Ахьшәашәарақәа ирыхҟьаны аимҳәа чымазара цәырҵуеит есышықәса.

26.12.2016
691

Ахьшәашәарақәа ирыхҟьаны     аимҳәа  чымазара  цәырҵуеит есышықәса,  еиҳаракгьы    ахәыҷқәа рыбжьара.

Ҳкорреспондентцәа    еилыркаауан   аҳҭны  қалақь  ахәышәтәырҭақәа    ачымазара    аанкылара   иахьынӡазыхиоу.

Аҿкы чымазарақәа рыҽдырҕәҕәоит аӡын. Ари аамҭазы ахәышәтәырҭақәа рахь инеиуагьы рхыҧхьаӡара рацәоуп. Аҳақьымцәа ражәақәа рыла, ахьҭа злалаз дарбанзаалак хымҧада аполиклиника ахь днеироуп. Избан ақәзар, уи аамҭак азы ихигаргьы, авирус ицәа иалаҽны иаанхар алшоит. Ари аамҭазы зимунитет иаҳа иуашәшәыру ахәыҷқәа реиҳараҩык ахьнаргоу  ареспубликатә хәыҷтәы хәышәтәырҭахь ауп. Аҳақьым хада Игор Џьапуа иаҳзеиҭеиҳәеит, аҵыхәтәантәи амшқәа ирылагӡаны  арахь иаарго ахәыҷқәа рхыҧхьаӡара ишацлаз. Ахәыҷтәы хәышәтәырҭа ҭәуп ачымазцәа рыла, аха Игор Џьапуа иажәакәа рыла ,урҭ рхыҧхьаӡараҿы ирацәам агрип зыхьуа.

Агрип чымазара зыхьны иҟоу рхыҧхьаӡара рацәоуп ареспубликатә хәышәтәырҭаҿгьы. Араҟа иахьа ишьҭоуп 50-ҩык инареиҳаны ауааҧсыра.

Ас ачымазцәа рхыҧхьаӡара иахьазҳауа мақьаназы ашәарҭара ацым. Уи иаанагом аепидемиатә ҟазшьа амоуп ҳәа азырыҧхьаӡоит аспециалистцәа.  Дара ражәақәа рыла, ари есышықәсатәи цәырҵроуп.
Ачымазара аҽацәыхьчаразы аҳақьымцәа абжьгарақәа ҟарҵоит, аҭаацәа рхала ахәыҷкәа рыхәшәтәра рҽарызымкырц. Агрип чымазара раҧхьатәи аҟазшьақәа анаацәырҵ иаразнак аҳақьым иахь идҵаалатәуп. Иара убасгьы лассы лассы аҳауа цқьахь адәылҵра атахуп. Мамзар, зыӡбахә ҳамоу авирус ахҟьа-ҧҟьа ҕәҕәа ааннажьыр алшоит.

Сариа Смыр, Саид Агәхаа,АТ.




Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
17
Урҭ еиқәыршәаны иаарҭиит амаҭәа ҭзыжьуаҬырқәтәылатәи анаплакқәа ааба.
11
Ари арыцхә инамаданы, Аҧсны Аҧыза- министр Валери Бганба идикылеит Ареспублика Аҳәынҭстатитсика аусбарҭа аусзуҩцәа.
33
Аклассикатә музыка аконцерт аҟны еизгаз 117 нызқь мааҭ агәыҳалалратә фонд «Ашана» иахыҧхьаӡалахоит.
39
Уи абзоуроуп аилахәыра «Аҟәафон » иҟанаҵаз афинанстә цхыраара .
Алаҳәарақәеи адныҳәаларақәеи
АГТРК