Имҩаҧысит Аминистрцәа реилазаара изаамҭанытәиу аилатәара.

08.02.2017
428

Имҩаҧысит Аминистрцәа реилазаара изаамҭанытәиу аилатәара. Уаҟа ирыхәаҧшын акадртә зҵаарақәа, ҩнызқьи жәибыжь шықәса рзы аҵарадырра аҿиаразы хықәкылатәи апрограмма, уҳәа егьырҭ азҵаарақәагьы.

Аминистрцәа реилазаара аиалатәара хацыркын акадртә зҵаарақәа рыӡбарала. Убас, аҵареи аҵарадырреи рминистр ихаҭыҧуаас ишьақәырҕәҕан Медеиа Ченгьелиеи Дмитри Гәарамиеи. Адгəыр Какоба иазгәеиҭеит, Медеиа Ченгьелиеи Дмитри Гәарамиеи аҵара аминистрра аҿы ишҿыцуаам, рнапы злаку аус бзианы ишырдыруа , иҳәеит аҧхьаҟагьы русеицураҿы аихьӡарақәа аадырҧшып ҳәа агәыҕра шимоу . Агәабзиарахьчара аминистр актәи ихаҭыҧуаҩ Ҭамаз Ҵахнакьиа ареспубликатә хәышәтәырҭа ҳақьым хадас дахьиагахо инамаданы, имаҵура аҟынтә ихы иақәиҭтәразы аминистрцәа зегьы еицҿакны рыбжьы рҭиит. Агазеҭ «Аҧсны» аредактор хада Владимир Қапба ихатә гәаҧхарала имаҵура ааныжьразы ииҩыз арзаҳал инақәыршәаны, ихы дақәиҭтәуп. Уи иус имаидеит акыршықәсқәа ажурналистикаҿы аџьабаа збахьоу Енвер Ажьиба. Аҧыза –министр Беслан Барцыц Владимир Қапба иусура азы ҭабуп ҳәа иеиҳәеит.

Аминистрцәа Реилазаара аилатәараҿы, абызшәатә политиказы аилак ахантәаҩы ихаҭыҧуаҩс дшьақәдырҕәҕәеит Ҭамила Арышҧҳа. Аҧыза министр иҳәеит, абызшәа аҿиаразы ари аилак инанагӡо ароль шыҳараку атәы. Абызшәатә политиказы аилак ахантәаҩы ихаҭыҧуаҩ Тамила Аршба ҭабуп ахылҳәааит илзыҟаҵаз агәрагара, иазгәалҭеит абызшәа арҿиараҿы аиҳабыра рыцхыраара шырҭаххо. Аҧсны аҵареи аҵарадырреи рминистр Адгəыр Какоба дазааҭгылеит ҩнызқьи жәибыжь шықәса рзы аҵарадырра аҿиаразы хықәкылатәи апрограмма. Иҳәеит, уи ишаҵанакуа арҵагашәыҟәқәа реиҭаҭыжьра, арҵаҩцәа рзнааҭтә зыҟаҵара аизырҳара , ақыҭа рҵаҩы ацхыраара иҭара уҳәа азҵаарақәа жәпакы. Ари апроект аминистрцәа еицҿакны ирыдыркылеит .

Анаҩс Адәныҟатәи аусқәа рминистр ихаҭыҧуаҩ Кан Ҭаниа аминистрцәа ишьақәдырҕәҕәаразы ирыдигалеит Авиза аиура иадҳәалоу аҧҟарақәа. Аминистрцәа, зҭакҧхықәра ҳәаақәҵоу аилазаара «АРС» азин арҭеит Аҧсны аҩныҵҟатәи аусқәа рминистрразы абџьари аџьаҧҳани Аҧсныҟа аагаразы. Аҧыза аминистр ихаҭыҧуаҩ, Аҩныҵҟатәи аусқәа рминистр Аслан Кобахьиа иҳәеит, ирзаагахо абџьар акадырқәа разыҟаҵараҿы рхы ишадырхәо, иара убасгьы, аусура аганахь ала абџьар аныҟәгара зыхәҭаны иҟоу рхыҧхьаӡара шмаҷым. Аминистрцәа реилазаара аилатәараҿы ирзааҭгылан егьырҭ азҵаарақәагьы. 

Фатима Гьергьиаҧҳа, Алықьса Агәхаа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
23 Ноиабр 2017
92
22 Ноиабр 2017
7
22 Ноиабр 2017
11
Ҿҳәарас иамазаауеит жәа-шықәса .
22 Ноиабр 2017
12
Абри атәы рҳәеит Аҧсны Амшынеиқәафымцамч иаҵанакуа афымцаҭиира аҟәша ахаҭаранакцәа.
21 Ноиабр 2017
148
Аҭыжьымҭаҿы:Афестиваль « КУНАКИ»   аусура  хнаркəшеит, аха  агран – при  занаршьаша   аусумҭа  ҳәа  акагьы  рзалымхит.
Загрузка плеера
Алаҳәарақәеи адныҳәаларақәеи
АГТРК