Гəылрыҧшь араион ахада Аслан Бараҭелиа ипресс-конференциа.

03.02.2017
581

Ҩ- нызқьи жәаф шықәса рзы Гәылрыҧшь араион ахадара рҿаҧхьа иқәгылаз адҵақәа нарыгӡеит шәи ҧшьба процент инарыцны. Сынтәагьы иазгәаҭан ирымоу ауснагӡатәқәа маҷым. Абарҭ азҵаарақәа дрылацәажәеит араион ахада Аслан Бараҭелиа ажурналистцәа рзы имҩаҧигаз апресс- конференциаҿы. 

Гәылрыҧшь хадаратәла қыҭанхамҩатә раионуп. Иҳаҩсыз ашықыәс анҵәамҭазы иҟаз аҵаа иахҟьаны ацитрустә шәырқәа имаҷымкәа аҧхасҭа рнаҭеит, иҳәеит Аслан Бараҭелиа. Иара иажәақәа рыла, аҧхасҭа иартәоит аа- миллион мааҭ рыхә. Араион ахада иазгәеиҭеит, раҧхьаӡа акәны иҳаҩсыз ашықәс азы абиуџьет аҟнытә ауалафахәы зауа ишрызшәаз ажәахатәи ауалафахәы. Аха, абжьаратә школқәа ҧшьба рҟынӡа урҭ аҧарақәа мнеиӡац, араион аҵара аусбарҭа аҳасабеилыргарҭа аҟнытә аҧара ахьырҕьычыз иахҟьаны. Уи ҟазҵаз даанкылоуп. Аха аусӡбара ҟалаанӡа аҧарақәа аҩныҵҟатәи аусқәа рминистрраҿы иҵәахызар ауп, иҳәеит Аслан Бараҭелиа. Иара убасгьы иазгәеиҭеит, араион иарҳаз аҧарала агəам зго атехника ҷыдақәа ҩба шаархәаз. Араион ауааҧсыра акыр идыргәамҵуеит амшцәгьақәа раан ихыҵуа акәарақәа. Дара рӡыршьҭра арыцқьара иақәыдхарџьит ф- миллион мааҭ рҟынӡа. Сынтәагьы ари аус иацҵахоит. 

Араион аҿы аус ауеит аспорттә комплекс. Аха ахыбра ауадақәа ирықәыз аҕәқәа ҭаҧҽит. Уи аиҭашьақәргылара ихахьы игеит аспонсор. Уи аспонсор иоуп аспорттә комплекс аҟны аус зуа ауалафахәы рзызшәогьы. Аибашьра ҟалаанӡа араион амшын ахықә аҟны аус руан асҧшьарҭа ҩнқәа жәеиза. Иахьа иарбанзаалак акгьы аҧсшьаҩцәеи атуристцәеи рыдкылара иазхиаӡам. Убри аан, Аслан Бараҭелиа иажәақәа рыла, сынтәа аҧсшьарҭа ҩнқәа руак ахархәарахь ирыҭахоит аҧхынра алагамҭазы.

 Д.Инаҧшьба, А. Агәхаа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21 Ииун 2018
53
Аҭыжьымҭаҿы:Избан амшын аҭалара зрыцҳарахаз?. Актулара злоу анҵамҭа.
21 Ииун 2018
31
Аҟәа иазгәарҭеит  Урыстәыла  Абжьаҟазаратә Мчқәа ҳтәыла  ралагалара амш.  
20 Ииун 2018
95
Аҭыжьымҭаҿы:Аиубилеитә рыцхәқәа рымҩаҧгара аҽазыҟаҵара иазкны Аҧсны Ахада аилацәажәара мҩаҧигеит.
20 Ииун 2018
86
Убри азы аӡбамҭа идикылеит Аҧсны аҵареи аҭҵаарадырреи рминистр Адгәыр Какоба.
Загрузка плеера
Алаҳәарақәеи адныҳәаларақәеи
АГТРК