Аҧсуа бызшәазы азакуан инақәыршәаны, дарбанзаалакгьы анапхгараҭаратә ҭыҧ ахь инеиуа идыруазар ауп аҳәынҭқарратә бызшәа.

10.02.2017
385

Аҧсуа бызшәазы азакуан инақәыршәаны, дарбанзаалакгьы анапхгараҭаратә ҭыҧ ахь инеиуа идыруазар ауп аҳәынҭқарратә бызшәа.  Аха, Аҧсны Жәлар Резиарахь алхрақәа рзы Аконституциатә азакуан аҿы ари ахәҭаҷ арбаӡам. Азакуанқәа еиҿагылоит ҳәа аӡәырҩы ирымоу агәаанагара иашаӡам. Закуанк иану егьы аҿы иахьарбам Аҧсуа бызшәазы аҳәынҭқарратә егьырҭ азакуанқәагьы аҵанакуеит.

Аҧсуа бызшәа аҿиаразы ҩнызқьи быжьба  рзы  ирыдыркылаз,  аха  зыхәҭаҷқәа  зегьы  ҩнызқьи жәохә шықәса рзы аусра иалагаз азакуан егьырҭ азакуанқәа зегьы аҵанакуеит. Абызшәа аҳәынҭқарра ахьчоит, иаргылоит хыҧашьа змам аҳәаақәа, абызшәа змам ажәлар аҧеиҧш рымаӡам. Арҭ ажәақәа ус баша иҳәаӡам. Ари иахьатәи ҳҭагылазаашьа аазырҧшуа сахьоуп.

Аҧсуа бызшәа ашәарҭара иҭагылоуп ҳәа ацәажәарақәа иахьа акəӡам ианцәырҵыз. Аҵыхәтәантәи жәашықәса рыҩныҵҟа  аҵарауаа еиуеиҧшым ауснагӡатәқәа рыдыркылоит  абызшәа  излауала ахьчаразы. Убри ауп ҵаҵҕәыс иамазгьы аҳәынҭқарратә бызшәазы азакуангьы. Аха, рыцҳарас иҟалаз,ари азакуан ақьаад ианхалаз закуанхеит. Уи ахәҭаҷқәа рынагӡаразы аҽазышәарақәа шыҟаҵазгьы иахьа ужәраанӡагьы ишаҭаху еиҧш аус арура алыршаӡам. Абызшәа ахьысҳара азҵаара абжьааҧны аӡбахә рҳәозаргьы, уи еиҳагьы иҵарны иқәгылоит ауаажәларраҿы аҵакы змоу, аҳәынҭқарра аҿиашьа анырра азҭо ахҭысқәа раан. Ишдыру еиҧш, март жәаҩа рзы имҩаҧысраны иҟоуп Аҧсны ЖӘлар Реизарахь алхрақәа. Араҟа иқәгылоит азҵаара аилазаара ҿыц иалалоу адепутатцәа рыбжьара аҧсышәала шаҟаҩы цәажәалода ҳәа? Мамзаргьы апарламент ахь анеиразы закандидатурақәа ықәзыргылаз рыбжьара шаҟаҩы аҧсшәа рдыуада ҳәа?
Апарламенттә еилазаара шьақәгылоуп ҩажәи жәохәҩык адепутатцәа рыла. Дара роуп реинтересқәа рыхьчаразы ажәлар зыгәра ргаз. Убри аҟынтә адепутат аҳәынҭқарратә бызшәа идыруазар ауп, уи   ҷыдалатәи аҵакы амоуп. Жәлар Реизара аилатәарақәа урысшәала рымҩаҧгара мап ацәктәуп, ҳәа рыҧхьаӡоит аҵарауаа. Зыҧсҭазаара зегьы аҧсуа бызшәа аҭҵаара иазызкыз, академик Шоҭа Арсҭаа иажәақәа рыла, абызшәа иахьатәи аҭагылазаашьа агәҭынчымра ҕәҕәа унаҭартə иҟоуп. Убри аан иара иҳәеит, зегьы ирыҧхьагыланы ишиаҧхьаӡо аиҳабыра аҧсышәала рцәажәара.

Шоҭа Ҟасҭеи-иҧа иажәақәа рыла, абызшәазы азакуан аҿы иаҳәо ахәҭаҷқәа зегьы  аус руазҭгьы, азҵаарақәа цәырҵӡомызт. Дарбанзаалакгьы, мышкызны  анапхгараҭаратә ҭыҧ ахь инеирц згәы иҭаку заа абызшәа аҵара далагон. Ари рызкуп Аҧсны инхо амилаҭқәа зегьы. Академик иажәақәа рыла, акыр шықәса инеиҧнкыланы Аҧсны инхо, аха аҳәынҭқарратә бызшәа ззымҳәо мамзаргьы измаҳауа ауаҩы уи иаҳарц иҵарц иҭахӡам ауп иаанаго. Абызшәа ахархәара амазар ауп аҳәынҭқарратә усқәа зегьы рҟны, иара аҩаӡарақәа зегьы рҿы иусутә бызшәаны иҟазар ауп.  «Ахархәара змам абызшәа ҧсуп»,-иҳәоит Шоҭа Арсҭаа.

Аҧсуа бызшәа  адырра иаанагаӡом уҿагәаҿасуа аҳәара. Абызшәа здыруа ауаҩаы зегь раҧхьа иргыланы дыҩуазар, дхәыцуазар  ауп абызшәала. Аҧсны анаукақәа ракадемиа ахада Зураб Џьапуа игәаанагарала, унадасыланы ари азҵаара мышкала иузыӡбаӡом. Аҵарауаҩ иҳәеит, уи системала ишызнеитәу.
Аҧсны Аконституциа инақәыршәаны, иҟоу ҳәынҭқарра бызшәак-аҧсшәа мацара ауп. Аурыс бызшәа уи инавагыланы ухы иауырхәар ауеит. Азинҭҵааҩы Гиви Габниа иажәақәа рыла, араҟа иҩашьатәӡам, аҳәынҭқарратә бызшәа азы азакәан аҿы ибзианы иаарҧшуп уи инанагӡо афункциақәа зегьы. Азинҭҵааҩ иҳәоит, Аҧсуа бызшәа аҿиаразы азакуани Жәлар Реизара апарламента ахь алхрақәа рзы Аконстиутциатә закуани шеиҿагылам. Аиҿагылара захьӡу ҩ-закуанк зҵаарак азы ирну анеиҧшым ауп. Араҟа зыӡбахә цо уи акәӡам.

Абас ала,  еилкаауп акы- аҧсуа бызшәазы азакуан анагӡара иахьа иҧсыҽзаргьы, рымч зықәхо аҿы аилагара  иаҿагылоу рацәаҩуп. Насгьы, ишдыру еҧиш азакуанҧҵаратә система аҵак хада амоуп аҳәынҭқарра ашьақәгылашьа аҿы. Ус анакәха, амилаҭ  рлахьынҵа зыӡбо ауаа рхатәы бызшәала аҷҷаҳәа ицәажәо, ҧсыуак иаҳасаб ала аҧсышәала ихәыцуа иҟазар ауп.
Елана Лашәриа, Ельдар Дамиров, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21 Ноиабр 2017
117
Аҭыжьымҭаҿы:Афестиваль « КУНАКИ»   аусура  хнаркəшеит, аха  агран – при  занаршьаша   аусумҭа  ҳәа  акагьы  рзалымхит.
21 Ноиабр 2017
92
Сынтәатәи афестиваль аҿы иалкаан ф-фильмк. Убри аан, сынтəа агран-при алкаамызт.
21 Ноиабр 2017
99
Уи азкуп археорлог-кавказҭҵааҩ МихаилҬраҧшь и-шәышықәсхыҵра .
21 Ноиабр 2017
69
Ирылацәажәон Аҧсны инхо Урыстәыла атәылауаа амедицинатә ҧгаҧса рыҭарарзы аиқәшаҳаҭра анагӡашьа азҵаарақәа.
21 Ноиабр 2017
86
Ирылацəажəеит Санкт- Петербург имҩаҧысыз жәларбжьаратәи акультуратә форум алҵшәақәа.
20 Ноиабр 2017
133
Аҭыжьымҭаҿы:Иҵит ҩажәи хәба шықәса Аҧсны аҳәынҭқарратә шәарҭадаратә маҵзура аҳәаахьчаҩцәа ргәыҧ аҧҵоижьҭеи.
Загрузка плеера
Алаҳәарақәеи адныҳәаларақәеи
АГТРК