Урыстәыла Иреиҳаӡоу аҵараиурҭақәа ирҭало Аҧснытәи аушьҭымҭацәа зегьы хымҧада аҧсуа бызшәазы аҧышәарақәа ирхысроуп.

07.02.2017
449

Урыстәыла Иреиҳаӡоу аҵараиурҭақәа ирҭало Аҧснытәи   аушьҭымҭацәа  зегьы хымҧада    аҧсуа  бызшәазы  аҧышәарақәа ирхысроуп.    Убас  еиҧш   иҟаз  аҧышәара  мҩаҧган Аҟәатәи  аҧшьбатәи абжьаратә школ аҿы . Араҟа   еизеит егьырҭ ашколқәа рҟынтәгьы  хыҧхьаӡара рацәала аҵаҩцәа. Иубаратәы иҟан урҭ  раҧхьаҟа рыҧсҭазаара  зыҧсахша хҭыск ишазыҧшыз.

Иубаратәы иҟоуп сынтәа аҵаҩцәа рхыҧхьаӡара акыр ишеиҳау ҵыҧх аасҭа. Арзаҳалқәа алазҵахьоу ҩышә-ҩык ирхысхьеит. 2014 шықәсазы Аҧсны апарламент иаднакылаз ақәҵарала, дарбанЫзаалакгьы иреиҳау аҵараиурҭақәа ирҭало аҵаҩцәа  рзыҳәан аҳәынҭқарратә бызшәазы  аҧышәара рҭироуп, ҳәа азгәеиҭеит Аҧсны аҵареи аҵарадырреи  рминистр Адгәыр Какоба.

Аҧышәарақәа риҭира ианалаго маи мза  азоуп. Иахьа  аҧышəара изахымсуа аӡәыр дҟалозар, ашкол иалгаанӡа рдыррақәа аадырҧшыртә еиҧш аҭагылазаашьа раҳҭоит,- иҳәеит Адгәыр Какоба. Аха, зегь зыдҳәалоу Урыстәыла   иреиҳаӡоу аҵараиурҭақәа рҿы аамҭа ахьынӡарырҭоу ауп.

Аҧсуа  бызшәазы аҧышәара зҭираны иҟоу аҵаҩцәа ҩ-гәыҧкны иршеит, аҧсуеи аурыс сектори ҳәа. Аҧсуа сектор аҿы аҧышәара иахысуа  ртема зызкыЗ Миха Лакрба иновелла «Зинка» ауп. Алмас Шьалашьаа аҧсуа сектор аҿы аҧышәара дахысуеит. Иара Ҷлоунтә дааит.   Аҧышәара маҷк ашәара ацзаргьы, Алмас  ихымҩаҧгашьала иубаратәы иҟоуп  заҧхьаҟа ақәҿиарақәа ззыҧшу  уаҩны дшыҟало. Иҭахуп   жәларбжьаратәи  аизыҟазаашьақәа рзы афакультет дҭаларц.  Ари аҧышәара ибзиан дз ахысыр, иаҧхьаҟа даҽа ҩ-ҧышәарак изыҧшуп.

Иаагозар, аурыс сектор аҿы аҧышәара иахысуеит Никита Иаковенкои Анита Шенкаои.     Никита Драндатәи абжьаратә школ дҭоуп. Анита Ҭҟәарчалтәи. Лара лыгәҭакы Ростов азиндырратә факультет аҭалара  акәзар, Никита Краснодар афилологиатә факульет  алыихит.  

Аҵаҩцәа зегьы зныкала аҧышәара аҭира рылшаӡом, ауада  рацәак иахьыҭбаам азы. Убри аҟнытә,  актәи агәыҧ аҧышәара ҭины ианалгалак  ауп, аҩбатәи агәыҧ иалоу  рдыраақәа аарҧшра ианалаго

Н.Чхьынџьериа,   Беслан Џьынџьал,АТ



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Февраль 2018
72
Аҭыжьымҭаҿы:Аҟәатәи араионтә еизара адепутатцәа араион ахада икандидатура иадгылеит.
16 Февраль 2018
73
Аспециалистцәа ражәақәа рыла, апальма зфо абжы ҟаҧшь уажәнатә иаанкыламзар, егьырҭ аҭыҧқәа рахь ииасыр алшоит.
16 Февраль 2018
60
Даҽа шәахтәк иалацәажәан Аҧсны аусдкылаҩцәа рассоциациа ахаҭарнакцәеи Жәлар реизара адепутатцәеи, аекономика аминистрреи, абизнес уааи злахәыз астол гьежь аҟны.
15 Февраль 2018
204
14 Февраль 2018
195
Загрузка плеера
Алаҳәарақәеи адныҳәаларақәеи
АГТРК