Ашәқәа аанартит Аҧсны Асахьаҭыхыҩцәа Реидгыла ацәыргақәҵатә зал хада.

03.02.2017
917

Бжьымз рышьҭахь, ҩаҧхьа ашәқәа аанартит Аҧсны Асахьаҭыхыҩцәа Реидгыла ацәыргақәҵатә зал хада. Уи азалқәа рыҩбагьы рҟны ихыркəшан акапиталтә ремонттә усурақәа. Иара убас , уаҟа ицәыргақәҵан асахьаҭыхыҩцәа реидгыла, ҩнызқьи жәаф шықәса рзы иреиҕьу аусумҭа алкааразы имҩаҧнагоз аицлабра зҽалазырхәыз раҧҵамҭақәагьы. Ацәыргақәҵатә зал аартра далахәын Аҳәынҭқарра ахада Рауль Ҳаџьымба. Иалкаан аҧхьахәтә ҭыҧқәа аанызкылаз х-ҩык асахьаҭыхыҩцәа, урҭ иранашьоуп аҧаратә ҳамҭа.

Ацәыргақәҵатә зал макьана адашьма злашәу алак афҩы ахымҵӡац, араҟа аиҭашьақәыргыларатә усурақәа хдырқәшеижьҭеи зынӡа аамҭа маҷны иҵуеит. Араҟа еилагӡоуп ҩ-хҭыск. Актәи азкуп аремонттә усурақәа рнаҩс асахьаҭыхыҩцәа реидгыла ацәыргақәҵатә зал хада ахыбра аофицалла аартра. Ҳәарада ари ҳтәыла акультуратә ҧсҭазаараҿы акыр зҵазкуа хҭысны иҟоуп. Аҩбатәи ахҭыс азкын, ҩнызқьи жәаф шықәсазы иреиҕьу аусумҭа алкааразы асахьаҭыхыҩцәа ирылаҳәаз аконкурс аихшьаалақәа рыҟаҵара. Иара зхы алазырхәыз рхыҧхьаӡара даара ирацәаҩуп. Аусумҭақәа зегьы нагӡан ҩаӡара ҳаракыла, акомиссиа иалаз ирцәыуадаҩын еиҕьу еицәоу ҳәа азҵаара ақәыргылара. Дара зегьы нагӡан ҟазара ҳаракыла. Руслан Чхамалиа аконкурс далахәын. Иара иусумҭа «Амҳаџьыраа рашәа» аҧсуа цәа аҟәнуп, акомпозициатә еиҿартәышьа даара аинтерес аҵоуп. Автор иакәзар иҳәоит, уи жәашықәса инарзынаҧшуа аџьабаа шадибалоз. Аҧсны анапхгара, адепутатцәа, ауаажәларра, астудентцәа ацәыргақәҵатә зал ахь имҩахыҵыз даара ирацәаҩын. 

Аҧсны Ахада Рауль Ҳаџьымба дрыхәаҧшит аусумҭақәа, изеиҭаҳәан аремонт шымҩаҧысуаз атәы. Атәыла ахада дааҭгылеит ажьирҭа “Аинар” аҟынтәи ицәыргақәҵаз аҧсуа ҳәызбақәа рыстенд аҿаҧхьа. Ацәыргақәҵатә зал аартраҿы иқәгылаз Аҧсны Ахада Рауль Ҳаџьымба даҽазныкгьы иазгәеиҭеит асеиҧш аҵакы ҵаула змоу аҭоурыхтә-культуратә хыбрақәа реиҭашьақәгыргылара анаҩсгьы ишацҵахо. Акультуреи аҭоурх-культуратә ҭынхақәа рыхьчареи рминистр Ельвира Арсалыиа иазгәалҭеит, уажәшьҭа алшарақәа шыҟоу арҭ азал ҭбааҭыцәқәа рҿы ацәыргақәҵақәа реиҿкааразы, ааҧхьара шрырҭало аҳәаанырцәтәи асахьаҭыхыҩцәагьы. Лымкаала дазааҭгылеит ҩнызқьи жәибжь шықәса рзы зымҩаҧгара азгәаҭоу Александр Шервашиӡе-Чачба ииубилеи иазку иусумҭақәа рӡыргара. Анаҩс рыӡбахә ҳәан акомиссиа аӡбамҭала иҳаҩсыз ашықәс аҩныҵҟа иреиҕьу ҳәа иалкааз аусумҭақәа равторцәа. Актәи, аҩбатәи, ахҧатәи аҭыҧқәа ааныркылеит Ҭемыр Ӡиӡариа, Виссарион Ҵәыџь, Владимир Воуба. Ҭемыр Ӡиӡариа ҳтәылаҿы еицырдыруа сахьаҭыхҩуп, джьиуп. Иара иусумҭақәа реиуоуп аконкурс иалахәыз еиларсу, еиҿыбаау-аџыр, абҩа, абаҩи асахҭани ирылху аҧсуа ҳәызбақәа рколлекциа. Иара иоуп актәи аҭыҧ аанызкылазгьы. Аҧсуа сахьаҭыхыҩцәа рцәыргақәҵа аҭаара зҭаху аҟазара ҳаракы абзиабаҩцәа зегьы рзы макьана иаартызаауеит.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
25
Аҭыжьымҭаҿы:Ианҭаха ашьҭахь 143 медаль «Аиааиразы». Аҧсны Ахада аҳамҭақәа рнапаҿы ириҭеит иҭахаз афырхацәа рҭаацәа.
28
Ари ацәыргакәҵа еизнагеит жәлар рҟазара знапы алаку аҧышәа змоу рыдагьы, иахьа уажәраанӡа зхы ӡырзымгац, аха зус бзиабарала иазнеиуа аҿар.
18
Арҭ ашықәсқәа рыҩныҵҟа, ишҧаҿиоз аекономика аминистрра , иарбан проектқәоу зеиҿкаара алыршахаз? 
26
Ҧхынҷқәын мза 13,1988 ш.рзы Аҧсуа ҳәынҭқаррратә филармониҿы имҩаҧысит «Аидгылара» раҧхьаӡатәи аҧҵаратә еизара ду.
13
Аҧсны Ахада аҳамҭақәа рнапаҿы ириҭеит иҭахаз афырхацәа рҭаацәа.
Алаҳәарақәеи адныҳәаларақәеи
АГТРК