«Ромеои Џьульеттеи» аҧсуа мотивқәа аҭаны иқәыргылоуп.

27.12.2016
847

«Ромеои Џьульеттеи» аҧсуа мотивқәа аҭаны иқәыргылоуп.

Ражден Гәымба ихьӡ зхыу Аҧсуа ҳәынҭқарратә филармониаҿы имҩаҧысит уи аҧхьарбара.  

Аспектакль иалагаанӡа актиорцәа рҽазыҟарҵоит, еиҭарҳәоит иаздырхиаз атекст. Ақәыргыламҭа иалахəу зегьы ҳтәылаҿы еицырдыруа ахаҿсахьақәа роуп. Абар иара афырхаҵа хада Ромеогьы дахьыҟоу. Уи ироль наигӡоит Ҭемыр Аршба.

Иҳәатәуп, Нарҭаа ргәы иҭаркыз анагӡара шзалымшоз аспонсортә цхыраарада. Еснагь еиҧш, аилахәыра А-мобаил адгылара анаҭоит ас еиҧш апроектқәа раҧҵараҿы.  “Нарты из Абхазии” ашықәс ҿыц азы иаздырхиоит иинтересу алаф зцу ақәыргыламҭақәа. Ҟазшьала иаҳзеиҧшу аиталиантә пиеса аҧсуаа ибзианы ирныруеит, ҳәа агәра ганы иҟоуп ақәыргылаҩцәа.

Ари ахәылбыҽхаз афилармониа азал ҭәын. Ахәаҧшцәа зегьы  актироцәа рцәырҵра иазыҧшын, избанзар ирдыруан аспектакль даара ишылахҿыххоз. Ус иагьыҟалеит. Шекспир итрагедиа “Ромеои Джульеттеи” амиузикл ахь ииаганы аҧсуа мотивқәа арҭеит ақәыргыламҭа авторцәа. Иагымызт алафгьы, уи еиҳа еиҳан умҳәозар.

Шекспир иҟнеиҧш, ахҭысқәа зегьы мҩаҧысуеит Италиа, ақалақь Верона. Аха убри аан аҭыҧқәа зегьы даара иаҳзааигәоуп. Пату зқәу ҩ-ҭаацәарак аиҕара рыбжьоуп, уи аҧырҟәҟәаарагьы ргәы иҭам. Ақәыргылаҩцәа раҧшьгарала Џьулиа Гудаулетти аҭаацәара рҟынтәи амал змоу дирҭар рҭахыуп, аха аҭыҧҳа ҧшӡа илыдыргало аӡәгьы длаҭәалшьаӡом.  

Очамчырекии рҭаацәарагьы агәаҟра рымоуп. Рҧа Ромео ҧҳәыс дигом. Ус ашықәс ҿыц аламҭалазы уи иашьцәа раҕацәа рҿы имҩаҧысуа аныҳәа аҽалархәразы дыргоит. Уаҟа ауп иахьеиҧыло афырхацәа хадақәа, бзиа иахьеибабазгьы.

Ари амиузикл ахәаҧшра инеиз зегьы ргәалаҟазаара акыр ишьҭнахит. Актиорцәа рлаф адагьы, дара рырхәмаршьа уаршанхартә иҟан. Даҽаӡәы дилаҩашьомызт Џьульетта лааӡаҩ. Уи лцәырҵра акыр агәахәара рнаҭеит ахәаҧшцәа.

Анҵәамҭа Шекспир итәы еиҧшым ҳәа шәҳәар алшоит. Аха бзиа еибабоз рыҧсҭаазарақәа еиларҵеит. Уи акәӡами нас арҭ аҩ-ҭаацәак рыхшара  рзы ирҭахыз.

Апроект авторцәа агәра ганы иҟоуп ахәаҧшцәа уи ргәалаҟазаара шышьҭнахуа. Афилармониаҿы анеира иахьымӡаз, ирбар рылшоит Аҧсуа телехәаҧшра ашықәс ҿыцазтәи аефир аҿы.

Сима Аргәын, Саид Аиба, АТ.





Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Маи 2018
Уи аҳәаақәа ирҭагӡаны, Москватәи аҳәынҭқарратә университет аушьҭымҭацәа Вардаиаҧҳа Валериеи Громова Анастасиеи иаздырхиаз апроект иазааҭгылеит.
17 Маи 2018
85
Жәларбжьаратәи амузеиқәа рышм аҽны аҵх агәанынӡа Аҟәа иаартызаауеит амузеиқәа хҧа.
17 Маи 2018
130
Аҳәынқарра Ахада иҟаиҵаза Аусҧҟа инақәыршәаны, аибилеи аҳаҭыр азы гәыҧҩык адипломантцәа чынла иҳаракын.
16 Маи 2018
129
Аҧсны аҵареи аҭҵаарадырреи рминистрра атəыла Ахада иахь иҟарҵаз аҳəара инақəыршəаны, урҭ раахəаразы аҧара рзоужьын Аҧсны Ахада ифонд аҟынтə.
Загрузка плеера
Алаҳәарақәеи адныҳәаларақәеи
АГТРК