Апарламент асессиа

10.02.2017
420

Аҧсны Жәлара Реизара адепутатцәа реилатәара аҟны маӡалатәи абжьыҭарала аконституциатә ӡбарҭа аӡбаҩыс далхын Диана Ҧлиа.

Алхратә комиссиа хада аоппозициа ахьӡ ала Исидор Дочиа иалаҵаразы амаӡалатәи абжьыҭараан иахәҭаз адгылара имоуит, убри аҟнытә Дочиа Ацентртә алхратә комиссиа дахыҧхьаӡалам. Жәлар реизара адепутатцәа реилатәараҿы ишьҭыхын егьырҭ азҵаарақәагьы. Адепутатцәа аусура иалагаанӡа иҟаҵаз ажәалагала ала абџьара азы азакуан амшхәаҧштә аҟнытә иқәган . Ари азакуан иҵегьы аус адулатәуп, ҳмилаҭи ҳҳәынқарреи ирышьашәало иҟаҵатәуп, иҳәеит Жәлар Реизара аиҳабы Валери Бганба. Аҳәынҭқарра ахада Аконституциатә усӡбарҭа аӡбаҩыс апарламент ахь ирыдигалеит Диана Ҧлиа лкандидатура. Адепутатцәа маӡалатәи бжьыҭарала уи далырхит. 

Уаанӡатәи апарламент асессиаҿы алхратә комиссиа хада аоппозициа ахьӡала иалаҵаразы иӡбахә ҳәан Гәдиса Агрба. Аха иара март мзазы имҩаҧысран иҟоу жәлар реизарахь алхрақәа ихы ахьрылаирхәуа инамаданы, ихаҭыҧан ихьыӡ ҳәан Исидор Дочиа. Адепутатцәа араҟагьы маӡалатəи абжьыҭара мҩаҧыргеит, аха Дочиа иазхашаз абжьқәа имоуит.

Жәлар Реизара аилатәарахьы ааҧхьара иман Аҳәынқарра Ахада Рауль Ҳаџьымба уи Аконституциатә усбарҭа аӡбаҩцәас иалхыз рҭоубадкылара далахәын. Атәыла Ахада иҳәеит, ари аӡбарҭахь инеиуа зегьы Аҳәынқарра аинтересқәа рыхьчара хықәкыс ирымазар шакəу.

 «Амассатә информациа ахарахәагақәа»-рзы адепутатцәа ирыдгалаз азакуан апроект ахҧатәи аҵыхәтәантәи аҧхьараҿы еицҿакны ирыдыркылеит. Ари азакуан апроект аҿы иазгәаҭоуп аинтернет аҿы ицәырҵуа амассатә информациа ахархәагақәа ирыдҳәало асаитқәа хымҧдатәны аиустициақәа рминистрраҿы ашәҟәы рыҽшҭарагалар акәу , уи иабзоураны азакуан аганахь ала ахылаҧшра шамазаауа . 

Жәлар Реизара адепутатцәа реилатәараҿы ирыдгалаз абҩараҵәыразы азакуан апроект аҩбатәи аҧхьараҿы ирыдыркылеит. Жәлар реизара адепутат Валери Кәарҷиа дазааҭгылеит апарламет аҿы ирыдыркылаз абызшәазы азакуан иахьазы ахарахәара ахьынӡамоу, иара иҳәеит ачынуаа ишахәҭо еиҧш абызшәа рхы иахьдмырхәо агәынамӡарақәа шыҟоу. Жәлар реизара адепутатцәа реилатәараҿы ирыхәаҧшын егьырҭ азҵаарақәагьы . 

Фатима Гьергьиа, ҬЕМЫР Гогохьиа ,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Февраль 2018
74
Аҭыжьымҭаҿы:Аҟәатәи араионтә еизара адепутатцәа араион ахада икандидатура иадгылеит.
16 Февраль 2018
77
Аспециалистцәа ражәақәа рыла, апальма зфо абжы ҟаҧшь уажәнатә иаанкыламзар, егьырҭ аҭыҧқәа рахь ииасыр алшоит.
16 Февраль 2018
62
Даҽа шәахтәк иалацәажәан Аҧсны аусдкылаҩцәа рассоциациа ахаҭарнакцәеи Жәлар реизара адепутатцәеи, аекономика аминистрреи, абизнес уааи злахәыз астол гьежь аҟны.
15 Февраль 2018
204
14 Февраль 2018
195
Загрузка плеера
Алаҳәарақәеи адныҳәаларақәеи
АГТРК