Март мзазы имҩаҧысран иҟоу Аҧсны Жәлар реизарахь адепутатцәа ралхрақәа ирылацәажәон Ауаажәларратә палатаҿы.

07.02.2017
440

Март мзазы имҩаҧысран иҟоу Аҧсны Жәлар реизарахь адепутатцәа ралхрақәа ирылацәажәон Ауаажәларратә палатаҿы. Уахь ааҧхьара змаз  Ацентртә алхратә комиссиа ахантәаҩы Ҭамаз Гогиа Ауаажәларратә Палата алахәылацәа рызҵаарақәа рҭак ҟаиҵеит, еиҭеиҳәеит алхрақәа рымҩаҧгаразы  ицо аусура атәгьы.

Аҧсны Жәлар Реизарахь акандидатцәа ашәҟәы рҭагаларазы иахәҭоу ашәҟәқәа, алхыҩцәа рсиа, аҭыҧантәи акомиссиа алахәылацәа рызҵаара, алхрақәа рзы агитациа амҩаҧгара уҳәа Ауаажәларратә Палата алахәылацәа  ишьҭырхит азҵаарақәа жәпакы.  Ацентратә алхратә комиссиа ахантәаҩы иҳәеит, алхыҩцәа рсиа ашьақәыргыларазы аусурақәа шцо, аха убри аан алхрақәа рымш аҽны иназыцҵоу асиа ианҵахо шыҟало агәра ганы ҳаҟоуп, –азгәеиҭеит  Ҭамаз Гогиа.  Ацентратә алхратә комиссиахь инеиуа ашшыбҕьыцқәа зегьы ҳрыхәаҧшуеит, аха  аҭҵаара зҭаху  амчратә усбараҭақәа рахь инеиуеит,– иҳәеит ацентратә ахаратә комиссиа ахантәаҩы. Алхрақәа мҩаҧызго аҭыҧантәи акомиссиа алахәылацәа рызҵаара акәзар, дара зегьы зус здыруа ауаа роуп, – ҳәа азгәеиҭеит Ҭамаз Гогиа.

Адепутатрахь акандидатцәа зегьы  агитациа амҩаҧгаразы  ирзаҧҵахоит ирзеиҧшу аҧҟарақәа, ателехәаҧшраҿы еиҟараны аефиртә аамҭа рыҭахоит, – иҳәеит Ацентртә алхратә комиссиа аиҳабы.  Акандидатцәа агитациа мҩаҧыргоит рхатә харџьала,  доусы алхрақәа рзы фышә нызқь мааҭ еиҳаны аҧара аныхра азин рымам, убри аан аҳәынҭқарра аҟынтә финансла ацхыраара роуам , азгәаиҭеит иара  
Ауаажәларратә палата алахәылацәа азҵаауан зыҿҳәара цахьоу  атәылауаҩшәҟәқәа рыла алхрақәа рымҩаҧгара алыршахома ҳәа? Ҭамаз Гогиа иазгәеиҭеит, ус еиҧш иҟоу атәылауаҩшәҟәқәа рыҿҳәара ишацҵоу , дарбанызаалак илшоит алхрақәа ихы рылаирхәырц, убри аан иҳәеит алхрақәа рзы азакуан инақәыршәаны, уаанӡа   атәылауаҩшәҟәаҿы амҳәыр ықәдыргылозҭгьы, уажәы ус еиҧш шыҟарымҵо. Алхрақәа зхы рылазырхәыз ауаҩы инапы  адырга ҷыда арҭоит.  Иааидкылан Аҧсны Жәлар Реизарахь алхрақәа рымҩаҧгара  иазоужьуп жәохә миллион мааҭ аҧара, «агәра ганы ҳаҟоуп аҩбатәи атурқәа ҟалараны ишыҟоу”, – ҳәа азгәеиҭеит Ҭамаз Гогиа.

Ауаажәларратә палата алахәыла Едуард Квираиа ажәалагала ҟаиҵеит ,аҳәынҭқарратә бызшәа ззымдырӡакәа алахрақәа рхы рыладмырхәразы.

Ацентртә алхратә комиссиа ахантәаҩы иҳәеит, ари   агәаанагара дшақәшаҳаҭу, Аха азакәан аҿы ус еиҧш шазгәаҭам.

Ауаажәларратә Палата алахәылацәа ирҳәеит, акредиттә ҧарақәа зқәу акандидатцәа  алхрақәа рахь инашьҭымзарц, аха  уи аҩыза  залыршахом – иҳәеит Ҭамаз Гогиа.     Алхрақәа рахь анеира мап зыцәку ашьауҕатә ус иақәшәахьоу роуп, азгәеиҭеит уи.

Альбина Жьиҧҳа, Ельдар Дамиров,АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Февраль 2018
71
19 Февраль 2018
111
Аҭыжьымҭаҿы:Имҩаҧысит Жәлар реизара асессиа изаамҭанытәым аилатәара.
19 Февраль 2018
111
Иара еиҿкаан АҞәа иҟоу «Москва аҩни» араион ахадареи рымч ала.
19 Февраль 2018
142
Иазгәаҭаны ирымоуп х-километрак рҟынӡа амҩа аҟаҵара.
19 Февраль 2018
101
Ааҧынтәи асессиа актәи аилатәараҿы Аконституциатә усӡбарҭа ахәбатәи аӡбаҩыс далхын Алиса Бигәаа.
16 Февраль 2018
134
Аҭыжьымҭаҿы:Аҟәатәи араионтә еизара адепутатцәа араион ахада икандидатура иадгылеит.
16 Февраль 2018
137
Аспециалистцәа ражәақәа рыла, апальма зфо абжы ҟаҧшь уажәнатә иаанкыламзар, егьырҭ аҭыҧқәа рахь ииасыр алшоит.
Загрузка плеера
Алаҳәарақәеи адныҳәаларақәеи
АГТРК