Иҵит шықәсык аусдкылаҩцәа рассоциациа еиҿкаауижьҭеи.

06.02.2017
625

Аҧсны аусдкылаҩцәа рассоциациа еиҿкаауижьҭеи иҵит шықәсык. Уи иазкны имҩаҧгаз аконференциа аусура далахәын аекономика аминистр Адгәыр Арӡынба. 

Шықәсык иалагӡаны анаплакыҩцәа рассоциациа иалшаз иалымшаз, сынтәа рҿаҧхьа уснагӡатәқәас иҟоу ирызкын аконференциа аусура. Ари аамҭа иалагӡан агәыҳалалратә усқәа изныкымкəа еиҿыркаахьан . Аибашьра аветеранцәеи, аспортсменцәеи иара убас ахәыҷқәеи изныкымкəа ацхыраара рзыҟарҵахьан изныкымкəа. Ассоциациа ахаҭарнакцәа иазгәарҭеит, Аҧсны аекономика аминистрреи дареи аусеицура бзиа шрыбжьоу атәы. Дара еицеиқәдыршәеит аусдкылаҩцәа русура ҳәаақәазҵоу азакуанқәа хҧа рпроектқәа.

Аҧсны аекономика аминистр Адгәыр Арӡынба иҳәеит, ассоциациа аиҿкаара аҳәынҭқарразы ихадоу аусқәа руак акəны дшахәаҧшуа. Аминистрраҿы иаҧҵоу аекспертцәа ргәыҧ дшалоу аусдкылаҩцәа рассоциациа ахаҭарнак. Адгәыр Арӡынба иажәақәа рыла, ареспубликаҿы ашәҟәы иҭагалоуп аа-нызқьҩык аусдкылаҩцәа. Дара рахьтә быжь-нызқьҩык хаз- хаҭалатәи усдкылаҩцәоуп, зқьи ҧшьышәҩык аиуристтә хаҿқәа рымоуп.

Аминистр иҳәеит, ҳаҧхьаҟагьы аиҳабыра изларылшо ала, аусдкылаҩцәа русура ацхыраара шазыҟарҵо. Аҳәынҭқарраҿы аҩныҵҟатәи аполитика ҭышәынтәаланы иҟаларц азы имаҷҩымзароуп абжьаратә акласс иаҵанакуа ауааҧсыра , лҳәеит ауаажәларратә палата амаӡаныҟәгаҩ Наҭела Акаба. Ҳтәылаҿы ауаажәларра еихшоуп абеиацәеи, аҕарцәеи рыла. Убригь аполитикатә ҭышәынтәалара иацхраауам , ҳәа азгәалҭеит Наҭела Акаба. Аконференциа аҟны убасгьы ирылацәажәеит аусдкылаҩцәа русура еиҕьызтәуа ҳәа ирыҧхьаӡо азҵаарақәа.

 Д.Инаҧшьба, Б. Џьынџьал, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
25 Маи 2018
35
Аҭыжьымҭаҿы: Аҧсны аҳәынҭқарратә шәарҭадаратә маҵзура иатәу Аҵак ҷыда змоу ацентр 20 шықәса ахыҵит.
25 Маи 2018
31
Иахьазы араҟа абааш арбгара иаҿуп анаҩс абетон ҭарҭәаны иара аконструкциа ҭаргылахоит.
25 Маи 2018
29
86 шықәса дшырҭагылаз иҧсҭазаара далҵит апоет, апрозаик Мушьни Миқаиа.
25 Маи 2018
29
Уи ауааҧсыра рхы иадырхәо афымцамчы ахаҭабзиара ашьҭыхра иазҳəоуп.
25 Маи 2018
31
Традициала ишаҧу еиҧш, атәыла ашколқәа зегь рҿы аныҳәатә цәаҳәақәгылара мҩаҧган.
Загрузка плеера
Алаҳәарақәеи адныҳәаларақәеи
АГТРК