Аполитикатә партиа "Аҧсны Жәлар рфронт" аҟынтә, апарламент адепутатрахь алхрақәа рылахәхаразы иқәыргылоуп акандидатурақәа хҧа.

08.02.2017
671

Ацентртә Алхратә комиссиаҿы иацҵоуп  Жәлар Реизара адепутатрахь акандидатцәа рықәыргыларазы аҧшьгаратә гәыҧқәеи аполитикатә партиақәеи ашәҟәы рҭагалара. Февраль ааба рзы ашәҟәы иҭагалоуп шәи ҩажәи жәохә аҧшьгаратә гәыҧи, аполитикатә партиақәа ҧшьбеи. Убри аан иазгәаҭатәуп, аҧшьгаратә гәыҧқәа ашәҟәы рҭагаларазы ҩымш заҵәык шынхаз. Убас, аполитикатә партиа Аҧсны Жәлар рфронт аҟынтә, апарламент адепутатрахь алхрақәа рылахәхаразы иқәыргылоуп акандидатурақәа хҧа. Абри атәы еилкаахеит апартиа алахәылацәа имҩаҧыргаз аизараҿы.

Хынҩажәи жәаҩык  аделегатцәа рҟынтә  Аҧсны Жәлар рыфронт аизара иалахәын апартиа алахәылацәа зегьы.  Аизараҿы иқәыргылаз азҵаарақәа ируакын Аҧсны апарламент ахь алхрақәа апартиа аҟнытә ирылахәхо акандидатцәа рсиа ашьақәырҕәҕәара. «Аҧсны Жәлар рфронт» амаӡаныҟәгаҩ  Далила Кәыҵниаҧҳа еизаз идлырдырит  апартиа аҟынтә зыӡбахә ҳәоу хҩык акандидатцәа –Илиа Шьаданиа, Беслан Камкьиа, Лаша Сақаниа.  Макьана иӡбамкәа иаанхоит урҭ ркандидатурақәа ахьықәдыргылоу алхырҭатә ҭыҧқәа.

Аҧсны Жәлар реизарахь алхрақәа рылахәхаразы апартиа аҟнытә зыӡбахә ҳәаз акандидатцәа рықәгылараҿы иазааҭгылеит дара ргәаанагарала Аҧсны  аекономика аҿиаразы иҟаҵатәу. Апартиа Аҧсны Жәлар рфронт  ацхантәаҩы Илиа Шьаданиа иазгәеиҭеит, алхрақәа ҭакҧхықәрала ишрызнеитәу, доусы ихазы алкаа ҟаиҵар шакәу, уи аӡәгьы анырра аимҭароуп, ҳәа азгәеиҭеит иара.  Апартиа ацхантәаҩы иҳәеит, ажәлар иалырхыз адепутатцәа ирымоу амчрақәа шырҧсыҽтәу, Жәлар реизарахь инеироуп зус бзиан издыруа ауаа.  Апартиа Аҧсны Жәлар рфронт ахантәаҩы Лаша Сақаниа иқәгыларҿы иҳәеит, раҧхьаӡа акәны апартиа аҟнытә аделегатцәа алхрақәа ишрылахәу, аха убри аамҭаз еилыркаауеит уи иацу  аҭакҧхықәра ду.

Альбина Жьиҧҳа, Беслан Џьынџьал, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
12 Ииуль 2018
76
Аҭыжьымҭаҿы:Цәыббра 30, Аиааира Ахьыҧшымреи ирымшхеит. Жәлар Реизара адепутатцәа реилатәара аҿынтә анҵамҭа
12 Ииуль 2018
111
Ҧхынгәы мза ҧшьба рзы излагаз адкылара хыркәшахоит ҳазҭоу амза жәиҧшь рзы.
12 Ииуль 2018
83
Уи инамаданы, Аҧсны иҟоу Урыстәыла ацҳаражәҳәарҭа иалнакаауеит шықәсы рацәала еицынхо аҧсуа ҭаацәарақәа.
12 Ииуль 2018
78
Анаҩс , урҭ аусурақәа рымҩаҧгаразы атәыла анапхгарагьы ацхыраара рырҭеит.
12 Ииуль 2018
88
Адепутатцәа еицҿакны ахақәиҭреи ахьыҧшымреи рзы азакуан апроект адгылара арҭеит.
11 Ииуль 2018
34
Анҵамҭаҿы:Имҩаҧысит Аҧсныи Урыстәылеи жәларбжьаратәи атранспорт еиҭанеиааиразы акомиссиа алахәылацәа реилатәара.
11 Ииуль 2018
48
Ари аиубилеитә рыцхә уи аусзуҩцәа ишазгәарҭо анҵамҭаҿы.
Загрузка плеера
Алаҳәарақәеи адныҳәаларақәеи
АГТРК