Иҳаҩсуа ашықәс апоет, аҵарауаҩ Омар Беигәаа ишықәсны ирылаҳәан.

27.12.2016
809

Иҳаҩсуа ашықәс апоет, аҵарауаҩ  Омар Беигәаа ишықәсны ирылаҳәан. Аҵарауаҩ игәалашәара аҳаҭыразы Аҧснытәи аҳәынҭқарратә университет аҟны еиҿкаан ипоезиа ахәылҧаз.

Ҳџьынџьуаҩ ихьӡ  зхыу    аҳәаанырцәтәи   ҳџьынџьуаа  рҭоурых  амузеи  аҟны   имҩаҧган    анаука- практикатә   конференциа.  

Омар Беигәаа иҧсҭазаара зегьы ҵакыс иамаз иҧсадгьыл акәын, дахӡыӡаауан аҧсуа бызшәа, уи ахь иамаз абзиабара жәала  аиҭаҳәара уадаҩуп.  Инапы рылакын абызшәа, афольклор, аҭоурых, аетнографиа рыҭҵаарақәа. Дызлагоз аусқәа зегьы рымҽхак ҭбаан. Аҧсуа литература акафедра аиҳабы Диана Џьынџьал иазгәалҭеит, ишышьақәырҕәҕәоу  Омар Беигәаа ирҿиамҭала адиссертациа аҩра.

Омар Беигәаа иҭҵааратә усмумҭақәа зегьы ҭырқәбызшәала иҩуан, аха Аҧсныҟа иааишьҭуаз асалам шәҟәқәа аҧсышәала иҟан.  Аҵарауаҩ  хықәкыс иман инапыла ҩырақәа иманы Аҧсныҟа аара,аха уи зыҟамлеит уи аамҭазы Аҧсны излагаз аибашьра иахҟьаны. Уи ашьҭахь иалыршахеит аусмуҭақәа  реиқәырхара. Дара рыҭҵаара напы аркын аҵыхәтәантәи жәашықәса раҧхьа. Анапылаҩыратә усумҭақәа акьыҧхь азырхиара аныӡбаха, урҭ реилыргараан  ицәырҵит ауадаҩрақәа.  Омар Беигәаа   иаҧиҵаз алитературатә ҩыратә бызшәала акәын аусумҭақәа зегьы шаныз. Аха ари аус напы адкылоуп, ашәыҟәқәа рҭыжьра азгәаҭаны иҟоуп.
Аконференциаҿы иқәгылоз иазгәарҭон аҵаруаҩ иҭҵаарақәа хәы змаӡам шракəу. Ирҿиараҿы аҭыҧ ду аанакылоит иҧсадгьыл ахь имаз абзиабара . Уи иажәеинраалақәа иҵарны ирныҧшуеит.

Аиҧылара хыркәшо иҳәан, апоет, аҵарауаҩ Омар Беигәаа ихьӡ зху аҭҵааратә практикатә конференциа есышықәса амҩаҧгара ахәҭаны ишырыҧхьаӡо, насгьы аҧсуа литература иалагалазарц иҭҵаарақәа инарҭбааны рзааҭгылара.






Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
36
Аҭыжьымҭаҿы:Ахырхарҭақәа жәпакы рҟны аусеицуразы еиқәышаҳаҭхеит. Аҧсныи Ҟрыми реиҳабырабжьаратә комиссиақәа актәи реилатәара.
44
Иара Аҧсны амилаҭтә олимпиатә еилакы аҿы  адныҳәаларақәа идикылон
39
Убри инамаданы имҩаҧган афонд ахаҭарнакцәа злахәыз апресс-конференциа.
55
Апроект авторс дамоуп ашәаҳәаҩ, акомпозитор, Хьыбла Мықәҧҳа.
Алаҳәарақәеи адныҳәаларақәеи
АГТРК