Пицунда иҟоу иарку ауҭраҭых ааӡарҭаҿы изызҳауаз апомидорқәа рышьаҭақәа зегьы ҧхасҭахеит.

03.02.2017
597

Пицунда иҟоу иарку ауҭраҭых ааӡарҭаҿы изызҳауаз апомидорқәа рышьаҭақәа зегьы ҧхасҭахеит. Афымцалашара амчхара азымхара иахҟьаны, ахыбра аҩныҵҟа  ауҭраҭых аӡын аамҭазы иҿиартә еиҧш аҭагылазаашьа зыҟамлеит. Ааӡарҭа аусзуҩцәа иҩаз зегьы ықәганы, ҿыц аусура нап адыркит.
Пицундатәи  ауҭраҭых ааӡараҭаҿы иҟоу аҭагылазаашьа еилыркаауан ҳкорреспондентцәа.

Икылабаау апомидорқәа, иҩоу ашьапқәа,  абри ауп иаанхаз ҳтәылаҿы зегьы иреиҳау Пицундатәи ауҭраҭых ааӡарҭа аҟынтә шықәс дуӡӡак аус здырулоз аҽаҩра аҟынтә.  Шәи хынҩажәи жәаф нызқь шьаҭа апомидор ахьҭа азымычҳакәа иҧсит. Ноиабр мза инаркны ҳтәылаҿы ахьшәашәарақәа  шааҟалаз ауҭраҭых аҧхасҭахара иалагеит. Уи зыхҟьазгьы ааӡарҭа аҩныҵҟа иахәҭаз аҧхарра ахьыҟамыз ауп. Ҽынла аҳауа аҧхарра ҩажәи ҧшьба градус аҟынӡа аҭахызҭгьы, аусзуҩцәа ражәақәа рыла, жәа градуск еиҳаны арҧхара рылымшеит. Аҵиаа иаҵарҭәоз аӡгьы жәаҩа градус рҟынӡа иҧхазар акәын, аха уигьы залмыршахеит. Иҳәатәуп, ахыбра аҩныҵҟа аҳауа аҧхарра афымцалашара ишадҳәалоу, аӡын аамҭаз  уи амчхара анмаҷха, апомидор адацқәеи амахәҭақәеи аамҭакала аҧхасҭахара иалагеит.   Иарку ауҭраҭых ааӡарҭа аусзуҩцәа рҽазыршәеит абылтәы ала ахыбра аҩныҵҟа иахәҭоу аҧхарра аҟаҵара, аха уи азы сааҭк  аҩныҵҟа хәышә литра инареиҳаны абылтәы аҭахын. Уи аҩыза алшарақәа ыҟамызт.  

Аҧсны аҳәынҭқарреи аусдкылаҩцәеи еицырзеиҧшу Пицунда иҟоу ауҭраҭых ааӡарҭа хә-гектарк инарзынаҧшуа адгьыл аҵанакуеит. Иара аусура хацнаркит ҵыҧх уажәааны. Араҟа ирааӡон еиуеиҧшым апомидор жәлақәа, иахьатәи аамҭа иақәшәо атехнологиақәа рыла. Ауҭраҭых ирласны еизҳарцаз, аҽаҩра беиахарц, ааӡарҭа аҩныҵҟа иахәҭоу аҳауа аҧхарра ыҟазароуп. Усҟан шьапык аҟны хынҩажәа кьыла инарзынаҧшуа апомидор ҿалар алшоит. Ҳәарада, иарку ауҭраҭых ааӡарҭа аусзуҩцәа, русура анхацдаркуаз ирдыруан ахьшәашәара аҵиаа ишазеицәоу, «аха аҳәынҭқарра анапхгара ҳақәдыргәыҕыит, афымцалашара амчхаразы ауадаҩра шыҟамло, – ҳәа азгәеиҭеит ааӡарҭа агроном хада Озгиур Челик. Афирма аӡынра ахашәала бзиа аиуран ианыҟаз аамҭазы, аҽаҩра зегьы ҧхасҭахеит, – иҳәеит иара.

Быжьшәы- аашә тонна апомидор кажьтәхеит, иара уи адагьы, аҽаҩра аҟамзаара иахҟьаны, абжаҩык араҟа аус зуаз русура аанрыжьыр акәхеит.   Ауҭраҭых ааӡарҭа анапхгара  ас еиҧш арыцҳара еиҭақәымшәарцаз, Ҭырқәтәылантәи иаахәан иааргеит афымцалашара амчхара еиҳазтәуа еиуеиҧшым амыругақәа, атрансформаторқәа. Иаарласны урҭ шьақәыргылахоит, ҿыц аусура нап аркразы.  

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15 Февраль 2018
185
14 Февраль 2018
181
14 Февраль 2018
159
Ари аҽны арҧыси аҧҳәызбеи еимырдоит рыбзиабара зырҵабыргуа аҳамҭақәа.
14 Февраль 2018
136
Аспектакль « Хә-хәылҧазык » афестиваль аҳамҭа ҷыда иаҧсахеит.
14 Февраль 2018
203
Сынтәа - атәанчаҩцәа ҩынтәны ашәҟәы рыҽҭаргалароуп - ашықәс алагамҭеи уи анҵәамҭеи рзы.
14 Февраль 2018
153
Иара уи ишазыхиоу, насгьы иаланхо ауааҧсыра рҿаҧхьа усӡбатәқәас иқәгылоу ртәы еилыркаауан ҳкорреспондентцәа.
13 Февраль 2018
118
Загрузка плеера
Алаҳәарақәеи адныҳәаларақәеи
АГТРК