Аџьынџьтәылатә еибашьра ду аан Аҧснытәи ашьхақәа рҟны иҭахаз ҧыҭҩык рыҧсыбаҩқәа ҧшаауп Санчаратәи ахыҵырҭаҿы.

02.02.2017
783

Аџьынџьтәылатә еибашьра ду аан Аҧснытәи ашьхақәа рҟны иҭахаз ҧыҭҩык рыҧсыбаҩқәа ҧшаауп Санчаратәи ахыҵырҭаҿы. Дара анышә рамадара аус аиҿкааразы аилацәажәара мҩаҧигеит Аҧсны Ахада Рауль Ҳаџьымба .

Хынҩажәи жәиҧшь шықәса раахыс Санчаратәи ахыҵырҭа ахрақәа ирҿаҧсаз аибашьцәа рыҧсыбаҩқәа рыҧшааит аҧсуа институт аҭҵаарадырратә усзуҩы Николаи Медвенскии, «Ишьхатәылоу Аҧсны» апроект аиҳабы Ҭенгиз Ҭарбеи напхгара зырҭоз агәыҧқәа . Анаҩс атәыла анапхгара рыхьӡала ашәҟәы рышьҭит аҧсыбаҩқәа Ҧсҳәы илбааганы анышә рамадара аус аиҿкааразы. Аҧсны Ахада Рауль Ҳаџьымба иҳәеит, зыҧсыбаҩқәа ҧшаау, хынҩажәи жәиҧшь шықәса раҧхьа Асовет Еидгыла шырыхьчоз ишҭахаз. Ҳара ишахәҭоу дара рыҧсыбаҩқәа ҳаҭырла анышә рамадара. Аибашьцәа рыҧсыбаҩқәа рыҧшаара иалахәыз ирҳәеит, Урыстәылатәи арратә архивқәа рҟны ишышьақәыргылоу излаз архәҭақәа . Иазгәарҭеит, дара раҧхьа џьоукы халаны зинда аҧшаарақәа шеиҿыркаахьаз изныкымкəа. Убри иахҟьаны абџьари аџьаҧҳани егьырҭ амаҭәарқәеи ҳәа акгьы ыҟам.

Абаҩқәа анышә иамардаанӡа изтәу рхаҭарақәа рышьақәргыларазы аҭҵаарақәа мҩаҧгазар ауеит, - ҳәа ажәалагала ҟаҵан. Аха аилацәажәара иалахәыз зегьы уи иақәшаҳаҭымхеит. Атәыла Ахада иҳәеит, уи аамҭа рацәа аҭаххар шыҟало. Убасгьы иуадаҩхар ауеит хынҩажәи жәиҧшь шықәса раҧхьа иҭахаз рыуацәа рыҧшара. Аҵыхәтәаны иӡбан излацәажәаз азҵаара аӡбаразы Аҧсны Ахада Иусбарҭа аиҳабы Даур Аршба ихантәаҩрала иаҧҵазарц аусутә гәыҧ. Уи иалахәуп атәылахьчареи, аҭагылазаашьа ҷыдақәеи рминистррақәеи, ашәарҭадара амаҵзуреи рхаҭарнакцәа. Дара аҧхынра ааиаанӡа ирыӡбароуп аибашьцәа рыҧсыбаҩқәа анышәа иахьамадахо аҭыҧ . Уи Ҧсҳәы ақыҭа акәхоит. 

 Д.Инаҧшьба, А. Агәхаа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
25
30 шықәса рыҩныҵҟа Платон Бебиа ироман аҧҵаразы аматериалқәа еизигон,хәышықәса аҩра даҿын.
31
Убри инамаданы, Аҧсны Ашәҟәыҩҩцәа реидгыла еиҿнакааит ашәҟәыҩҩы игәаларшәара иазкыз ахәылҧаз.
44
Аҭыжьымҭаҿы:Ианҭаха ашьҭахь 143 медаль «Аиааиразы». Аҧсны Ахада аҳамҭақәа рнапаҿы ириҭеит иҭахаз афырхацәа рҭаацәа.
47
Ари ацәыргакәҵа еизнагеит жәлар рҟазара знапы алаку аҧышәа змоу рыдагьы, иахьа уажәраанӡа зхы ӡырзымгац, аха зус бзиабарала иазнеиуа аҿар.
Алаҳәарақәеи адныҳәаларақәеи
АГТРК