Аҟәа араион Иашҭхәа ақыҭан аӡымҩангагақәа рышьҭаҵара хыркəшахоит.

06.02.2017
587

Аҟәа араион, Иашҭхәа ақыҭан аӡымҩангагақәа  рышьҭаҵаразы ицоз аусурақәа  хыркәшахоит февраль мза анҵәамҭаз.  Иаарласны ақыҭа ауааҧсыра рыҩнаҭақәа рахь аӡы неиуа иҟалоит. Аинвестициатә программа аҳәаақәа ирҭагӡаны ари апроект анагаӡаразы  иазоужьын ҩажәи ҩба миллион мааҭ.

Иашҭхәа  ақыҭан инхоит ҧшьышә ҭӡы инарзынаҧшуа. Аибашьра ашьҭахьтәи аамҭа инаркны иахьа уажәраанӡа  аҩнаҭақәа рахь аӡы неиуам, ари азҵаара ақыҭа ауааҧсыра зегь реиҳа изыргәамҵуаз акы акәны иҟан. Анхацәа аӡыржәтә  аӡыхьқәа рҟынтә иааргалар акәын, аҩнусқәа рзы ныхтәыс рхы иадырхәон еизыргоз ақәаӡы. Ақыҭа ауааҧсыра аиҳарак рхы зланыҟәырго, ирааӡо ауҭраҭых алоуп, аӡы аҟамзаара ауадаҩрақәа  ҳзаҧнаҵон, – иҳәоит араҟа ииз Ованес Топчиан. «Аха Анцәа иҳәозар, иаарласны аӡы ҳауеит,» – азгәаиҭоит иара. Ҵыҧх ииул мзазы ақыҭаҿы аӡымҩангагақәа рышьҭаҵаразы ихацыркыз аусурақәа рхыркәшарахь инеит.  Аа-километрак инарзынаҧшуа аӡымҩангагақәа шьҭаҵоуп, иаанхеит еиҭа ҧшьба, – иҳәоит аргыларатә усурақәа мҩаҧызго афирма аусзуҩы.

Аусзуҩцәа аӡымҩангагақәа рышьҭаҵара адагьы иржуеит аҵеиџьқәа, анаҩс уантәи анхацәа рыҩнаҭақәа рахь аӡы мҩахыргар рылшоит.

Аӡымҩангагақәа рышьҭаҵаразы аусурақәа хдыркәшаран иҟан иҳаҩсыз ашықәс сентиабр мазазы, аргылаҩцәа ирылымшеит ирзыҧҵәаз аамҭа аҽҭагӡара.

Ақыҭа ауааҧсыра аӡы роуеит Каман иҟоу аӡеизгарҭа аҟынтә, уи рҭахрақәа зегьы ханарҭәаартә еиҧш аҭагылазаашьа рымоуп, иазгәаҭатәуп аӡы амчхарагьы шыбзиоу, аҩнаҭақәа рахь уадаҩрада инеиртә алшара ҟалоит.

Альбина Жьиҧҳа. Беслан Џьынџьал ,Ат







Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Февраль 2018
55
Аҭыжьымҭаҿы:Аҟәатәи араионтә еизара адепутатцәа араион ахада икандидатура иадгылеит.
16 Февраль 2018
65
Аспециалистцәа ражәақәа рыла, апальма зфо абжы ҟаҧшь уажәнатә иаанкыламзар, егьырҭ аҭыҧқәа рахь ииасыр алшоит.
16 Февраль 2018
55
Даҽа шәахтәк иалацәажәан Аҧсны аусдкылаҩцәа рассоциациа ахаҭарнакцәеи Жәлар реизара адепутатцәеи, аекономика аминистрреи, абизнес уааи злахәыз астол гьежь аҟны.
15 Февраль 2018
204
14 Февраль 2018
195
Загрузка плеера
Алаҳәарақәеи адныҳәаларақәеи
АГТРК