Ашықәс ҿыц аламҭалаз агәыҳалалратә фонд «Ашана» згәабзиара уашәшәыроу 20 ҩык ахәыҷқәа аҳамҭақәа рырҭеит.

27.12.2016
846

Ашықәс ҿыц аламҭалаз Агәыҳалалратә фонд «Ашана» згәабзеира уашәшәыроу ҩажәа ҩык ахәыҷқәа аҳамҭақәа рырҭеит. Аҟәа ақалақь аҿы инхо афонд хылаҧшра зырҭо хәҩык Аҵаа Бабаду ргәазыҳәарақәа наигӡеит. Ари ахҭыс   ахҭыс иалахәын ҳҭыхратә гәыҧгьы.

Николь Џьынџьал фышықәса лхыҵуеит. Лара агьежьқәа зҵоу ашьаҵатәы дықәымгылацт, аха еснагь илҭахын урҭ лымазарц. Ашықәс ҿыц ассирқәа ианраамҭоу, ахәыҷқәа ргәазыҳәарақәа наӡоит.

Ашықәс ҿыц мышқәак шагыз Николь сасцәаны илҭааит Аҵаа Бабадуи Асҭыҧҳаи, ҳәарада аҳамҭақәа рыманы. Агьежьқәа зҵоу ашьаҵатәы уажәшьҭа илымоуп иаанхаз урҭ рықәныҟәашьа аҵара ауп.
Николь Џьынџьал  ҩышықәса анылхыҵ инаркны лрыҧҳақәа уашәшәырахеит, уи аныҧшит лгәабзиара   зегьы. Ҧшьышықәса ҵуеит Николь  агәыҳалалратә фонд “Ашана” иабзоураны  Израильтәи ахәышәтәырҭаҿы лгәабзиара  еиҭашьақәлыргылоижьҭеи.  Шықәсык ахь ҩынтә лара уахь дцалароуп.

Зныктәи аҽыхәшәтәра аашәнызқь мааҭ инарзынаҧшуа иаҭахуп. Урҭ  аҧарақәа лзеизызго ҳтәыла ауааҧсыра шәоуп. Ари ашықәс иалагӡаны  имҩаҧган хыҧхьаӡара рацәала акциақәа згәабзиара уашәшәыроу ахәыҷқәа ацхыраара рыҭаразы. Иааидкылан еизгоуп ф-миллионк инарзынаҧшуа аҧара, ҩажәи хҩык ахәыҷқәа рыхәшәтәразы. Урҭ рахьынтә аашәнызқь мааҭ инацны абонентцәа иаарышьҭыз ауп. Аҭел аҟнытә иаашәыцҳауаз   ҩажәа мааҭ ахәыҷқәа ргәабзиара аиҭашьақәыргылара  иазкуп.

Агәыҳалалратә фонд “Ашана” ацхыраара азҭо рацәаҩуп, иҟоуп хаҭа-хаҭала, иҟоуп ахеилакқәеи еиуеиҧшым афондқәа. Ус еиҧш Жларбжьаратәи афонд Аҧсны ахахьы иагеит Ереван ақалақь аҿы ахәыҷқәа гәыҧҩык рыхәшәтәра. Ашықәс иалагӡаны имҩаҧган имаҷымкәа аконцертқәеи алотореиақәеи, урҭ рахьынтә ирҳаз аҧарақәа еиҭашьҭын ахәыҷ чымазцәа  рахь. Есышықәса “Ашана” имҩаҧнагоит Ашықәса ҿыц иадҳәалоу акциагьы. Шықәсык иалагӡаны ацхыраара зауз ахәыҷқәа ргәазыҳәарақәа наӡоит.

Ашықәс ҿыцтәи аҳамҭақәа роуран иҟоуп ҩажәа ҩык ахәыҷқәа, афонд «Ашана» хылаҧшра зырҭо. Урҭ ргәаҳәарақәа, рыгәҭакқәа рынагӡара алыршахеит ателехәаҧшцәа шәара шәыцхыраарала. Ҳазегь ҳааидгылар ,   иҳалшоит ахәыҷқәа ргәабзеира аиҕьтәра, рхәыҷра арлашара.

Альбиан Жьиҧҳа, Ельдар Дамиров ,АТ    

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
22 Маи 2018
70
Астудиа «Ама Рекордс» амузыкантцәа ҿыц аус рыдырулеит ижәытәӡатәиу аҧсуа жәлар рашәақәа.
22 Маи 2018
71
Уи авторс дамоуп, апрофессор, ажурналист, афилологиатә наукақәа рдоктор Екатерина Бебиаҧҳа.
22 Маи 2018
52
Ашкол анапхгара ауадақәа руак аҿы еиҿыркааит Кьыршьал Чачхалиа ифотоцәыргақәҵа.
22 Маи 2018
61
Урҭ аҕба маҷқәеи анышьқәеи зырныҟәо азин рымоу ирымаму еилыркаауеит.
21 Маи 2018
19
Аҭыжьымҭаҿы:Аибашьра аасҭа еицәахаз. Аҧсны иазгәарҭоит Кавказтәи аибашьра иалаӡыз ргәаларшәара амш.
21 Маи 2018
11
Иҟаҵатәузеи ақалақь ахьчаразы? Иактуалтәу анҵамҭа.
Загрузка плеера
Алаҳәарақәеи адныҳәаларақәеи
АГТРК