«Ассир ҳамҭас» -абас ахьӡуп ауаажәларратәи агәыҳалалратә еиҿкаара «Кьараз» еиҿнакааз .

26.12.2016
751

Есышықәса еиҧш сынтәагьы,агәыҳалалратә    еиҿкаара  «Кьараз»  абзоурала   зсоциалтә ҭагылазаашьа уадаҩу аҭаацәарақәа  ирзыҟаҵан  аҳамҭақәа.  

«Ассир ҳамҭас» абас ахьӡуп   ауаажәларратәи агәыҳалалратә  еиҿкаара «Кьараз» еиҿнакааз . Ари аусмҩаҧгатә хықәкыс иамоуп  зсоциалтә ҭагылазаашьа уадаҩу  аҭаацәарақәа рыхшара ашықәс ҿыц азы  ргәалаҟазаара ашьҭыхра ,аҳамҭақәа ранашьара. Акциа «Ассир ҳамҭас» иабзоураны дарбанызаалак имоуп алшара ,хәыҷык иадамзаргьы ,зсоциалтә ҭагылазаашьа уадаҩу аҭаацәара рыхшара ргәы ашьҭыхра.Акциа аҳәаақәа ирҭагӡаны еизган ахәыҷқәа рҟынтәи асалам шәыҟәқәа, Урҭ рҿы дара  ахәыҷқәа зҳәоз амаҭәа ҧхақәа, ,ахәмаргақәа,ахаа ракəын.»Кьараз» ахаҭарнакцәа ирҳәоит ,ҳтәыла ауааҧсыра ,дарбанызаалак илшоит абзиара аҟаҵара ҳәа.  Иаҳхысыз ашықәс еиҧш ,сынтәагьы ари акциа аҳәаақәа ирҭагӡаны рхыҧхьаӡара маҷым зхы алазырхәыз ауааҧсыра. Аҧсуа драматә театр ахыбрахь иааҧхьан ақалақьқәеи араионқәеи рҟынтәи ахәыҷқәа.

Ауаажәларратәи агәыҳалалратә еиҿкаара имҩаҧнагаз акциа иабзоураны ҳтәыла  ахәҭақәа рҟны еиҿкаан аҳамҭақәа ахьеидыркыло аҭыҧқәа. Альбина агәыҳалалратә акциа атәы  лаҳаит амшын аҧшаҳәаҿы лыҧсы ахьылшьоз

Агәыҳалалратә усмҩаҧгатә еиднакылаз ахәыҷқәа ирыдгалан  Мадина Аргәынҧҳа  лықәыргыламҭа ,Андерсен иаҧҵамҭа «Асы аҳкәажә» захьӡу аспектакль. Азал иҩныҩуан ахәыҷқәа рыччабжь,рхы рҿы ианубаалон агәалаҟазаара бзиа шрымаз. Урҭ мҩаҧызгоз аҭаацәеи ааӡаҩцәеи иҭабуп ахырҳәаауеит ирзыҟаҵаз аҳамҭақәа рзы.

Аспектакль анҵәамҭазы ахәыҷқәа адәахьы ирзыҧшын агәыҳалалратә еиҿкаара ахаҭарнакцәеи ,урҭ адгылара рызҭаз амобилтә еимадара «Аҟәафони» рхаҭарнакцәа,дара ҳазҭало ашықәс ҿыц ахәыҷқәа ирыдныҳәало рнапы иадыркит аҳамҭақәа.Ауаажәларратәи агәыҳалалратә хеилак «Кьараз» адгылара рызҭаз амобилтә еимадара «Аҟәафон» ахаҭарнакцәа ирҳәеит,ахәыҷқәа аҳамҭақәа рыҭара анаҩс,зсоциалтә ҭагылазаашьа уадаҩу ф-ҭаацәарак ,ашықәс ҿыц аламҭалаз  аҧаратә ҳамҭақәа ранашьахоит.

А.Шьакаиа,Б.Чхьынџьериа,АТ.
  

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
29
Ишҧеиҿкааз ари аҧсшьаратә сезон азы Риҵатəи амилаҭтə ҳәырҧсарра аусура?
35
Иара еиднакылеит аиҳабыратә абиҧарақәа ирыҵаркуа апоетцәа реиҧш, аҿарацәа ражәеинраалақәагьы.
35
Урҭ еиқәыршәаны иаарҭиит амаҭәа ҭзыжьуаҬырқәтәылатәи анаплакқәа ааба.
33
Ари арыцхә инамаданы, Аҧсны Аҧыза- министр Валери Бганба идикылеит Ареспублика Аҳәынҭстатитсика аусбарҭа аусзуҩцәа.
Алаҳәарақәеи адныҳәаларақәеи
АГТРК