Аҧсны ахәҳаахәҭра-ааглыхратә палата имҩаҧнагеит есышықәса иҭрыжьуа Аҧсны аусдкылаҩцәа рсиа зну акаталог аӡыргара

23.01.2017
759

Аҧсны ахәҳаахәҭра-ааглыхратә палата имҩаҧнагеит есышықәса иҭрыжьуа Аҧсны аусдкылаҩцәа рсиа зну акаталог аӡыргара. Уи адагьы иалкаахеит иреиҕьу  асахьаҭыхҩи    Аҧсны аалыҵқәа рцәыргақәҵеи.
Аҧсны ахәҳаахәҭра-ааглыхратә палата еснагь еиуеиҧшым ауснагӡатәқәа еиҿнакаауеит Аҧсны еиуеиҧшым хырхарҭала аусдкылара аҿиаразы. Убас,  иахьагьы имҩаҧган  хкырацәала анаплакқәа злахәыз ауснагӡатә. Ахәҳаахәҭра –ааглыхратә палата ахаҭарнакцәа излазгәарҭаз ала, есышықәса иҭыҵуа ари акаталог сынтәа   ҷыдала  ақыҭанхамҩа иазкуп.  

Сынтәа акаталог ианылаз аусдкылаҩцәа рхыҧхьаӡара зқьи хәышә-ҩык  рҿынӡа инаӡоит.  Ари арыцхә  ҵыҧх еиҳа акырӡа  еиҳауп. Акаталог ианылеит Аҧсны ақыҭанхамҩа  арҿиаразы иаҧшьгоу апроект ҿыцқәеи , ауаа еицырдыруа анаплакқәеи.Ахәылҧаз иалагӡаны еиҳа Аҧсны ақыҭанхамҩа аҿиараҟны зҽалызкааз аусдкылаҩцәа иранашьан аҳаҭыртә бҕьыцқәа.

Араҟа иӡырган Аҧсны ақыҭанхамҩа знапы алаку русумҭақәеи рнаплыхқәеи. Афирма «Ахҿарах» аҧызҵаз Татиана Арџьениа ари ацәыргақәҵа хынтәуп лҽалалырхуеижьҭеи. Уи иӡырылго аалыҵ зегь лҭаацәеи лареи напыла иаадрыхыз  ауп.

Иара убас ари аусмҩаҧгатә иаҭааз зегьы ирыҭан аномерқәа зныз абилетқәа. Урҭ инарықәыршәаны, еиҳа изықәҿиаз аиааит аҳамҭа бзиақәа, акҿаҩраҿы зыда ҧсыхәа ыҟам амаҭәахәқәа уҳәа уб. егь. Аҭааҩцәа ирыман алшара араҟа иӡыргаз Аҧсны асахьаҭыхыҩцәа русумҭақәа еиҳа иалыркааз разгәаҭара. Аусмҩаҧгатә анҵәамҭаз иалкаан еиҳа ирацәаны абжьқәа еизызгаз. Уи асахьаҭыхыҩ Лаша Габелиа иакәхеит, уи ианашьан аҧаратә ҳамҭа .

Н.Ақаҩба, М. Братухин, АТ.  



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
5
Аҭыжьымҭаҿы:Ахырхарҭақәа жәпакы рҟны аусеицуразы еиқәышаҳаҭхеит. Аҧсныи Ҟрыми реиҳабырабжьаратә комиссиақәа актәи реилатәара.
12
Иара Аҧсны амилаҭтә олимпиатә еилакы аҿы  адныҳәаларақәа идикылон
15
Убри инамаданы имҩаҧган афонд ахаҭарнакцәа злахәыз апресс-конференциа.
24
Апроект авторс дамоуп ашәаҳәаҩ, акомпозитор, Хьыбла Мықәҧҳа.
Алаҳәарақәеи адныҳәаларақәеи
АГТРК