Аполитикатә партиа «Амцахара» аизара мҩаҧнагеит.

07.02.2017
388

Аполитикатә партиа «Амцахара» аизара мҩаҧнагеит. Уаҟа   Аҧсны жәлар реизарахь акандидатцәа шьақәдырҕәҕәеит.  Урҭ  аа-ҩык ыҟоуп. Аизараҿы иазгәаҭан иара  убас  апартиа ахаҭарнакцәа рхатә гәаҧхарала алхырҭатә ҭыҧқәа ҩажәи жәаба рҿы  ишықәгылоу.

Аполитикатә партиа «Амцахара» аизара аҟны    иқәгылаз  зҵаара заҵәык  акәын – Жәлар реизарахь алхрақәа. Уи рхы аладырхәит  ҩышәи  ҩажәа-ҩык аделегатцәа, аоппозициа ахаҭарнакцәа, ауаажәларратә палатеи, ацентртә алхратә комиссиеи рхаҭарнакцәа. Аиҧылараҿы иҳәан, Жәлар реизарахь  апартиа « Амцахара»   аҟынтә  иқәыргылахо акандидатцәа рыхьыӡқәа.

Апартиа ахантәаҩы Алхас Кәыҵниа иқәгылара азкын декабртәи ахҭысқәа рылҵшәақәа. Иара иазгәеиҭеит, аоппозициеи атәыла ахадареи ирыбжьарҵаз аиқәшаҳаҭра ишаанамго дара рнапы злаку аус иацәхьаҵуеит ҳәа.  Алхас Кәыҵниа иҳәеит, иахьа ауааҧсыра аполтикатә ҧсҭазаара активла ишалахəу. Иара агәыҕра ааирҧшит, азакәанҧҵаратә усбарҭаҿы ишыҟало еиуеиҧшым аполитикатә мчрақәа рхаҭарнакцәа. Уи апарламент аусура шеиҕьнатәуа агәра ганы дыҟоуп Кәыҵниа. Убасгьы иара иҳәеит, дара иқәдыргылаз акандидатцәа рзы аҭакҧхықәра шрыду. Иазгәеиҭеит, апартиа апрограмма  шазкыу    атәыла аҿиаразы ашьаҿа хадақәа ралҧшаара. Уи шалыршахо азинтә нормақәа ирҭагӡаны.

Анаҩс ажәа рыман апартиа аҟынтәи Жәлар реизарахь акандидатцәа. Урҭ руаӡәык, уаанӡа афинансқәа рминистрс  иҟаз  Беслан Кәыбраа иҳәеит, Жәлар Реизарахь инеиуа акандидатцәа ибзианы еилыркаауазар шакәу дара рнапы иану аус ду иаҵанкуа.

Аоппозицатә мчрақәа рыблок ацхантәаҩы Аслан Бжьаниа иқәгылараҿгьы дырзааҭгылеит, декабр жәохә рзы иҟаз ахҭысқәа. Иара иазгәеиҭеит, уи шеизарамыз, ишмитингыз. Иҳәеит дара аҭыҧқәа ишрышьҭамыз, хықәкыс ирымаз Жәлар Реизарахь алхрақәа рзы аҽазыҟаҵара шакәыз. Урҭ азакуантә шьаҭа рыманы имҩаҧысырц, дара ирылшо зегь шыҟарҵаз еиуеиҧшым аусбарҭақәа рҿы аоппозициа ахаҭарнакцәа ҟалартә еиҧш.  Бжьаниа иҳәеит, апарламент алшара шырнаҭо атәылаҿы имҩаҧысуа ахҭысқәа анырра рыҭара.

Сима Аргәын, Саид Агәхаа, АТ.



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ианвар 2018
113
17 Ианвар 2018
109
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
97
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
98
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
87
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
108
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
136
Загрузка плеера
Алаҳәарақәеи адныҳәаларақәеи
АГТРК