Аҧсны амассатә информациатә хархәагақәа рассоциациа апресс-центр аҿы Жәлар Реизара ахантәаҩы Валери Бганба ипресс-конференциа мҩаҧган.

09.02.2017
648

Аҧсны амассатә информациатә хархәагақәа рассоциациа апресс-центр аҿы Жәлар Реизара ахантәаҩы Валери Бганба ипресс-конференциа  мҩаҧган.  Уаҟа    иаазыркьаҿны иалацәажәан    апарламент  хәышықәсатәи аусура. Иара убасгьы ҷыдала ажурналистцәа азҿлымҳан АРСМИРА аҟынтәи Жәлар Реизарахь инашьҭыз иаарту ашәҟәы. Уи инақәыршәаны, адепутатцәа русура иадҳәалоу аҧҟарақәа рыҧсахразы ажәалагалақәа ҟаҵоуп. Валери Бганба иҳәеит, дзықәшаҳаҭу хәҭаҷқәак шыҟоу, аха урҭ рынагӡаразы иаанхаз аамҭа шмаҷу. Жәлар Реизара уажәтәи аилазаара уи ишахьымӡо.  

Аҧсны амассатә информациа ахархәагақәа рассоциациа еиднакыло ажурналистцәа рыхьӡала  Жәлар Реизара адепутатцәа рахь инашьҭыз ашәҟәы ауаажәларра рыбжьара адгылара аиуит. Иара асоциалтә даҟьақәа рҿы рнапы аҵарҩит шәҩыла ауаа. Иаарту ашәҟәы авторцәа  Жәлар Реизара адепутатцәа рнапынҵақәеи, ртәанчахәи, русутә машьынақәеи, аҳәынҭқарра аҟынтә хәыда-ҧсада ирызҭарҭәо абылтәи, ирымоу адепутаттә хьчареи  ирызку азҵаарақәа ирзааҭгылоит. Ари ашәҟәы ахҳәаа аиҭарц азы ауп АРСМИРАХЬ дзааҧхьаз Аҧсны Жәлар реизара ахантәаҩы Валери Бганба. Иара иҳәеит, дзықәшаҳаҭу хәҭаҷқәак ыҟазаргьы, иаадкыланы ашәҟәы иаҳәо зегьы анагӡара иашоуп ҳәа агәаанагара шимам. Валери Бганба иҳәеит, адепутат ақәымчра имоурцазы мацара шакәу уи иламкьысразы азакуан аҿы ахәҭаҷ зарбоу. Жәлар Реизара ахнтәаҩы иара убасгьы иазгәаиҭеит , Аҧсны апарламент ыҟоуижьҭеи депутатк азакуан шеилаимгац уажәраанӡа. Ауаа рҭархара аиҿкааразы аусӡбарҭа зҭакразы аӡбамҭа аднакылаз, жәлар реизара адепутат Нодик Кәыҵниа итәы далацәажәо иазгәеиҭеит, макьана иара дышдепутату. Уи идепутатә мчра ихыхны, илакьысразы азин ҟалоит аусӡбарҭа аҵыхәтәантәи аӡбамҭа анаднакылалак анаҩс. Аха ,макьана иара иус еиҭахәаҧшраны иҟоуп.

Валери Бганба иҳәеит, иара убасгьы дшақәшаҳаҭым адепутатцәа русутә мшы аа-сааҭк ыҟазар ауп ҳәа ашәҟәы аҿы иаҳәо. Иара иажәақәа рыла, Аҧсны Жәлар Реизара адепутатцәа аусураҿы иҟоуп дара иахьрыхәҭоу аҟынӡа. Иҟалалоит уаха асааҭ жәабанӡа аилакқәа рҟны мамзаргьы аҩныҵҟатәи аилатәарақәа анымҩаҧысуа. Убри инамаданы, аамҭа ашьақәыргылара иашаӡам.

Жәлар реизара ахантәаҩы иҳәеит, идуу атәанчахәы адепутатцәа рыдагьы егьырҭ аусбарҭақәак рҿы ишроуа. Аха, азҵаара ҵарны иқәгылазар ҳарҭ уи мап ацәаҳкыр алшоит, ҳәа азгәеиҭеит иара.
Зыӡбахә цо ашәҟәаҿы иазааҭгылоуп адепутатцәа аҳәынҭқарра ирзаанахәо аусутә машьынақәа ртәы. Азҵаара аҭак ҟаҵо Валери Бганба иҳәеит, урҭ русура анынрыжьуа аӡәгьы аҩныҟа ишыимго, апарламент азы иаахәоу автомашьынақәа зегьы рҭыҧ аҿы ишыҟоу. Аха, убри аан иҳәеит ,дшақәшаҳаҭым адепутацәа ауаажәларратә транспорт ала иныҟәалааит ҳәа иҟаҵоу ажәалагала.

Жәлар Реизара ахантәаҩы иҳәеи,т апарламент уажәтәи аилазаара иҟаҵоу ажәалагалақәа рыдкылара ишахьымӡоу. Аха, ишаҧҵахо аусутә гәыҧ. Аилазаара аҽаҧсахыргьы, ари агәыҧ аусура иацҵахоит.
Апресс-конференциаҿы ирзааҭгылан егьырҭ азҵаарақәагьы. Валери Бганба хәышықәсатәи аусура аихшьаалақәа ҟаиҵеит. Иаликааит еиҳа ихадаратәқәоу ҳәа ииҧхьаӡо. Иҳәеит иаадкыланы ҩышә закуани, хәышә қәҵареи иреиҳаны ишрыдыркылаз.

Елана Лашәриа, Алықьса Агәхаа, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21 Ииун 2018
82
Аҭыжьымҭаҿы:Избан амшын аҭалара зрыцҳарахаз?. Актулара злоу анҵамҭа.
21 Ииун 2018
37
Аҟәа иазгәарҭеит  Урыстәыла  Абжьаҟазаратә Мчқәа ҳтәыла  ралагалара амш.  
20 Ииун 2018
95
Аҭыжьымҭаҿы:Аиубилеитә рыцхәқәа рымҩаҧгара аҽазыҟаҵара иазкны Аҧсны Ахада аилацәажәара мҩаҧигеит.
20 Ииун 2018
103
Убри азы аӡбамҭа идикылеит Аҧсны аҵареи аҭҵаарадырреи рминистр Адгәыр Какоба.
Загрузка плеера
Алаҳәарақәеи адныҳәаларақәеи
АГТРК