Амобилтә еимадара АҞӘАФОН, лассы-лассы еиҿнакаауеит абонентцәа ргәалаҟазаара шьҭызхша акциақәа.

08.02.2017
436

Раҧхьатәи ҳтәылаҿы амобилтә еимадара АҞӘАФОН, лассы-лассы еиҿнакаауеит абонентцәа ргәалаҟазаара шьҭызхша акциақәа. Ҳәарада, урҭ ирыцуп аҳамҭақәагьы. Убарҭ иреиуан Аҟәа ақалақь Аҟәафон аофис хадаҿы имҩаҧысуаз акциагьы.

Ашықәс ҿыцазтәи аҧсшьарамшқәа рзы аилахәыра АҞӘАФОН аҿы ирыӡбеит хәмаррак аҳасабала акциа мҩаҧыргарц.  Иара иахьӡуп «Ашықәс ҿыцазтәи аҳамҭа» ҳәа. Декабр 12 инаркны амза нҵәаанӡа имҩаҧысуаз акциа рхы аладырхәыр рылшон изҭахыз зегьы. Уи азы иаҭахын АҞӘАФОН амаҵзуратә ҭыҧқәа рахь инеины, асимкарта ҿыц аахәара. Анаҩс акциа иалахәыз алшара рыман аофисқәа рҟны иргылаз аурнақәа рҟынтә, хәызмоу аҳамҭақәа зцыз абилеҭқәа рҭыгара.

Аҳамҭақәа ҳҳәазар, иҳәатәуп урҭ рахь иаҵанакуагьы. Аҟәафон асувениртә аалыхқәа, зқьы МБ зҭоу аинтернет-пакет,  аифон абыжьбатәи, аифон абыжьбатәи плиус, аипад про, Apple watch асааҭқәа, афотоҭыхга, уҳәа  убас егьырҭгьы  ауаҩы дхызхша амаҭәарқәа.

Алахәылацәа рыбжьара аиааира згаз ралкаара  мҩаҧысуан Аҟәа ақалақь аофис хадаҿы. Аҳамҭақәа зшоз, Аҟәафон иаанаҧхьаз асасцәа ракәхеит. Амузыкант Алхас Марколиа Милада Багателиаҧҳа лнапаҿы илиҭеит дызиааиз аҳамҭа.  Лара лажәақәа рыла, ари акциа лхы алархәра машәырла ауп ишыҟалаз. Зынӡаскгьы дазыҧшӡамызт илықәҿиоит ҳәа.

Аиааира згаз дреиуоуп Ахра Сарсаниагьы. Иара акциа шымҩаҧысуаз атәы аниаҳа, дахьынхо Гәудоуҭа ақалақь Аҟәафон амаҵзуратә ҭыҧқәа руак аҿы днеины иӡбеит иразҟы ҧишәарц. Аиааира згаз рхыҧхьаӡараҿгьы дҟалеит.  Аҳамҭагьы инапаҿы ииҭеит арлахҿыхратә ныҳәақәа рымҩаҧгаҩ Алхас Манаргиа.

Ари аҩыза акциа амузыкатә ааҭгыларада имҩаҧымсит. Ашәа рҳәон ахәыҷтәы амузыкатә гәыҧ «ДО-РЕ-МИ», иара убас ашәаҳәаҩ қәыҧш, амобилтә еимадара АҞӘАФОН аӡыргаратә хаҿы аазырҧшуа Александра Оҭырҧҳа. Иазгәаҭатәуп, акциа мҩаҧысуанаҵы зҭел ахь хышә мааҭ инареиҳаны аҧара ҭазҵаз, иномер ахь адырра иоуан хәышә МБ хәыда ҧсада ихы иаирхәар шалшоз.

Аҵыхәтәан еизаз зегьы рзы  еиҿкаан аныҳәатә фуршет. Аиааира згаз ракәзар, ҭабуп ҳәа рарҳәон Аҟәафон аусзуҩцәа ас еиҧш иҟоу акциақәа ахьеиҿыркаауа азы.  

Наала Чхьынџьериа,АТ.



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Ноиабр 2017
71
Аҭыжьымҭаҿы:Иҵит ҩажәи хәба шықәса Аҧсны аҳәынҭқарратә шәарҭадаратә маҵзура аҳәаахьчаҩцәа ргәыҧ аҧҵоижьҭеи.
20 Ноиабр 2017
115
1992 шықәса, ноиабр 20 рзы Атәылахьчара аминистрра аҟны еиҿкаан аҳәаахьчаҩцәа ргәыҧ.
17 Ноиабр 2017
112
Аҭыжьымҭаҿы:Зыргылара иаҿу аобиектқәа ргәаҭаразы. Усутә визитла Аҧсны даҭааит Лев Кузнецов.

17 Ноиабр 2017
103
Гиви Аиба ҩынҩажәа шықәса инарзынаҧшуа Аҟәатәи аботаниктә баҳча напхгара аиҭон.
17 Ноиабр 2017
102
Уи хықәкыс иамоуп Аҧсни Нхыҵ –Кавкази еидызкыло азеиҧш культуратә аинформациатә , агуманитартә қәыҧшылара арҕәҕәара амеханизмқәа аус рыдулара .
17 Ноиабр 2017
113
Уи хациркит Басараиа имҩаду аҿы иҟоу аҩнеихагылақәа фба рҿы иқәдыргылаз алифтқәа русушьа агәаҭара ала.
Загрузка плеера
Алаҳәарақәеи адныҳәаларақәеи
АГТРК