Тҟәарчалтәи актәи абжьаратә школ аҟны имҩаҧысит Аҧсны аҭоурых иазкны араион ашколхәыҷқәа рыбжьара аицлабра.

08.02.2017
516

Тҟәарчалтәи актәи абжьаратә школ аҟны имҩаҧысит Аҧсны аҭоурых иазкны  араион ашколхәыҷқәа рыбжьара аицлабра. Ақалақьи ақыҭақәеи рышқолқәа рҟынтә акомандақәа ааба аҧхьахә агаразы рҽазҵәылхны рдыррақәа аадырҧшуан.

Аҧсны аҭоурых ажәытәи аҿатәи аамҭақәа рзы,амҳаџьырра,уҳәа инеизакны аҧсуа жәлар рҭоурых иазкын имҩаҧгаз аицлабра. Уи иалахәын ақалақь школқәа ҧшьбеи, ақыҭа школқәа  ҧшьбеи. Ҟәараса Нарманиаҧҳа дызлахәыз Тҟәарчалтәи актәи абжьаратә школ акоманда иахьӡын   «Абиҧара». Зыӡбахә ҳамоу акоманда иҭрыжьыз аҭӡыгазеҭ иану афотосахьақәа улаҧш рыдхалон.

Ашколхәыҷқәа рыбжьара еиҿкааз аицлабра шьақәгылан аетапқәа ҧшьба рыла. Актәи аетап аҟны алахәылацәа ирыдын досу ркоманда ахьыӡ аӡыргара,иара убас  иҭрыжьыз аҭӡықьаад аҟны иадырбаз асахьақәа  символра ззыруа.

Аҩбатәи ахҧатәи аетапқәа рҟны акомандақәа иқәыргылаз азҵаарақәа рҭак ҟарҵон. Урҭ рызкын Аҧсны ажәытәи аҿатәи аамҭақәа, иара убас урҭ аамҭақәа рзы аҧсуа ҳәынҭқарра аҧхьагылаҩцәа. Иара убас азҿлымҳара аҭан азеижәтәи ашәышықәсаз аҧсуа милаҭ ирхыргаз амҳаџьырра. Уи  атема ала  Тҟәарчалтәи акоманда алахәылацәа Мушьни Лашәриа иҩымҭа «Сҭампылтәи аџьармыкьа» ацыҧҵәаха иалхны ақәыргыламҭа ҟарҵеит.

Мактина Габниаҧҳа Тҟәарчалтәи аҩбатәи абжьаратә школ аҟны аҭоурых амаҭәар длырҵоит. Лара илҳәеит, мызкы иалагӡан ахәыҷқәа рышҽазыҟарҵоз, ажәытә инаркны иахьа уажәраанӡатәи Аҧсны аҭоурых.
Ҳаҧхьаҟа ас еиҧш иҟоу аусмҩаҧгатәқәа ирыцҵахоит,уи аҭоурых мацара акәымкәа егьырҭ ахырхарҭақәагьы ирызкхоит, ҳәа азгәалҭеит Тҟәарчал араион аҵара аҟәша аиҳаба Манана Арышҧҳа.

Аиндаҭлара ахәыркәшамҭаз, уи иалахәыз аӡбаҩцәа иҭабуп ҳәа рарҳәеит аҵара ааӡара знапы алаку арҵаҩцәа, иара убас акомандақәа рлахәылацәа ирзеиҕьаршьеит аҧхьаҟа ақәҿиара бзиақәа.Аицлабраҿы иалкаан иреиҕьхаз акомандақәа: актәи аҭыҧ иаҧсахеит Тҟәарчалтәи актәи абжьаратә школ,аҩбатәи аҭыҧ- Тҟәарчалтәи аҩбатәи абжьаратә школ, ахҧатәи-Ҵарчатәи актәи ашкол.

А.Шьакаиа ,Ҭ.Гогохьиа, АТ



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
19 Ианвар 2018
107
Аҭыжьымҭаҿы:Анцәа аӡы иӡаахра.  Аҧсны ақьырсианцәа иазгәарҭеит аныҳәа хадақәа ируаку.
19 Ианвар 2018
259
“ Қьалашьбеи” иахәаҧшырц еизаз ауаа, аспектакль гәахәарыла ирыдыркылеит, рыгәгьы арҧшааит .
19 Ианвар 2018
289
Шәҩык автоинспекциа аусзуҩцәа злахәыз ареидқәа мҩаҧган мызкы иалагӡан, акциа алҵшәақәа ҳасаб рзуны агәаҭарақәа ирыцҵазарц азыӡбан.
19 Ианвар 2018
104
Уи мҩаҧигеит Аҧсны Аишахаҵаратә уахәама аиҳабы Аб Бассариан Аҧлиа
19 Ианвар 2018
100
Аиҳараҩык уахь инеиуеит Иҧшьоу Василиск иӡыхьцқьа аҟнытә аӡы ргарцаз.
18 Ианвар 2018
219
Загрузка плеера
Алаҳәарақәеи адныҳәаларақәеи
АГТРК