Имҩаҧысит Фазиль Искандер ихьӡ зху Жәларбжьаратәи акультуратә фонд «Ауаҩы иааҭгыларҭа» аӡыргара.

09.02.2017
520

Аҧсны Ахада Рауль Ҳаџьымба  ихы алаирхәит    Фазиль Искандер ихьӡ зху Жәларбжьаратәи акультуратә фонд «Ауаҩы иааҭгыларҭа» аӡыргара. Аӡыргара  аҟны   ирылацәажәан ашәҟәыҩҩы иҧсадгьыл аҿы  ихьыӡ анаунагӡатәраз иҟаҵатәу аусмҩаҧгатәқәа. Афонд ахаҭарнакцәеи,  ҳтәыла анапхгареи ргәаанагарақәа еибырҳәеит.  Уи анаҩс Аҧсны   акультуреи,  аҭоурыхтә культуратә ҭынха  ахьчара  аминистрреи,  жәларбжьаратәи  акультуратә фонд   «Ауаҩы иааҭгыларҭа»  анапхгаҩи аиқәшаҳаҭра рнапы  аҵарҩит.

Аиҧылара аартуа Аҧсны Ахада  иазгәеиҭеит Фазиль Искандер ирҿиамҭақәа зегьы бзиа ишеицырбо. Иара иҩымҭақәа рыла Аҧсны ахьӡ рдыруаны иҟалеит адунеи аҿы, ашәҟәыҩҩы  иҟамзаара шцәыӡ дуу жәлары зегьы рзы, – иҳәеит Рауль Ҳаџьымба.  Ҳара иаҳуалуп Фазиль Искандер ихьӡ анаунагӡатәра, – азгәеиҭеит Аҧсны Ахада.  Ҳтәыла акультуреи аҭоурыхтә-культуратә ҭынха ахьчареи рминистр Ельвира Арсалыиаҧҳа илҳәеит,  Аҧсны имҩаҧысуа «Ауаҩы иааҭгыларҭа» захьӡу  Жәларбжьаратәи афестиваль  есышықәса амҩаҧгара штрадициахо .

Фазиль Искандер ихьӡ зху Жәларбжьаратәи акультуратә фонд «Ауаҩы иааҭгыларҭа» ахантәаҩы Шьазина Агрба илҳәеит, Фазиль Искандер ҳаҭыр ду зқәу ашәҟәыҩҩы шиакәу, иара иҩымҭақәа ирыҧхьон иагьрыҧхьалоит еснагь, аха ихьӡ иҧсадгьыл иузаҟәымҭхо иадҳәалатәуп, уи атәы иазхәыцуеит афонд анапхгара. Шьазина Агрба илҳәеит, еиҿкаазар шыбзиоу аныҟәарақәа Фазиль Искандер иҩымҭақәа рҿы иаарҧшу аҭыҧқәа рахь.

Ашәҟәыҩҩы ирҿиара абзиабаҩ Сариа Нанба аус здылулоз ахсаала ӡырылгеит.  Уаҟа иарбан Фазиль Искандер ихьӡ зыдҳәалоу ауаҩы шьапылеи машьыналеи дызҭаар илшо аҭыҧқәа. Афонд аиҿкааҩцәа иҟарҵаз ажәалагалақәа ируакын Аурыс драматә театр Фазиль Искандер ихьӡ ахҵара, Аҟәа ашәҟәыҩҩы иҩымҭақәа иахьрылацәажәаша аҧхьарҭа аиҿкаара.

Жәларбжьаратәи акультуратә фонд ахантәаҩы илҳәеит ашәҟәыҩҩы ихьӡ анаунагӡатәразы  Аҧсны еиҿкаау  аҳәынҭқарратә комиссиа ацхыраара арҭар шрылшо,  - “Ҳара ҳазыхиоуп аусеицура”, – азгәалҭеит лара. Асахьаҭыхҩы Алықьса Шервашиӡе-Чачба иҳәеит, Фазиль Искандер иҧсы анҭаз Марина Ешба  ибиуст шыҟалҵахьаз, уи аусумҭа ҟазара ҳаракыла инагӡоуп, -  азгәеиҭеит иара, аџыр ахь ииагазар алшоит иҳәеит асахьаҭыхҩы.

Аҧсны ахада иабжьгаҩ Владимир Занҭариа еизаз идирдырит  Фазиль Искандер ихьӡ анаунагӡатәраз аҳәынҭқарратә комиссиа имҩаҧнагахьо аилацәажәарақәа рҿы иззааҭгылахьаз азҵаарақәа.
Аҧсны акурортқәеи атуризми рзы аминистр Автандил Гарцкиа иазгәеиҭеит, Фазиль Искандер ихьӡ зҳәо аҭыҧқәа рыла аныҟәарақәа реиҿкаара ихахьы ишиго, ҳара иаҳуалуп ашәҟәыҩҩы игәаларшәара анаунагӡатәра , азгәеиҭеит Автандил Гарцкиа.

Аиҧылараҿы иазыӡырҩын егьырҭ ажәалагалақәагьы.  Анаҩс Аҧсны аультуреи аҭоурыхтә- культуратә ҭынха ахьчареи рминистр Ельвира Арсалыиҧҳаи  Фазиль Искандер ихьӡ зху Жәларбжьаратәи акультуратә фонд «Ауаҩы иааҭгыларҭа» ахантәаҩы Шьазина Агрбеи рнапы аҵарҩит аиқәшаҳаҭра аҧхьаҟатәи русеицуразы.

Альбина Жьиҧҳа, Ҭемыр Гогохьиа,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21 Ноиабр 2017
125
Аҭыжьымҭаҿы:Афестиваль « КУНАКИ»   аусура  хнаркəшеит, аха  агран – при  занаршьаша   аусумҭа  ҳәа  акагьы  рзалымхит.
21 Ноиабр 2017
96
Сынтәатәи афестиваль аҿы иалкаан ф-фильмк. Убри аан, сынтəа агран-при алкаамызт.
21 Ноиабр 2017
101
Уи азкуп археорлог-кавказҭҵааҩ МихаилҬраҧшь и-шәышықәсхыҵра .
21 Ноиабр 2017
75
Ирылацәажәон Аҧсны инхо Урыстәыла атәылауаа амедицинатә ҧгаҧса рыҭарарзы аиқәшаҳаҭра анагӡашьа азҵаарақәа.
21 Ноиабр 2017
88
Ирылацəажəеит Санкт- Петербург имҩаҧысыз жәларбжьаратәи акультуратә форум алҵшәақәа.
20 Ноиабр 2017
135
Аҭыжьымҭаҿы:Иҵит ҩажәи хәба шықәса Аҧсны аҳәынҭқарратә шәарҭадаратә маҵзура аҳәаахьчаҩцәа ргәыҧ аҧҵоижьҭеи.
Загрузка плеера
Алаҳәарақәеи адныҳәаларақәеи
АГТРК