Аҧснытəи аҳəынҭқарратə унивирситет ахыбраҟны аиҭашьақəыргыларатə усурақəа хыркəшахоит ҧхынынӡа.

02.02.2017
555

Акыр шықәса иззыҧшыз ахҭыс ҟалеит - Аҧснытәи аҳәынҭқарратә университет ахыбраҿы. Ҧхынынӡа ихырқәшахоит  аиҭашьақәыргыларатә усурақәа зегьы. Уажәы аргылаҩцәа аҩналарҭа хада аремонт иаҿуп, уи инаваргыланы еиҭашьақәдыргылоит азеиҧштә нхарҭа ахыбрақәа руакгьы. Иҟаҵатәу макьана даара ирацәоуп, аха акапиталтә ргыларатә усбарҭа аусзуҩцәа ҩ-гәыҧкны рыҽшаны аус руеит. Иааиҧмырҟьаӡакәа имҩаҧысуа аремонт ахыркәшара азгәаҭоуп маи мзазы.  

Шәышықәса иреиҳаны изхыҵуа Аҧснытәи аҳәынҭқарратә университет ахыбра иахҭнагахьоу рацәоуп. Еиуеиҧшым аамҭақәа рзы араҟа иҟан адгьыл қәаарыхратә  ҵараиурҭа, анаҩс  Горки ихьӡ зху Аҟәатәи апедогогикатә  институт, зқьи жәшәи ханҩажәи зеижә шықәса рзы еиҿкаан Аҧснытәи аҳәынҭқарратә университет. Аха, иара асеиҧш мҽахкыҭбаалатәи аиҭашьақәыргыларатә усурақәа зныкгьы иахнамгацт. Акыр шықәса рыҩныҵҟа зремонт амҩаҧгара иаҿу ахыбра ахаҿра шаҧсахыз, иҿыцу, иҧшӡоу, агьама бзиа зныҧшуа ацәа шаҟәнылаз умбар залшом.  Ҩнызқьи быжь-шықәса рзы Аҧсны асоциал-економикатә ҿиаразы акомплекстә план аҳәаақәа ирҭагӡаны ихацыркын арҭ аусурақәа. Уи аахыижьҭеи ицаз аамҭа аҩныҵҟа еиҵахарақәак ыҟазаргьы, аусурақәа уи рнымҧшӡеит. Аргылаҩцәа еиҧҟьарада, ҩ-гәыҧкны рыҽшаны аус руеит. Ҳазҭалаз ашықәс ҿыц азы дара ахыбра аҧхьатәи аҩналарҭа иалагеит.

Аҩналараҭа хадаҿы аремонт цонаҵы, астудентцәа рзы ашә аркуп. Ҳәарада, уи ауадаҩрақәа цәырнагоит, ахыбра иахыкәшаны ацхыраагӡатә ҩналараҭқәа рыла аҵараиурҭа иҩналоит. Араҟа иҧсаху даара ирацәоуп. Аргылаҩцәа инарҷыданы апроект аус адырулон ауниверситет анапхгарагьы. Ҳасаб рызун еиҳа иманшәалоу, еиҕьу, иҧшӡоу  ахырхарҭақәа. Убас иӡбан аҩналарҭа хада аҭӡқәа саркьала рыҟаҵара, избан акәзар ауниверситет ахыбра иаакәыршаны ҧшӡарроуп, ирацәоуп ашәаҧыџьаҧ, ибзианы иубоит амшын.  Ари аҧшӡара уажәшьҭа иҵәахӡам. Аҧсахрақәа злагалаз ахыбра ахәҭақәа иреиуоуп уаанӡа аректори уи ихаҭыҧуааҩи ахьтәаз. Араҟа ауадақәа еидҵаны уажәшьҭа  аконференциақәа рымҩаҧагаразы азал ҭбаа ҟаҵоуп. Аусурақәа хырқәшоуп астудентцәа рыкрыфарҭаҿгьы.  Аихагылақәа рыбжьара ишьақәыргылахоит уаанӡа иҟамыз алифт, иазҧхьагәаҭоуп зылшарақәа ҧку рзы ахаларҭақәа. Ишьқәыргылоуп ахатә фымцеихшарҭа маҷ, авидеохылаҧшыгақәа, амцаҽацәыхьчагақәа. Аха, иҟоуп уадаҩрак. Аусурақәа зегьы хыркәшаны иаразнак ахыбрахь аиасразы ауадақәа арҵаратә процесс аҿы ихымҧадатәу амаҭәахәқәа рыҩнаргылатәуп.

Акомплекстә  план ала аҳәынҭқарратә  университет аиҭашьақәыргылара ианалагоз асметатә шәҟәы аҿы џьаргьы иарбаӡамызт абҩарҵәыра аҽазыҟаҵарҭатә зал. Уи ус иаанхеит, иҟаҵаӡамкәан. Анзор Кортуа иажәақәа рыла, уи аҭыӡқәа аҷҷарсҭа ҕәҕәақәа рымоуп, иара ахархәаразгьы ишәарҭоуп. Аиҭшьақәыргылара акәымкәа, наҟ зынӡа иқәганы аҿыц ргылатәуп. Аҧснытәи ҳәынҭқарратә университет анапхгара зегь реиҳа изеигәырҕьо, иагьызхыҽхәо акәны иҟоуп абиблиотека. Аргылаҩцәа уажәшьҭа русурақәа ахьыхдырқәшахьо ахыбраҿы  иаҧҵоуп ҳаамҭа иақәшәо алшарақәа зегьы.

Акыр зҵазкуа даҽа хҭыскны иҟоуп ауниверситет иаҵанакуа азеиҧштә нхаҭақәа руак аремонт азура. Аҧснытәи аҳәынҭқарратә иреиҳау аҵараиурҭа ахатәраҿы иҟоуп азеиҧштә нхарҭатә хыбрақәа ҧшьба. Урҭ рахьтә хҧа гылоуп ауниверситет иазааигәаны, руак Аҟәа агәаны. Ари ахыбраҿы иазҧхьагәаҭоуп ҩышәҩык рҭыҧ. Аха, уи даара имаҷуп. Аҵараиурҭа аҿы иахьатәи аамҭазы аҵара рҵоит х-нызықьҩык иреиҳаны астудентцәа. Урҭ рыбжаҩык  араионқәа рҟынтәи иаауа роуп.

Аҳәынҭқарратә университет аусзуҩцәа ирҳәоит, имҩаҧысуа аусурақәа зегьы ҭагалан азы иазгəарҭараны иҟоу, ауниверситет ҧшьынҩажәи хәба шықәса ахыҵра иазку аныҳәа  аҟынӡа ишхырқәшахо. Усҟан арахь иаараны иҟоуп ааҧхьара зырҭо  аҳәаанырцәтәи иреиҳау аҵараиурҭақәа рҟынтәи асасцәа. Уи аныҳәатә усмҩаҧгатә мҩаҧысраны иҟоуп мҽхакы ҭбаала.

Елана Лашәриа, Саид Агәхаа, АТ.







Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
23 Ноиабр 2017
92
22 Ноиабр 2017
5
22 Ноиабр 2017
7
Ҿҳәарас иамазаауеит жәа-шықәса .
22 Ноиабр 2017
10
Абри атәы рҳәеит Аҧсны Амшынеиқәафымцамч иаҵанакуа афымцаҭиира аҟәша ахаҭаранакцәа.
21 Ноиабр 2017
148
Аҭыжьымҭаҿы:Афестиваль « КУНАКИ»   аусура  хнаркəшеит, аха  агран – при  занаршьаша   аусумҭа  ҳәа  акагьы  рзалымхит.
Загрузка плеера
Алаҳәарақәеи адныҳәаларақәеи
АГТРК