Аҵареи аҵарадырреи рминистрраҿы имҩаҧысит ҩнызқьи жәаф шықәсазтәи аихшьаалатә коллегиа.

09.02.2017
777

Аҵареи аҵарадырреи рминистрраҿы имҩаҧысит ҩнызқьи жәаф шықәсазтәи аихшьаалатә  коллегиа.    Уи далахәын аҧыза министр ихаҭыҧуаҩ Беслан Ешба.  Аколлегиа  аҟны иззааҭгылоз азҵаарақәа ртәы ҳкорреспондентцәа  ранҵамҭаҿы.

Аҵареи аҭҵаардырреи рминистр Адгәыр Какоба  аколлегиа аилатәара аартуа, Дмитри Гәазааи Медеиа Ченгьелиеи дрыдныҳәалеит аминистрцәа рықәҵарала ихаҭыҧуаас иахьышьақәырҕәҕәо  азы. Анаҩс  ииасит  аколлегиа амшхәаҧштә  иарбаз  азҵаарақәа  рахь.

Раҧхьа   иазааҭгылеит Очамчыратәи ашкол интернат аҟны аҵара - ааӡаратә процесс амҩаҧысшьа. Аҵара ахаҭабзиара  агәаҭара аҟәша аиҳабы Ирина Лакоба лықәгылараҿы иазгәалҭеит,  ари аҵараиурҭа  аҟны аҵаратә  процесс ахаҭабзиара ҩынҩажәи хәба  процент  ишреиҳам. Убри алагьы иалкаан аҵаратә  процесс  аҧсыҽра.

Иара убас, Ирина Лакоба  дрылацәажәеит Аҭаратәи,  Аӡҩыбжьатәи,  Тамшьтәи, Баслахәтәи ашколқәа рҟны абиологиа, ахимиа, агеографиа амаҭәарқәа рызнагашьа  иамоу  аҩаӡара. Лара илҳәеит, агәаҭарақәа  раан    ишаарҧшыз арҭ амаҭәарқәа ирыҧхьо арҵаҩцәа апрактикатә урокқәа рымҩаҧгара  иаҵанакуа амыругақәа рыла ишеиқәыршәам.

Ашколқәа рҿы  химиа, биологиа, географиа  рызҭо     ззанаҭ ала аус зуа роуп. Убри аан иҳәан, дара шқәыҧшцәоу, рҧышәа аизырҳаразы акурсқәа рахыжьра   еиҿкаазар  уи  шыцхыраагӡа духо. Аилатәараҿы арҭ арбарақәа   ибзиоуп ҳәа азыҧхьаӡаны ирыдыркылеит.

2016 ашықәсазы  арҵаҩратә институт аусура аихшьаала ҟалҵеит уи аиҳабы Ирина Кәакәасқьыр. Лара дырзааҭгылеит ашықәс аҩныҵҟа иалыркааз азҵаара хадақәа.

Араионқәа рҵара усбарҭа аҟәшақәа русура атәы даазаҭгылеит  аҵара агәаҭаратә комиссиа алахәыла Марина Барамиа. Ашықәс азыбжатәи аҵара апроцесс ибзиоуп ҳәа ахҳәаауа иазгәалҭеит, аҧхьаҟа аус здырулаша азҵаарақәа шырацәоу.

Аилатәараҿы убасгьы иазааҭгылан ашколқәранӡатәи аҵара амҩаҧысшьагьы. Арҭ  аҳасабырбақәа ицәгьам ҳәа азыҧхьаӡаны ишьақәырҕәҕәан.  Аилатәараҿы еицҿакны адгылара арҭеит  абжьаратә школқәа рҟны аҵара аминистрра аҧышәарақәа рзы иаланагалаз аҧсахрақәа. Убас, аҧшьбатәи акласс инаркны ажәеизатәи аҟынӡа аҧсуа бызшәазы аҧышәарақәа рҭилоит иаҧсыуам ашколқәа рҟны. 2017 – 2018 шықәсқәа рзы аҵартә процесс иалагалахоит ажәбатәи акласс инаркны ажәеизатәи аҟныӡа Аҧсны аҭоурых азы аҧышәара. Иара убас Адгәыр Какоба иҳәеит, ашколтә спартакиада иалахәхо рзы аҧышәарақәа рҟынтә рхы иақәиҭымкəа урҭ шырҭило заанаҵы.

Аилатәара  аҟны ирзааҭгылан   амшхәаҧштә   аҿы иарбаз  егьырҭ азҵаатәқәагьы.



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Ииун 2018
91
Аҭыжьымҭаҿы:Аиубилеитә рыцхәқәа рымҩаҧгара аҽазыҟаҵара иазкны Аҧсны Ахада аилацәажәара мҩаҧигеит.
20 Ииун 2018
57
Убри азы аӡбамҭа идикылеит Аҧсны аҵареи аҭҵаарадырреи рминистр Адгәыр Какоба.
20 Ииун 2018
89
Урҭ аҭыҧқәа ргәаҭаразы дырҭааит аҳҭнықалақь ахада Адгәыр Ҳаразиа.
20 Ииун 2018
49
Ҷыдала иаҧҵаз аусуҩтә гәыҧ ари азҵаара анҭырҵаа, еилкаахеит Аҧсны атәылауаа рзинқәа реилагара аҭыҧ шамоу.
20 Ииун 2018
63
Убас,. Гагра араион Алаҳаӡыхь ақыҭаҿы иҟоу агәамеизгарҭа ауадаҩрақәа акыр рызцәырнагоит ааигәа инхо ауааҧсыра.
Загрузка плеера
Алаҳәарақәеи адныҳәаларақәеи
АГТРК