхаҭаранкцәа. Рауль Ҳаџьымба иҳәеит, Аҧснытәи аспортсменцәа иаадырҧшуа аихьӡарақәа ҳтәыла ахьӡ шҭырго.

 Аҧсны Ахада иазгәеиҭеит, ҩнызқьи жәафтәи ашықәс аспортә хҭысқәа рыла ишбеиаз. Ҳтәыла аҩныҵҟа имҩаҧысыз рыбжьара, ҳәарада, зегьы ирылукаауеит ашьапылампыл азы Конифа адунеи ачемпионат. Аҳәынҭқарра Ахада иажәақәа рыла, уи ауааҧсыра ирнаҭаз аныҳәатә гәалаҟазаара даҽазныкгьы ишьақәнарҕәҕәоит, асеиҧш жәларбжьаратәи аҟазшьа змоу атурнирқәеи ачемпионатқәеи шеиҿкаалатәу. Урҭ Аҧсны ахьӡырырго анаҩсгьы, ажәлар еидыркылоит. Аспорт аусхк мариаӡам, аспортсмен иҧсҭазаараҿы акәзар, ихадароу аҭыҧ ааныркылоит аҽазыҟаҵарақәеи, агәабзиара ацклаҧшреи, аҟазара аҩаӡара ашьҭыхреи.

 Аха, аинтерес зцу иара знык уаланагалар, узацәцаӡом рҳәоит аспортсменцәа. Аҳәынҭқарра Ахада иҧылараан аӡәырҩы ирҳәеит, Аҧсуа спортсменцәа аҳәаанырцәҟа рцара, убри алагьы уаҟа имҩаҧысуа аспортә еицлабрақәа рыҽрылархәраҿы аҭыҧ хада шаанакылаз Аҧсны ахада иҟаиҵаз ацхыраара. Убри азы Рауль Ҳаџьымба аспорсменцәеи урҭ разыҟаҵаҩцәеи рыхьӡ ала иҭабуп ҳәа иарҳәеит. Иара убасгьы, Аҧсны Ахада инапаҿы иҭан уажәы ааигәа аҧсуа каратистцәа иранашьаз ахраҿа. Аҵыхәтәантәи аамҭазы аҿиара бзиа зауз спорт хкны иҟоуп абокс. Есааира ирацәаҩхоит иара зҽазызкуа аҿар. Саид Смыр Жәларбжьаратәи атурнир аҿы аҧхьахәтә ҭыҧ згаз дреиуоуп, иара иажәақәа рыла, абокс иҧсҭазаара иузаҟәымҭхо иацуп. Аиҧылара хырқәшо, Аҧсны Ахада Рауль Ҳаџьымба аспорсменцәа агәаларшәагатә ҳамҭақәа риҭеит.

Аиҧылараҿы убасгьы ирылацәажәан Аҧсны араионқәа рҟны аспорттә ҟәшақәа рҭагылазаашьа. Рауль Ҳаџьымба иҳәеит, урҭ русура аҵак ҷыда аманы ишиаҧхьаӡо. Убри аан аҳәынҭқарра Ахада иазгәеиҭеит иргылоу, мамзаргьы зыргылара азгәаҭоу аспортә хыбрақәа рыҟаҵара хықәкы хадас ишрымоу аҿар аҽазыҟаҵарақәа рзы аҭагылазаашьа бизақәа рзаҧҵара. Убри алагьы дара аспорт радыҧхьалара. Анаҩс еицҭыхын агәаларшәагатә фотосахьа.

 Елана Лашәриа, Беслан ЏЬынџьал, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
135
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
123
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
144
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
111
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
93
15 Август 2018
75
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК