Анҵамҭа ҷыда.Аҧсны аҳәынҭқарратә символқәа рзыҟазаашьа.

23.01.2017
689

Уажәы  ишәыдаагало  анҵамҭа  азкуп  Аҧсны аҳәынҭқарратә символқәа рызныҟәашьа. Иара убас ҳкорреспондентцәа еилыркааит  Аҟәа  ақалақь ахадара  иатәу амазара, џьоукы-џьоук ҭакҧхықәрада ишазныҟәо атәы.

Жәохә шықәса зхыҵуа Грач Саруханиан ари авидео иутуб иҭаиҵеит ҩнызқьи жәаф шықәса анҵәамҭазы. Аамҭа кьаҿк иалагӡаны иара хышәҩык иреиҳаны иахәаҧшит, иҟалеит изгәамҧхазгьы. Азныказы ухахьы имааиргьы ауеит авидео иакәым аҵоуп ҳәа. Ашкол иҭоу аҷкәын ашәа иҳәоит, зеилкаара уадаҩу ажәеиҿартәышьала дцәажәоит. Аха, иара ишьҭахь иҟоуп, уажәы-уажә дхьаҧшны дызхәаҧшуа аҧсуа бираҟ. Асоциалтә ҳа феисбук  аҿы ари авидео ацәажәарақәа рацәаны иахылҿиааит. Уи акагьы амам ҳәа зыҧхьаӡаз ҟалазаргьы, аиҳараҩык агәынамӡара ҕәҕәа рызцәырнагеит, иагьырҳәеит Аҧсны абираҟ аҳаҭыр ларҟәуп ҳәа шырыҧхьаӡо. Грач Саруханиан ивидео аӡбахә неит иара дахьынхо Гагра  ақалақь ахадара аҟынӡагьы. Аизарагьы  мҩаҧган иара  аҵара ахьыиҵо  Гагратәи ахҧатәи ашкол аҿы. Аибашьра аветеранцәа, араион ахадара ақәыӡбеит ари аҩыза ахҭыс. Убри аан, Аҧсны инхо аерманцәа рхеилак ахаҭарнакцәа иазгәарҭеит, авидео анцәырҵ анаҩс иаразнак  ҳтәылаҿы аус зуа аермантә школқәа реиҳабацәа ишырҧылаз,  имҩаҧгаз аилатәарақәа рҿы  ишрылацәажәаз  ари аҩыза ахҭысқәа раҧырҟәҟәааразы иҟаҵатәу. Акраамҭатәи аилацәажәара анаҩс,  еизаз рҿаҧхьа дықәгылеит Грач иаб-Ашот Саруханиан. Иара иҳәеит, иҧа аҧсуа жәлар ҿаҧхьа аҭамзаара шьҭаиҵар ахәҭоуп ҳәа шиҧхьаӡо. Ус иагьыҟаҵан. Иаарласны ицәырҵит авидео  ҿыц, уаҟа Грач Саруханиан дшьамхнышгыланы аҭамзаара даҳәоит.

Даҽазныкгьы иазгәаҭатәуп,  абираҟ, агерб, агимн - Аҧсны   аҳәынҭқарра иасимвол хадақәаны ишыҟоу. Урҭ ишакәым рызныҟәара ахьырхәра шақәу. Абираҟи, агерби рнаҩсгьы, ахархәараҿы иҟоуп ҳтәыла ахсаала асахьа зну аҭаҭынцыблыха аныҧсаларҭақәа. «Уи  Аҧсны аҳаҭыр ланарҟәуеит, аҭиира аанкылатәуп» абас аҵарыҩуеит “феисбук” ахархәаҩцәа ари афотосахьа. Иҳәатәуп, аҵыхәтәантәи жәашықәса рыҩныҵҟа лассы-лассы иаҳҧыло ишалагаз аҳәынҭқарратә мазара аҧхасҭатәра зхы иаҭәазшьо ауаа. Аҧсны ақалақьқәа зегьы рҿеиҧш ари азҵаара ҵарны иқәгылоуп Аҟәагьы. Аҳҭықалақь ахада Адгәыр Ҳаразиа иажәақәа рыла, ҵыҧхтәи ашықәс аҩныҵҟа шәи ҧшьынҩажәа иреиҳаны апаркқәа рҿы игылаз асқамқәа рӡеит. Ҧсыхәа аныҟамла, иӡыз рцымхәра иаархәаз аҿыцқәа ашьых иаркны еиҭагашьа рымамкәа иҟарҵеит.

Адгәыр Ҳаразиа иажәақәа рыла, асқамқәа ахьырӡо анаҩсгьы, урҭ ҧырҽуеит. Иҧхасҭатәу атәарҭақәа убоит Амҳаџьыраа рыҧшаҳәаҿгьы. Аҧхасҭа аҭоуп акаҳуажәырҭа «Пингвин» аҿы игылаз аскульптурагьы. Апингвин иакыз ашәҟәы ампыҵаржәеит. Аҟәа ақалақь ахадара аҿаҧхьа иҟоу апарк акәзар, уаҟа агәамҭаҧсарҭақәа еимыхуп, ахәыҷқәа рыхәмарырҭа ҭыҧ акәзар, аҧхасҭа лассы-лассы иарҭоит. Аха, зегь реиҳа уцәа уҭазырӡыӡо акәны иҟоуп Аҧсны ахьчаҩцәа рыҧсыбаҩқәа анышә иахьамадоу “Ахьӡ-аҧша” абаҳча  аҵакы иааннамкыло, уаҟа иакәым ҟазҵо, изыҩуа рыхдырреи, рыгәаҕьреи. Еимырхит, аибашьҩы, апоет Саида Делҧҳа лгәаларшәара амырӡра ҵакыс измаз ахаҳәгьы. Ирҧшӡаны иҟаҵаз атәарҭа иамаз амхны иргеит, ари ашәҟәы иагәылаз акалам акәзар, ахаҳә иагәылархит. Уи ашьҭра уажәыгьы амармалташь ианымҵӡац.

Ҳәарада, арҭ афактқәа угәы удырхьуеит. Избан акәзар, еилкаауп, арҭ ахҭысқәа  џьоукы рзы ус баша хәмарраны ишыҟоу. Урҭ хықәкыс ирымоу  аҧырхага  аҟаҵара ауп. Аха, иҟалап уразҵаар изыхдырҟьаз рзымҳәаргьы. Издыруада, асеиҧш зхы мҩаҧызго аҿар анапы рыгзар, аҭаацәа рҟынтә агәцаракра рымамзар. Адгәыр Ҳаразиа иажәақәа рыла, ашколқәа рҿы аидеологиатә ааӡара алагалара хымҧадатәуп. Аҿар ирзеиҭаҳәалатәуп иҧшьоу аҭыҧқәа ишрызныҟәалатәу. Издыруада усҟан аҭагылазаашьа аҽаҧсахыр.
Аҟәа ақалақь ахада иҳәоит, аҧхасҭа ҟазҵо аӡәгьы дшырзаанымкылац, избан акәзар авидеохылаҧшыгақәа ықәгылаӡам. Аҵх зҽалакны ацәгьа ҟазҵо иҧшаара  мариаӡам.  Иқәгылоит азҵаара,  ас ианбанӡа, нас иҟаҵатәузеи аҭагылазаашьа аиҕьтәразы, ҳәа ? Ҳәарада, араҟа аҳәынҭқарра аҵакы хадоуп. Аха,   аҳәынҭқарра мацара иазыӡбоума  ари азҵаара. Иҟалап ҳақалақьи, иааҳакәыршаны иҟоу ҳаҧсабара ҧшӡеи рахь ҳара иҳамоу азыҟазаашьа аҧсахра ахәҭазар. Издыруада усҟан ҳара иҟаҳҵо анырра ала аӡәы идымхаргьы идунеихәаҧшышьа аҽеиҭанакыр, убри алагьы маҷк иадымхаргьы ҳаизыҟазаашьақәа еиҳа иразхар.

Елана Лашъриа, Ельдар Дамиров, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
22 Маи 2018
8
Астудиа «Ама Рекордс» амузыкантцәа ҿыц аус рыдырулеит ижәытәӡатәиу аҧсуа жәлар рашәақәа.
22 Маи 2018
4
Уи авторс дамоуп, апрофессор, ажурналист, афилологиатә наукақәа рдоктор Екатерина Бебиаҧҳа.
22 Маи 2018
6
Ашкол анапхгара ауадақәа руак аҿы еиҿыркааит Кьыршьал Чачхалиа ифотоцәыргақәҵа.
22 Маи 2018
3
Урҭ аҕба маҷқәеи анышьқәеи зырныҟәо азин рымоу ирымаму еилыркаауеит.
21 Маи 2018
5
Аҭыжьымҭаҿы:Аибашьра аасҭа еицәахаз. Аҧсны иазгәарҭоит Кавказтәи аибашьра иалаӡыз ргәаларшәара амш.
21 Маи 2018
3
Иҟаҵатәузеи ақалақь ахьчаразы? Иактуалтәу анҵамҭа.
Загрузка плеера
Алаҳәарақәеи адныҳәаларақәеи
АГТРК