2016 шықәсазтәи русура алҵшәақәа еихыршьаалеит Аҧсны ашәахтәқәеи, аизгақәеи рминистрра аколлегиа инарҭбааз аилатәара аҟны.

07.02.2017
549

2016 шықәсазтәи русура алҵшәақәа еихыршьаалеит Аҧсны ашәахтәқәеи, аизгақәеи рминистрра аколлегиа инарҭбааз аилатәара аҟны. 
 Иазгәарҭеит сынтәатәи ашықәс азы уснагӡатәқәас рҿаҧхьа ишьҭоугьы. Аҧсны аҳәынҭқарратә биуџьет ашьақәыргылареи, аизырҳареи рус аҟны иааннакыло аҭыҧ маҷӡам ашәахтәқәеи аизгақәеи рминистрра. Иҳаҩсыз ашықыәс азы ареспубликаҿы аҩныҵҟатәи аполитикатә еиҿагыларқәа аҭыҧ шрымазгьы, ашәахтәеизгаҩцәа рнапынҵақәа ишахәҭаз еиҧш инарыгӡон иҳәеит ашәахтәқәеи, аизгақәеи рминистр Даур Кәрмазиа. Иазгәеиҭеит, адҵақәа рынагӡараҿы ицәгьам алҵшәақәа рыла ишыхдыркәшаз ашықәс.

Александр Гәлиа хәҭа- хәҭала дырзааҭгылеит ақалақьтәи араионтәи инспекциақәа русура зеиҧшраз атәы. Иазгәаҭатәуп, Гал араион ашәахтә еизгаҩцәа рыдҵа шәи ҧшьба процент рыла ишынарыгӡаз. Ҩнызқьи жәаф шықәсазтәи рыдҵақәа рзынамыгӡеит Тҟәарчалаа. Аха уи иамоуп иобективтәу амзызқәа, шамахамзар аус руамызт анаплакқәа.

Аилацәажәараҿы убасгьы иҳәан, адгьыл азы ашәахтә аизгара аус аҟны аиҵахарақәа шыҟоу. Иҟоуп шықәсыла адгьыл азы ашәахтә зымшәо. Уахь иаҵанакуеит аиуристтә хаҿра змоу аусдкылаҩцәагьы. Убри аан иазгәаҭан, ашәахтә аизгара аизырҳаразы алшарақәа маҷымкәа ишыҟоу. Урҭ ахархәара шырзутәу ҳаҧхьаҟа. Аилацәажәараҿы аҳасабрбақәа ҟарҵеит аусбарҭақәа реиҳабацәеи, араионтә инспекциақәа рнапхгаҩцәеи. Аколлегиа аусура иалахәыз Аҧсны ахада иусбарҭа аиҳабы ихаҭыҧуаҩ Адгәыр Лышәбеи, Аҧыза- министр ихаҭыҧуаҩ Дмитрии Серикови азҵаарақәа маҷымкәа иқәдыргылон анапхгаҩцәа рганахь ала. Урҭ хықәкыс ирыман ҳаҧхьаҟа ашәахтәқәеи аизгақәеи рминистрра аусура аиҕьтәра. Дара ашәахтәқәеи аизгақәеи рминистрра иҳаҩсыз ашықәс азтәи русура ахәшьара арҭеит ицәгьам ҳәа. Аминистр Даур Кәрмазиа ашәахтәеизгаҩцәа ҳазну ашықәсазтәи русура аиҿкаашьазы адҵа ҿыцқәа ықәиргылеит. 

 Угәы иахәаратәы иҟоуп аминистрра анапхгареи, араионтә инспекциақәа реиҳабацәеи аҧсышәала ажәахәқәа ахьыҟарҵаз, аҧсышәала аколлегиа аилатәара ахьымҩаҧыргоз. Иара убригьы аџьшьара иаҧсоуп, аҧсуаа ҳхатәы бызшәа ҳазрыцҳаны аҟалара амҩа ҳанымларц азы.

Д.Инаҧшьба, А. Агәхаа , АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21 Ииун 2018
111
Аҭыжьымҭаҿы:Избан амшын аҭалара зрыцҳарахаз?. Актулара злоу анҵамҭа.
21 Ииун 2018
67
Аҟәа иазгәарҭеит  Урыстәыла  Абжьаҟазаратә Мчқәа ҳтәыла  ралагалара амш.  
20 Ииун 2018
113
Аҭыжьымҭаҿы:Аиубилеитә рыцхәқәа рымҩаҧгара аҽазыҟаҵара иазкны Аҧсны Ахада аилацәажәара мҩаҧигеит.
20 Ииун 2018
148
Убри азы аӡбамҭа идикылеит Аҧсны аҵареи аҭҵаарадырреи рминистр Адгәыр Какоба.
Загрузка плеера
Алаҳәарақәеи адныҳәаларақәеи
АГТРК