Аҧсны Ахада Рауль Ҳаџьымба гәыҧҩык ҳтәылауаа рнапаҿы ириҭеит аҳәынҭқарратә ҳамҭақәа.

28.12.2016
722

Аҧсны ауаажәларратә усуреи,  акультуреи, аҟазареи, аспорти русхк аҿы рлагалазы  гәыҧҩык ҳтәылауаа иранашьаз аҳәынҭқарратә ҳамҭақәа рнапаҟны идиркит Аҧсны Ахада Рауль Ҳаџьымба.

Ашықәс анҵәамҭаз, аихшьаалақәа ианраамҭоу аҳәынҭқарра Ахада имҩаҧигоит зегь реиҳа ихадоу агәырҕьаратә уснагӡатә.  Ҳтәыла аҿиараҿы иаадырҧшыз аихьӡарақәа рзы иранаршьоит иреиҳаӡоу Аҳәынҭқарратә ҳамҭа Ахьӡ-аҧша аорден. Аҳәынҭқарра ахада Рауль Ҳаџьымба еизаз зегьы ирыдиныҳәалеит ҳазҭало Ашықәс ҿыц, иҳәеит ҳтәылаҿы ишыҟоу аихьӡарақәа, урҭ зыбзоуроугьы ааҧсарак ҟамҵакәа зус аҿы аихьӡарақәа аазырҧшуа ауааҧсыра шракәу.

Аҳәынҭқарратә ҳамҭақәа ранашьоуп аҿар рааӡареи, акультуреи аҟазареи, ауаажәларратә усуреи рҿы злагала дуу. Раҧхьа аҳәынҭқарратә ҳамҭа ианаршьеит аҿар рааӡараҿы злагала дуу Шьурбеи Константин-иҧа Аџьба.
Аҳәынҭқарратә ҳамҭа Ахьӡ-аҧша аорден ахҧатәи аҩаӡара ланашьоуп амузыкатә ҟазараҿы, Аҧсны акультураҿы злагала дууз Аида Ашьхаруа. Зҽаҧсазтәыз акультура аусзуҩы сынтәа лыҧсҭазаара далҵит, аҳамҭа лнапаҟны илыркын уи лыҧҳа.

Амилаҭтә литератураҿы иааирҧшыз алшамҭақәа рзы  Ахьӡ аҧша аорден аҩбатәи аҩаӡара ианашьоуп Витали Амаршьан.

Аофициалтә усмҩаҧгатә ашьҭахь, аҳәынҭқарра Ахада Рауль Ҳаџьымба аҳамҭақәа занашьоу ҽааныбзиала ҳәа раҳәо, ҳазҭало Ашықәс ҿыц рыдиныҳәалеит.

Альбина Жьиҧҳа, Роберт Ломиа,АТ.  


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
22 Маи 2018
68
Астудиа «Ама Рекордс» амузыкантцәа ҿыц аус рыдырулеит ижәытәӡатәиу аҧсуа жәлар рашәақәа.
22 Маи 2018
69
Уи авторс дамоуп, апрофессор, ажурналист, афилологиатә наукақәа рдоктор Екатерина Бебиаҧҳа.
22 Маи 2018
52
Ашкол анапхгара ауадақәа руак аҿы еиҿыркааит Кьыршьал Чачхалиа ифотоцәыргақәҵа.
22 Маи 2018
61
Урҭ аҕба маҷқәеи анышьқәеи зырныҟәо азин рымоу ирымаму еилыркаауеит.
21 Маи 2018
19
Аҭыжьымҭаҿы:Аибашьра аасҭа еицәахаз. Аҧсны иазгәарҭоит Кавказтәи аибашьра иалаӡыз ргәаларшәара амш.
21 Маи 2018
11
Иҟаҵатәузеи ақалақь ахьчаразы? Иактуалтәу анҵамҭа.
Загрузка плеера
Алаҳәарақәеи адныҳәаларақәеи
АГТРК