Жәлар ракзаара афорум аҟынтәи алхрақәа рылахәхаразы иқәыргылоуп акандидатурақәа быжьба.

07.02.2017
493

Жәлар ракзаара афорум аҟынтәи  алхрақәа рылахәхаразы иқәыргылоуп акандидатурақәа быжьба. Абри атәы еилкаахеит имҩаҧысыз апартиа алахәылацәа реизараҿы. Иқәгылаз иазгәарҭеит, Афорум анапхгара акандидатцәа рхыҧхьаӡара еиҳамхарц  аӡбамҭа шрыдыркылаз. Уи инамаданы иалкаан еиҳа аҧышәа змоуи, Аҧсны иахәарц зылшоуи ҳәа иҧхьаӡаз. Жәлар ракзаара афорум аилатәараҿы ирзааҭгылан егьырҭ азҵаарақәагьы.

Жәлар ракзаара афорум аилатәараҿы иқәыргылаз зҵаара хадак акәын, уи март жәаҩа рзы имҩаҧысраны иҟоу  апарламенттә алхрақәа ари апартиа ахьӡала иалахәхо рсиа ашьақәырҕәҕәара. Апртиа ахантәаҩы Даур Аршба иҳәеит,  рыӡбахә шҳәоу быжьҩык.

Апартиа Жәлар Ракзаара Афорум аҟынәти рыӡбахә ҳәоуп  Валери Кәарҷиа, Апполон Гәыргәлиа, Таифун Арӡынба, Ҭемыр Гәлиа, Ахра Абыхәба, Илиа Гәниа. Валери Кәарҷиа дықәгылоуп Баслаҭа иаҵанакуа аҩажәихҧатәи алхырҭатә ҭыҧ хадаҿы. Апполон Гәыргәлыиа аҩажәи жәабатәи Кәтолтәи алхырҭатә ҭыҧ аҟны, Тҟәарчалтәи аҩажәи жәахатәи аҭыҧ хадаҿы дықәгылоуп Таифун Арӡынба, Илиа Гәниа - Дранда иаҵанакуа аҩажәифбатәи алхырҭатә ҭыҧ хадаҿы, Кан Кәарҷиа Тҟәарчалтәи аҩажәи жәиҧшьтәи алхырҭатә ҭыҧ хада ала, Ахра Абыхәба дықәгылоуп Алашарбагатәи аабатәи алхырҭатә ҭыҧ хадаҿы, Гагратәи ажәаҩатәи аҭыҧ аҿы икандидатура ықәгылоуп Ҭемыр Гәлиа. Жәлар Раказаара афорум ахантәаҩы ихаҭыҧуаҩ Аслан Барцыц иҳәеит, арҭ алхрақәа рҵакы хаданы ишиҧхьаӡо. Ааҧхьарагьы ҟаиҵеит, азакуан аиламгаразы. Иазгәеиҭеит ,акандидатцәа зегьы  алхрақәа рзы иарбоу аҧҟарақәа ирықәныҟәар шакәу.
Анаҩс иаарту абжьаҭарала ишьақәырҕәҕәан  акандидатцәа рсиа. Иара убасгьы аизара иалахәыз, апартиа ахьӡала зкандидатурақәа ықәыргылоу еицҿакны  ирықәшаҳаҭхеит. Анаюс ииасын ақәгыларақәа рахь. Ирзааҭгылан аҩныҵҟатәи, адәныҟатәи аполитикатә ҭагылазаашьа, уи инаҷыданы аекономикатә хырхарҭа аҿиашьагьы. Жәлар Ракзаара афорум ахантәаҩы ихаҭыҧуаҩ Аслан Барцыц иқәгылараҿы  иҳәеит, Аҧсны анапхгара ирылшо зегьы шыҟарҵо аекономика ашьҭыхразы, Аҧсны иақәу адәныҟатәи ауалқәа ршәаразы, ақыҭанхамҩа аҿиара бзиа аҭаразы. Убри аан иҳәеит, ақыҭа азҵаара ҳаамҭазы иҵарны ишықәгылоу, уаҟа ишырацәоу иӡбатәқәоу.

Жәлар Ракзааара Афорум аизараҿы иқәгылаз ирҳәеит,  уанӡатәи Аҧсны ахада Александр Анқәаб апарламент ахь алхрақәа дахьрылахәхо аҩныҵҟа-политикатә ҭагылазаашьа анырра анаҭар ауеит ҳәа шырыҧхьаӡо. Аиҧылара хырқәшо, даҽазныкгьы инаҵшьны иҳәан, алхрақәа ҭакҧхықәрала ишрызнеитәу, ишыҟаҵатәу изызхәыцу, икапану аӡбамҭа.

Елана Башәриа, Беслан ЏЬынџьал, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Февраль 2018
57
Аҭыжьымҭаҿы:Аҟәатәи араионтә еизара адепутатцәа араион ахада икандидатура иадгылеит.
16 Февраль 2018
65
Аспециалистцәа ражәақәа рыла, апальма зфо абжы ҟаҧшь уажәнатә иаанкыламзар, егьырҭ аҭыҧқәа рахь ииасыр алшоит.
16 Февраль 2018
55
Даҽа шәахтәк иалацәажәан Аҧсны аусдкылаҩцәа рассоциациа ахаҭарнакцәеи Жәлар реизара адепутатцәеи, аекономика аминистрреи, абизнес уааи злахәыз астол гьежь аҟны.
15 Февраль 2018
204
14 Февраль 2018
195
Загрузка плеера
Алаҳәарақәеи адныҳәаларақәеи
АГТРК