80 шықəса ҵит Нестор Лакоба дҭадырхеижьҭеи.

28.12.2016
1014

80 шықəса ҵит Аҧсны иналукааша ауаажәларратәи, асоветтәи, аҳәынҭқарратәи усзуҩы Нестор Лакоба Қарҭ дҭадырхеижьҭеи.

Аҟәатәи ибаҟа амҵан ашәҭқәа шьҭаҵаны, Нестор Аполлон- иҧа Лакоба дыргаладыршәеит аҳәынҭқарра анапхгара, ауаажәларра, ашколхәыҷқәа. Иара убас Гәдоуҭа игылоу Нестор Лакоба ибаҟа амҵан ашәҭқәа шьҭарҵеит араион ауаажәларра, имҩаҧыргеит амитинг. Нестор Аполлон-иҧа Лакоба – Аҧсны аҭоурых аҿы иналукааша ҳәынҭқарратә усзуҩын. Аҧсуа большевикцәа раҧхьагылаҩ, март, зқьи жәшәи ҩажәи акы шықәса рзы ақырҭуа меншивикцәа анықәырца , Аҧсны асовет мчра анышьақәгыла нахыс, усҟан ҩажәи жәба шықәса зхыҵуаз , Нестор Лакоба ажәлар драҧхьагылаҩны дыҧхьаӡан.

Нестор Лакоба иҭахын Аҧсны Қырҭтәыла алгара, уи дазықәҧон. Сталини иареи ирыбжьаз аизыҟазаашьа бзиақәа рзы аамҭаказы идгалан Москва аусура далагарц, аха мап ацәикит. Шықәсык ашьҭахь Тифлис апартиатә еизарахь даныҟаз асасааирҭаҿы идунеи иҧсахит.

Аҳәынҭқарратә усзуҩы анышә дамардеит Аҟәа Аботаникатә баҳчаҿы. Нестор Лакоба дыршьижьҭеи ҧшьынҩажәа шықәса аҵра инамаданы, иахьа ибаҟа ахьгылоу аҭыҧахь иааит Аҧсны Ахада Рауль Ҳаџьымба, уи ихаҭыҧуаҩ Витали Габниа, аҭоурыхҭҵааҩцәа, ауаажәларратә усзуҩцәа , ашколхәыҷқәа. 

Рауль Ҳаџьымба иҳәеит, Аҧсны аҳәынҭқарра ашьақәгылараҿы Нестор Лакоба илагала шырацәоу, уи ихьӡ еимырдалароуп абиҧарақәа. Нестор Лакоба ихьӡ зху амузеи аҧҵара шаҭаху атәы рҳәон аҳәынҭқарратә усзуҩы, иҭоурыхи иҧсҭазаареи ҭызҵаауа ҳзыҿцәажәоз аҵарауаа.

 Альбина Жьиҧҳа, Беслан Чхьынџьериа ,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
5
Илахҿыху ақәыргыламҭақәа, акәашареи ашәаҳәареи, иара убас ҭагалан аныҳәа иазкны аҧсуа чысқәа - узыршанхаша рацәан.
5
Атуристтә форум раҧхьаӡа акәны иалахәуп Шьамтәылантәи аделегациа.
11
Аҭыжьымҭаҿы: Акурорттә сезон  аихшьаалақәа рзы. Аҧсны  Ахада  дидикылеит акурортқәеи атуризми рзы    аминистр.
21
Борис  Гәыргәылиа ишәҟәы ахҧатәи атоми , иара иҷкәын изку  ашҟәы  «Абзагәи ».
16
Ҟрымтәи асасцәа рныҟәара хацдыркит  Аҟәатәи  ахшаалыҵ зауад ала.  
Алаҳәарақәеи адныҳәаларақәеи
АГТРК